Lifestyle News : सकाळी रोज फक्त १० मिनिटे करा ‘ॐ’चा जप! शरीराला मिळतील ‘हे’ अद्भूत फायदे

सकाळची सुरुवात शांतपणे केल्यास संपूर्ण दिवसावर त्याचा सकारात्मक परिणाम होऊ शकतो. अनेक वर्षांपासून ओम नामाचा जप मन शांत करण्यासाठी केला जातो. नियमितपणे काही मिनिटे जप आणि श्वासावर लक्ष केंद्रित केल्याने तणाव कमी होण्यास आणि एकाग्रता सुधारण्यास मदत होऊ शकते.

• सकाळी १० मिनिटे ओम जप केल्याने मन शांत ठेवण्यास मदत होऊ शकते.
• नियमित जपामुळे तणाव कमी होऊन एकाग्रता वाढण्यास मदत मिळू शकते.
• रात्री झोपण्यापूर्वी जप केल्यास मन रिलॅक्स होण्यास आणि शांत झोपेसाठी मदत होऊ शकते.

जुन्या काळापासून सकाळी ओम नावाचा जप करण्याचा सल्ला दिला जातो. ही गोष्ट धार्मिक गोष्टीशी जोडलेली असली तरी शरीराला याचे अनेक फायदे होत असतात. काहीजण आपली सकाळची सुरुवात ओम जपनामाने करतात, यामुळे त्यांना मानसिक शांतता लाभते. तथापि, अनेकांना प्रश्न पडतो की, या जपाचा खरंच आपल्या आयुष्यात फायदा होता का? तुम्हालाही हा प्रश्न पडल्यास ही तुमच्यासाठी कामाची ठरु शकते. मनाला शांत करण्यासाठी आणि मानसिक आरोग्य सुधारण्यासाठी जप केलेला खरंतर फायदेशीर मानला जातो. रोज सकाळी फक्त १० मिनिटे बाजूला काढून तुम्ही ओम नावाचा जप केल्यास तुमच्या आयुष्यात नक्कीच काही सकारात्मक बदल झाल्याचे तुम्हाला दिसून येईल. याला नियमितरित्या आपल्या दिनचर्येचा भाग बनवून घेतल्यास तणाव, एकाग्रता आणि झोपेशी संबंधित समस्या कमी होण्यास मदत होऊ शकते.

डासांचा करायचाय नायनाट! लिंबाचे साल फेकून देण्याऐवजी त्याचा असा करा वापर; घरगुती उपायाने सर्व डास होतील छुमंतर

सकाळच्या प्रहरी काहीवेळ स्वत:साठी काढा

सकाळी उठताच घाईघाईत काम करायला घेण्याची अनेकांना सवय असते. अशात स्वत:साठी फारसा मोकळा वेळ मिळत नाही. ही गोष्ट तुम्हाला सामान्य वाटत असली तरी हळूहळू आपल्या मानसिक आरोग्यावर याचा वाईट परिणाम होत असतो. सकाळी उठल्यानंतर काही मिनिटे शांततेत बसून ओम नामाचा जप केल्यास मनातील वाईट विचार, ताणतणाव आणि विनाकारण येणारा स्ट्रेस कमी करण्यास मदत मिळते.

यासाठी एका शांत जागी मांडी घालून आरामात बसा. डोळे बंद करा आणि हळूहळू आपल्या श्वासोच्छवासाकडे लक्ष केंद्रित करुन ओम नावाचा जप करायला सुरुवात करा. असं करत असताना आजूबाजूच्या कोणत्याही गोष्टीचा विचार मनात आणू नका. मनाला मोकळे करा आणि शांतपणे साधारण १० मिनिटे हा जप करा.

तणाव कमी करण्यास मदत होते

जेव्हा मनात अनेक गोष्टींचा विचार सुरु असतो तेव्हा कामावर आणि सभोवतालच्या गोष्टींवर लक्ष केंद्रित करता येत नाही. अशावेळी ओम नावाचा जप मनाला स्थैर्य मिळवून देण्यास मदत करतो. यामुळे मनातील विचार काही प्रमाणात कमी होतात ज्यामुळे मेंदूवरील ताणही कमी होतो. परिणामी आपल्याला फ्रेश वाटू लागते आणि आपल्या दिवसाची सुरुवात चांगली होते.

रात्री येते शांत झोप

अनेकांना रोजच्या तणावपूर्ण जीवनशैलीमुळे रात्री वेळेवर झोप लागत नाही. उशीरा झोपल्यामुळे सकाळ खराब होते आणि संपूर्ण दिवसभर झोपेचा प्रभाव आपल्या डोळ्यांवर पडतो. यामुळे कामात मन लागत नाही आणि दिवसही खराब होते. वेळेवर झोप येणे आपल्या आरोग्यासाठीही फायद्याचे ठरत असते. तुम्हालाही झोपेचा त्रास असेल, वेळेवर झोप लागत नसेल तर आपल्या दिनचर्येत ओम नामाचा जप तुम्ही नक्कीच समाविष्ट करायला हवा. झोपण्यापूर्णी काही मिनिटे हा जप केल्याने मनातील विचार दूर होतात, मन मोकळे होते ज्यामुळे रिलॅक्स वाटते आणि लवकर झोप येण्यास मदत होते.

ऐतिहासिक वारसा आणि अप्रतिम सौंदर्य! हंपीच्या सहलीचे नियोजन करताय? ‘हा’ सोपा टूर प्लॅन येईल कामी

अशाप्रकारे करा जप

• यासाठी सकाळी उठून आंघोळ केल्यानंतर एका शांत ठिकाणी मांडी घालून बसा.
• आपले डोळे बंद करा आणि सामान्यपणे श्वास घेऊन हळूवारपणे त्याला बाहेर सोडा.
• श्वास घेत असताना आणि सोडताना ओम नामाचा जप करायला सुरुवात करा.
• असे साधारण १० मिनिटे केल्यास नक्कीच शरीरात चांगले परिणाम दिसतील.