गुरुवार, 8 ऑक्टोबर 2026
नाना पाटेकर यांचे हृदयविकाराच्या झटक्याने निधन! हार्ट अटॅक येण्याआधी दिसून येणाऱ्या 'या' लक्षणांकडे अजिबात करू नका दुर्लक्ष
Nana Patekar Passed Away: सामाजिक बांधिलकी जपणारे ज्येष्ठ अभिनेते नाना पाटेकर यांचे हृदयविकाराच्या तीव्र झटक्याने निधन झाले आहे. गोव्यामध्ये त्यांना ह्दयविकाराचा झटका आला. घरात ते बेशुद्ध अवस्थेमध्ये सापडले होते.त्यानंतर त्यांना तातडीने रुग्णालयात दाखल करण्यात आले. रुग्णालयात दाखल केल्यानंतर डॉक्टरांनी त्यांना जवळपास ४५ मिनिटे सीआरपी देत वाचवण्याचा प्रयत्न केला. पण डॉक्टरांना यश आले नाही. कोणताही प्रतिसाद न मिळाल्यामुळे त्यांना मृत घोषित करण्यात आले. नाना पाटेकरांनी आपल्याला अभिनयाने चाहत्यांच्या मनात घर केले होते. याशिवाय नाना पाटेकर यांनी नाम फाउंडेशनच्या माध्यमातून आत्महत्याग्रस्त शेतकऱ्यांच्या कुटुंबीयांना मोठी मदत केली होती. नाना पाटेकरांच्या अचानक जाण्यामुळे मराठी रंगभूमी ते बॉलिवूड क्षेत्रावर शोककळा पसरली आहे. चला तर जाणून घेऊया हार्ट अटॅक येण्याआधी दिसून येणारी लक्षणे.(फोटो सौजन्य – सोशल मीडिया)
हार्ट अटॅक येण्याच्या महिनाभर आधी शरीरात वेगवेगळी लक्षणे दिसून येतात. मात्र या लक्षणांकडे फारसे लक्ष दिले जात नाही. छातीत होणारे असह्य दडपण किंवा वेदना जास्त वेळ टिकून राहिल्यास क्षणाचाही विलंब न करता वेळीच डॉक्टरांच्या सल्ल्याने उपचार करणे आवश्यक आहे. अचानक छातीत दडपण, जळजळ किंवा वेदना होत असल्यास हार्ट अटॅक येण्याचे संकेत असू शकतात.
अचानक श्वास घ्याल त्रास होणे, चक्कर येणे किंवा दम लागत असेल तर सुरुवातीच्या दिवसांमध्ये सामान्य समस्या समजून दुर्लक्ष केले जाते. पण असे नसून हार्ट अटॅक येण्याच्या काही तासआधी शरीरात होणाऱ्या बदलांमुळे ही लक्षणे दिसू लागतात. महिलांमध्ये हार्ट अटॅकची वेगळी लक्षणे दिसून येतात. त्यातील प्रामुख्याने दिसून येणारे लक्षणं म्हणजे श्वास घ्याल त्रास होणे.
हृदयविकाराचा झटका येण्याआधी अनेकांना डाव्या हातात तीव्र वेदना जाणवू लागतात. या वेदनांना काहीवेळा डाव्या खांद्यापासून सुरू होतात आणि संपूर्ण हातामध्ये पसरतात. याशिवाय काही प्रकरणांमध्ये या वेदना पाठ आणि मानेपर्यंत जाण्याची जास्त शक्यता असते. त्यामुळे हृदयसंबंधित दिसून येणाऱ्या कोणत्याही लक्षणांकडे दुर्लक्ष न करता वेळीच उपचार करावेत.
कोणतेही धावपळीची काम न करता सतत घाम येत असेल तर दुर्लक्ष करणे धोक्याचे ठरू शकते. कारण हृदयाचे रक्तभिसरण योग्यरीत्या चालू न राहिल्यामुळे रक्तवाहिन्यांना आवश्यक ऑक्सिजन पुरवठा होत नाही. ज्याच्या परिणामामुळे वारंवार घाम येणे किंवा चालताना धाप लागणे इत्यादी लक्षणे दिसू लागतात.
