National Edema Day 2026: हातपाय कायमच सुजल्यासारखे दिसतात? एडेमाचे वेळेत निदान करून आरोग्याची काळजी घ्या

National Edema Day 2026: एडेमाबद्दल जागरूकता आणि तपासणीला प्रोत्साहन देण्यासाठी सी एडिमा, सीक हेल्प' हा उपक्रम देशभरात सगळीकडे राबवण्यात आला आहे.एडेमा ही शरीरातील ऊतींमध्ये अतिरिक्त द्रव साठल्यामुळे होणारी एक स्थिती आहे. चला तर जाणून घेऊया सविस्तर.

National Edema Day 2026: एडेमा ही शरीरातील ऊतींमध्ये अतिरिक्त द्रव साठल्यामुळे होणारी एक स्थिती आहे, ज्यामध्ये सहसा सूज येते, विशेषतः पाय, घोटे आणि तळपायांना. याचा संबंध हृदय, यकृत, मूत्रपिंड आणि थायरॉईडच्या आजारांसारख्या अनेक अंतर्गत आजारांशी असतो. त्यामुळे, या स्थितीबद्दल लोकांमध्ये अधिक समज निर्माण करण्यासाठी, योग्य उपचारांना चालना देण्यासाठी आणि तिचे व्यवस्थापन करण्यासाठी जागरूकता आणि रुग्ण शिक्षण अत्यंत महत्त्वाचे आहे. ही गरज ओळखून, 2024 मध्ये जर्नल ऑफ द असोसिएशन ऑफ फिजिशियन्स ऑफ इंडिया (जापी) मध्ये प्रकाशित झालेल्या इंडियन एडेमा कन्सेंससने, या स्थितीबद्दल जागरूकता आणि तपासणी सुधारण्यासाठी दरवर्षी 25 सप्टेंबर हा राष्ट्रीय एडेमा दिन म्हणून साजरा करण्याची शिफारस केली आहे.(फोटो सौजन्य – istock)

Gut Health: पचनक्रियेपासून बद्धकोष्ठतेपर्यंत त्रिफळा चूर्णा खाल्याने शरीराला होतील भरमसाट फायदे, जाणून घ्या सेवन करण्याची पद्धत

राष्ट्रीय एडेमा दिन का साजरा केला जातो?

एडेमाबद्दल जागरूकता आणि तपासणीला प्रोत्साहन देण्यासाठी, सिप्लाचा ‘सी एडिमा, सीक हेल्प’ हा उपक्रम देशभरात या प्रयत्नांना अधिक गती देत ​​आहे. या उपक्रमाचे ऑनलाइन एडेमा तपासणी साधन लोकांना एडेमाची संभाव्य लक्षणे ओळखण्यास आणि प्राथमिक गुण मिळविण्यात मदत करते, ज्यामुळे त्यांना आरोग्य व्यावसायिकाशी माहितीपूर्ण संवाद साधता येतो.

योग्य निदानाच्या महत्त्वावर जोर देत, डॉ. सचिन निकम, इंटरव्हेंशनल कार्डिओलॉजिस्ट, कोल्हापूर, म्हणाले, “एडेमाचे लवकर निदान होणे आवश्यक आहे, कारण सूजेचे कारण समजल्याने योग्य उपचार निश्चित करण्यास मदत होते. जास्त वेळ बसल्याने किंवा एकाच स्थितीत राहिल्याने, जास्त खारट पदार्थ खाल्ल्याने, गर्भधारणेदरम्यान किंवा मासिक पाळीच्या काळात कधीकधी सौम्य सूज येऊ शकते. तथापि, एडेमा हा हृदयविकार, मूत्रपिंडाचा आजार, शिरांचे कार्य बिघडणे किंवा यकृताचा सिरोसिस यांसारख्या अंतर्निहित परिस्थितींशी देखील संबंधित असू शकतो. एक साधी तपासणी किंवा स्वयं-मूल्यमापन साधन लोकांना स्वतःला जाणवणाऱ्या लक्षणांविषयी अधिक जागरूक होण्यास मदत करू शकते. मात्र, अशा साधनांनी वैद्यकीय निदानाची जागा न घेता, त्याला पूरक म्हणून काम केले पाहिजे. आरोग्यसेवा तज्ज्ञांचा सल्ला घेतल्यास समस्येचे संभाव्य कारण ओळखण्यास आणि योग्य उपचारांबाबत मार्गदर्शन मिळण्यास मदत होऊ शकते.

Weight Loss Tips: सकाळी रिकाम्या पोटी व्यायाम केल्याने खरंच लवकर फॅट बर्न होते? जाणून घ्या सत्य

‘सी एडेमा, सीक हेल्प’ या उपक्रमाद्वारे, सिप्लाचा उद्देश एडेमाबद्दल जागरूकता निर्माण करणे आणि लोकांना त्याची संभाव्य लक्षणे ओळखण्यास, त्यांचे योग्य मूल्यांकन करण्यास व गरज भासल्यास वैद्यकीय सल्ला घेण्यास प्रोत्साहित करणे आहे.