चेहऱ्यावर आलेले पिंपल्सचे मोठे मोठे डाग घालवण्यासाठी घरीच तयार करा तांदळाच्या पिठाचा फेसपॅक, त्वचा होईल आतून स्वच्छ

त्वचेवर वाढलेले पिंपल्स आणि मुरुमांचे डाग घालवण्यासाठी तांदळाच्या पिठाचा फेसपॅक बनवून तुम्ही लावू शकता. यामुळे त्वचेवर वाढलेले पिंपल्स आणि मुरूम बरे होतात. जाणून घ्या तांदळाचा फेसपॅक बनवण्याची कृती.

भारतासह जगभरात सगळीकडे तांदळापासून बनवलेल्या पदार्थांचे सेवन केले जाते. जेवणाच्या ताटात जर भात नसेल तर जेवण जेवल्यासारखे वाटत नाही. याशिवाय कोरियन स्किन केअर रुटीनमध्ये तांदळाच्या पाण्याचा वापर करून प्रॉडक्ट बनवले जातात. तांदळाच्या पाण्यात आलेले गुणधर्म त्वचा अधिक हायड्रेट आणि तेजस्वी करण्यासाठी मदत करतात. भात खाल्यामुळे आरोग्याला अनेक फायदे होतात. आहारामध्ये वेगवेगळ्या पद्धतीने भाताचे सेवन केले जाते. याशिवाय त्वचेवर वाढलेल्या समस्या कमी करण्यासाठी तांदळाच्या पिठाचा वापर केला जातो. धावपळीच्या जीवनशैलीमुळे त्वचेकडे व्यवस्थित लक्ष देण्यास वेळ मिळत नाही. यामुळे त्वचेवर पिंपल्स येणे, मुरूम येणे किंवा त्वचा अधिकच निस्तेज होऊन जाते. त्वचेच्या समस्या वाढू लागल्यानंतर महिला बाजारात उपलब्ध असलेल्या वेगवेगळ्या स्किन केअर प्रॉडक्टचा वापर करतात. यामुळे त्वचा आणखीनच निस्तेज होऊन जाते.(फोटो सौजन्य – istock)

डोळ्यांखालची काळी वर्तुळे वाढत चाललीयेत? आता एकही रुपया खर्च करण्याची गरज नाही, फक्त या 4 सवयींचे पालन करा

चेहऱ्यावर आलेले पिंपल्स किंवा मोठे फोड त्वचेचे रूप पूर्णपणे बिघडून टाकतात.अशावेळी महगाडे ब्यूटी प्रॉडक्ट्स लावून त्वचेची जास्त काळजी घेतली जाते. पण महागडे प्रॉडक्ट लावण्याऐवजी घरगुती उपाय करावे. तांदळाचे पिठाच्या वापर करून तुम्ही फेसपॅक तयार करू शकता. तांदळाच्या पिठामध्ये असलेले गुणधर्म त्वचा आतून स्वच्छ करण्यासाठी मदत करतात. चेहऱ्याचे सौंदर्य खुलवण्यासाठी तांदळाच्या पिठाच्या वापर करावा. आज आम्ही तुम्हाला तांदळाच्या पिठाचा फेसपॅक तयार करण्याची सोपी कृती सांगणार आहोत.

चेहऱ्यावर तांदळाचे पीठ कसे लावावे?

तांदळाचा फेसपॅक त्वचेवर लावल्यामुळे त्वचा अधिकच सुंदर आणि उठावदार दिसते. त्वचेवर वाढलेली नैसर्गिक चमक वाढवण्यासाठी तांदळाच्या पिठाचा वापर करा. वाटीमध्ये तांदळाचे पीठ घेऊन त्यात मध आणि कच्चे दूध टाकून मिक्स करा. तयार केलेले मिश्रण संपूर्ण चेहऱ्यावर आणि मानेवर लावून काहीवेळ तसेच ठेवा. त्यानंतर ५ मिनिट हलक्या हाताने मसाज करून घ्या. मसाज करून झाल्यानंतर १५ ते २० मिनिटं चेहऱ्यावर लावून तसाच ठेवा. त्यानंतर पाण्याने त्वचा स्वच्छ करून घ्या. हा फेसपॅक आठवड्यातून दोनदा किंवा तीनदा लावा.

चेहऱ्यावर गोल्डन ग्लो मिळवण्यासाठी पपईच्या पानांचा ‘या’ पद्धतीने करा वापर, ओपन पाेर्स होतील कायमचे नष्ट

तांदळाच्या पिठाचे त्वचेला होणारे फायदे:

तांदळाच्या पिठाचा वापर जेवणातील पदार्थ बनवण्यासाठी केला जातो. तांदळाच्या पिठाची भाकरी नियमित खाल्यास शरीराला अनेक फायदे होतात. यासोबतच तांदळाचे पीठ त्वचेला नॅचरली एक्सफोलिएट करण्यासाठी मदत करते. यामुळे त्वचेवर वाढलेली डेड स्किन कमी करण्यासाठी मदत होते. चेहऱ्यावर साचून राहिलेली घाण स्वच्छ करण्यासाठी तांदळाच्या पिठाचा फेसपॅक लावावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.