Strong Bones: तरुण वयात गुडघे- कंबरेमध्ये वेदना होतात? मग दुधात मिक्स करून प्या ही पावडर, हाडे होतील बळकट

Strong Bones: तरुण वयात हाडांमध्ये वाढलेल्या वेदना कमी करण्यासाठी दुधात मखाना, खसखस आणि पांढरे तीळ यांची पावडर मिक्स करून प्यावी. यामुळे हाडांचे आरोग्य चांगले राहण्यास मदत होते आणि शरीराला आवश्यक पोषक घटक मिळतात.

Strong Bones: धावपळीची जीवनशैली, जंक फूडचे अतिसेवन, शारीरिक हालचालींचा अभाव, पोषक घटकांची कमतरता, मानसिक तणाव इत्यादी अनेक गोष्टींचा परिणाम लगेच शरीरावर दिसून येतो. हाडांचे आरोग्य बिघडल्यानंतर सुरुवातीच्या दिवसांमध्ये अजिबात लक्ष दिले जात नाही. तरुण वयात हाडांच्या वेदना,स स्नायू दुखणे किंवा सांध्यांना सतत सूज येत असेल तर दुर्लक्ष न करता वेळीच डॉक्टरांच्या सल्ल्याने उपचार करणे आवश्यक आहे. हाडांमुळे गुडघे, पायांच्या वेदना वाढतात. त्यामुळे वयाच्या तिशीपासून आहारात प्रोटीन आणि कॅल्शियम असलेल्या पदार्थांचे सेवन करावे. हाडांचे आरोग्य सुधारण्यासाठी गोळ्या औषधांवर अवलंबून न राहता नियमित दुधामध्ये ही पावडर मिक्स करून प्यावी. यामुळे हाडांचे आरोग्य सुधारण्यास मदत होईल.(फोटो सौजन्य – istock)

Bad Cholesterol: रक्तवाहिन्यांमधील साचलेले कोलेस्ट्रॉल राहील नियंत्रणात! रोज प्या ‘हे’ आरोग्यदायी ज्यूस, हृदय राहील निरोगी

हाडांचे आरोग्य सुधारण्यासाठी न्युट्रिशन पावडर:

साहित्य:

मखाना
पांढरे तीळ
खसखस

कृती:

न्युट्रिशन पावडर तयार करण्यासाठी सर्वप्रथम, कढई गरम करून मंद आचेवर मखाना भाजून घ्या. मखाना भाजल्यामुळे पावडर लवकर खराब होणार नाही. त्यानंतर त्याच कढईमध्ये खसखस, पांढरे तीळ घालून वेगवेगळे भाजून घ्या. भाजून घेतलेले सर्व साहित्य थंड झाल्यानंतर मिक्सरच्या भांड्यात घालून बारीक पावडर करून घ्या. तयार केलेली पावडर काचेच्या बरणीमध्ये भरून ठेवा. रात्री झोपण्याआधी किंवा सकाळच्या नाश्त्यात एक ग्लास दुधात मिक्स करून प्यावे.

पांढरे तीळ शरीरासाठी खूप जास्त गुणकारी असतात. यामध्ये कॅल्शियम, फॉस्फरस, मॅग्नेशियम खूप जास्त असते. हाडांमधील कॅल्शियम वाढवण्यासाठी आणि हाडे मजबूत करण्यासाठी पांढरे तीळ गुणकारी ठरतात. बोन्स डेंसिटी वाढवण्यासाठी पांढऱ्या तिळाचा आहारात समावेश करावा. तसेच खसखसमध्ये १८ ग्रॅम प्रोटीन, मँगनीज असते. हाडे मजबूत ठेवण्यासाठी मखाने खूप जास्त गुणकारी ठरतात. दुधामध्ये असलेले गुणकारी घटक शरीरात कॅल्शियम आणि प्रथिने असतात. तसेच रात्री झोपण्याआधी कोमट दुधात चिमूटभर हळद आणि सुंठ पावडर मिक्स करून प्यावे.

Poor Circulation Symptoms: पायांवरचे केस अचानक गळतायत? शरीरात दिसून येणाऱ्या ‘या’ लक्षणांकडे अजिबात करू नका दुर्लक्ष

दुधामध्ये बदाम, खारीक किंवा अक्रोड पावडर घालून नियमित प्यायल्यास शरीराला आवश्यक पोषण मिळते. चेहऱ्यावरील तेज वाढवण्यासाठी कोमट दुधात केशर आणि वेलची पावडर मिक्स करून प्यावी. तसेच पचनक्रिया बिघडल्यानंतर थंड दुधात तूप मिक्स करावे. यामुळे आतड्यांची हालचाल सुलभ राहते आणि खाल्लेले अन्नपदार्थ सहज होण्यास मदत होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.