Heart Failure: उभं राहिल्यानंतर पायांमध्ये कायमच वेदना होतात? ‘ही’ लक्षणे वेळीच ओळखल्यास टळेल मोठा अनर्थ

हृद्यासंबंधित आजाराची लागण झाल्यानंतर सुरुवातीच्या दिवसांमध्ये पायांमध्ये वेदना जाणवू लागतात. या वेदना काहीवेळा खूप जास्त तीव्र असतात. चला तर जाणून घेऊया हार्ट फेलिअरची लक्षणे.

हार्ट फेलिअर कशामुळे होते?
हृदयाचे आरोग्य कशामुळे बिघडते?
हार्ट फेलिअरची लक्षणे?

शरीराला कोणत्याही गंभीर आजाराची लागण झाल्यानंतर सुरुवातीच्या दिवसांमध्ये सामान्य वेदना किंवा लक्षणे दिसू लागतात. या लक्षणांकडे कायमच दुर्लक्ष केले जाते. पण असे न करता वेळीच उपचार केल्यास आजार पूर्णपणे बरा होतो. कामाच्या धावपळीमध्ये आरोग्याकडे पूर्णपणे दुर्लक्ष केले जाते. बऱ्याचदा कोणत्याही कारणाशिवाय शरीराच्या कोणत्याही अवयवाला सूज येते किंवा वेदना जाणवू लागतात. हृद्यासंबंधित आजाराची लागण झाल्यानंतर सुरुवातीच्या दिवसांमध्ये पायांमध्ये लक्षणे जाणवू लागतात. जास्त चालणे किंवा धावपळ केल्यामुळे पाय दुखत असतील, असे सगळ्यांचं वाटते. पण हार्ट फेल्युअर झाल्यानंतर सगळ्यात आधी पायांच्या नसांमध्ये वेदना वाढतात. या वेदना काहीवेळा अतिशय तीव्र होऊन जातात, ज्यामुळे चालणे सुद्धा अवघड वाटते. केवळ पायांमध्येच नाहीतर पायांच्या घोट्यांमध्ये सुद्धा वेदना जाणवू लागतात.(फोटो सौजन्य – istock)

नखांवर पांढरे डाग कशामुळे येतात? विटामिनची कमतरता नसून आरोग्यासंबंधित असू शकतो ‘या’ गंभीर आजाराचा धोका

शरीरात अतिरिक्त तरल पदार्थ जमा होण्यास सुरुवात झाल्यानंतर पायांना किंवा घोट्याना सूज येते. हार्ट फेल्युअर झाल्यानंतर हृदय योग्य रित्या रक्त पंप करू शकत नाही. शरीराच्या खालच्या भागांमध्ये विषारी घटक जमा झाल्यामुळे घोट्यांवर आणि पायांवर सूज येण्यास सुरुवात होते. ही सूज काहीवेळा इतकी वाढते की ज्यामुळे चालणे सुद्धा अवघड वाटते. पायांना सूज आल्यानंतर सुरुवातीच्या दिवसांमध्ये अतिशय सामान्य लक्षणे जाणवू लागतात. मात्र कालांतराने लक्षणे आणखीनच तीव्र होतात आणि आरोग्य बिघडून जाते. डॉक्टरांच्या मते, पायांच्या घोट्यांवर वारंवार सूज येत असेल तर तातडीने डॉक्टरांचा सल्ला घेऊन उपचार करावेत. अन्यथा आरोग्य आणखीनच बिघडू शकते.

हार्ट फेलिअरचे संकेत:

हार्ट फेलिअर झाल्यानंतर पायांच्या घोट्यांजवळ सूज येण्यासोबतच लवकर थकवा जाणवणे, श्वास घेण्यास समस्या, पायऱ्या चढताना जास्त थकवा किंवा रात्री झोपताना श्वास भरून येणे इत्यादी लक्षणे जाणवू लागतात. तर काहींना पोटात जडपणा किंवा वजन अचानक वाढणे इत्यादी लक्षणे दिसून येतात. शरीरात दिसणाऱ्या लक्षणांकडे वेळीच लक्ष देऊन उपचार केल्यास आजारांपासून कायमची सुटका मिळवता येईल. याशिवाय हार्ट फेलिअरसारख्या गंभीर आजारांपासून सुटका मिळवण्यासाठी जीवनशैलीत बदल करणे फार गरजेचे आहे.

हाडांमध्ये वाढलेल्या सामान्य वेदना असू शकतात Bone Cancer चे संकेत, दुर्लक्ष केल्यास कोणत्याही क्षणी होईल मृत्यू

उच्च रक्तदाब, मधुमेह, लठ्ठपणा किंवा हृद्यासंबंधित इतर कोणत्याही आजाराने त्रस्त असलेल्या लोकांमध्ये हृदयाचे आजार झपाट्याने वाढतात. कारण हल्लीच्या जीवनशैलीमुळे कोणत्याही वयात हृदयाचे आजार होऊन मृत्यू होण्याची जास्त शक्यता असते. आजारांपासून शरीराचा बचाव करण्यासाठी निरोगी जीवनशैली, संतुलित आहार आणि ८ तासांची शांत, शारीरिक झोप इत्यादी गोष्टी फार महत्वाच्या आहेत. योग्य वेळी हृदयाच्या तपासण्या करून आजारांपासून बचाव करू शकता.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.