Recipe : नाॅनव्हेज प्रेमींसाठी खास! घरी आलेल्या पाहुण्यांसाठी घरीच बनवा स्ट्रीट स्टाईल कुरकरीत ‘चिकन लाॅलीपाॅप’

Chicken Lollipop Recipe : कुरकुरीत चवीचा चिकन लाॅलीपाॅप एक लोकप्रिय इंडो-चायनीज स्टार्टर आहे. लहानांपासून मोठ्यांपर्यंत ही डिश सर्वांच्याच आवडीची आहे, अशात यंदा विकत कशाला घरीच तयार करा चिकन लाॅलीपाॅप!

(फोटो सौजन्य: Pinterest)

Follow Us:

Follow Us:

• चिकन लाॅलीपाॅप एक स्टाटर्सचा प्रकार आहे.
• स्ट्रीटपासून हाॅटेलपर्यंत हा पदार्थ आवर्जून मेन्यूमध्ये ॲड केला जातो.
• कुरकुरीत चवीचा हा चिकन लाॅलीपाॅप घरी देखील बनवता येऊ शकतो.

Summer Special : कडक उष्ण वातावरणात शरीराला मिळवून द्या थंडावा, घरी बनवा मलाईदार ‘लस्सी’

घरच्या घरी स्ट्रीट स्टाईल चिकन लॉलीपॉप बनवणं काही अवघड नाही. योग्य मॅरिनेशन, मसाल्यांचा बरोबर समतोल आणि योग्य पद्धतीने तळणं या गोष्टी लक्षात घेतल्या तर तुम्हीही अगदी बाहेरसारखीच चव घरात तयार करू शकता. ही रेसिपी खास करून पार्टी, गेट-टुगेदर किंवा संध्याकाळच्या स्नॅक्ससाठी एकदम परफेक्ट आहे. चला याची रेसिपी जाणून घेऊया.

साहित्य:

• 500 ग्रॅम चिकन विंग्स (लॉलीपॉप कट)
• 2 टेबलस्पून आलं-लसूण पेस्ट
• 1 टेबलस्पून लाल तिखट
• 1 टीस्पून मिरपूड
• 1 टीस्पून सोया सॉस
• 1 टीस्पून व्हिनेगर (ऑप्शनल)
• 2 टेबलस्पून कॉर्नफ्लोअर
• 2 टेबलस्पून मैदा
• 1 अंडे
• मीठ चवीनुसार
• तेल तळण्यासाठी

कृती:

• सर्वप्रथम चिकन लॉलीपॉप स्वच्छ धुवून पाणी निथळू द्या.
• एका भांड्यात चिकन घेऊन त्यात आलं-लसूण पेस्ट, लाल तिखट, मिरपूड, मीठ, सोया सॉस आणि व्हिनेगर घालून चांगलं मिक्स करा.
• हे मिश्रण किमान 30 मिनिटे मॅरिनेट होण्यासाठी बाजूला ठेवा.
• आता त्यात अंडे, कॉर्नफ्लोअर आणि मैदा घालून पुन्हा एकदा नीट मिसळा.
• कढईत तेल गरम करा आणि मध्यम आचेवर चिकन लॉलीपॉप सोनेरी आणि कुरकुरीत होईपर्यंत तळून घ्या.
• तळलेले लॉलीपॉप टिश्यू पेपरवर काढा, जेणेकरून अतिरिक्त तेल निघून जाईल.
• गरमागरम चिकन लॉलीपॉप हिरव्या चटणी किंवा सॉसबरोबर सर्व्ह करा.
• जास्त कुरकुरीतपणा हवा असेल तर थोडं राईस फ्लोअर घालू शकता.
• लाल रंगासाठी थोडासा फूड कलर वापरू शकता (ऑप्शनल).
• अधिक स्ट्रीट स्टाईल फ्लेवरसाठी शेवटी थोडा चाट मसाला शिंपडा.

Web Title: Non veg lovers know how to make street style crispy chicken lollipop at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com