Protein Foods: प्रोटीन वाढवण्यासाठी सप्लिमेंट्सचे सेवन करत असाल तर थांबा! दैनंदिन आहारात करा ‘या’ शक्तिशाली पदार्थांचे सेवन

Protein Foods: शरीरात निर्माण झालेली प्रोटीनची कमतरता भरून काढण्यासाठी महागड्या सप्लिमेंट्सचे सेवन करण्याऐवजी या शक्तिशाली पदार्थांचा आहारात समावेश करावा. यामुळे शरीराला आवश्यक प्रमाणात प्रोटीन मिळते आणि स्नायूंची ताकद वाढते.

प्रोटीन वाढवण्यासाठी या पदार्थांचे करा सेवन:
शरीराला नियमित किती प्रोटीनची आवश्यकता असते?
पसप्लिमेंट्सचे सेवन केल्यास शरीराला कोणती हानी पोहचते?

Protein Foods: शरीराला सर्वच विटामिनची योग्य प्रमाणात आवश्यकता असते. विटामिन सी, ए, ई, डी, कॅल्शियम, मॅग्नेशियम इत्यादी सर्वच घटक शरीरासाठी अत्यंत महत्वाचे आहेत. पण बऱ्याचदा बॉडीबिल्डिंग किंवा जिमला जाणारे लोक प्रोटीन वाढवण्यासाठी वेगवेगळ्या सप्लिमेंट्सचे किंवा गोळ्या औषधांचे सेवन करतात. पण केमिकल आणि हानिकारक घटकांनी तयार केलेल्या सप्लिमेंट्सचे सेवन करणे शरीरासाठी अजिबात चांगले नाही. आयुष्याच्या प्रत्येक टप्प्यावर शरीराला स्नायूंची डागडुजी, विकरांची निर्मिती आणि निरोगी आरोग्यासाठी आहारात पुरेशा प्रोटीनची आवश्यकता असते. प्रोटीन पावडर किंवा सप्लीमेंट्स घेतल्यानंतर शरीरातील प्रोटीनची पातळी वाढते, असे अनेकांना कायमच वाटते. पण त्याऐवजी आहारात वेगवेगळ्या पदार्थांचे सेवन करावे, ज्यामुळे आरोग्य सुधारण्यासोबतच शरीराला आवश्यक प्रमाणात प्रोटीन मिळेल. चला तर जाणून घेऊया.(फोटो सौजन्य – istock)

Early Throat Cancer: ६८ वर्षीय रुग्णाला दुर्मिळ कर्करोगाचे निदान; आधुनिक शस्त्रक्रियेतून मिळाला दिलासा

शरीराला नियमित किती प्रोटीनची आवश्यकता असते?

प्रत्येक व्यक्तीची प्रोटीन्सची गरज त्याच्या शरीरातील स्नायूंच्या हालचालींवर आणि ऊर्जेचे संतुलनावर अवलंबून असते. एका सामान्य प्रौढ व्यक्तीला दररोज प्रति किलो वजनामागे ०.८ ग्रॅम प्रथिने मिळणे आवश्यक आहे. यामुळे शरीरातील प्रथिनांचे प्रमाण संतुलित राहण्यास मदत होते. आहारात कॅलरीज आणि प्रोटीन्स कमी तर ऊर्जेसाठी, हार्मोन्स व एन्झाईम्स बनवण्यासाठी स्नायूंमधील प्रोटीन्स तुटू लागते. कार्बोहायड्रेट्स आणि फॅट्समधून शरीराला पुरेशी ऊर्जा मिळाल्यानंतर प्रोटीनचा वापर फक्त स्नायूंच्या निर्मितीसाठी व शरीर वाढीसाठी केला जातो.

प्रोटीन वाढवण्यासाठी या पदार्थांचे करा सेवन:

१०० ग्रॅम सोयाबीनमध्ये तब्बल ३५ ते ४० ग्रॅम असते. त्यामुळे दोनदा किंवा तीनदा आहारात सोयाबीनचा समावेश करावा. तुरीची डाळ, मूग, चणा, मटकी यांसारख्या विविध डाळींमधून १०० ग्रॅममागे १८ ते २५ ग्रॅम प्रोटीन शरीराला मिळते. सुका मेवा आणि बिया खाल्ल्यामुळे शरीराला १५ ते २५ ग्रॅम प्रोटीन मिळते. एका अंड्यात ६ ते ८ ग्रॅम उत्तम प्रोटीन्स असते. अंड्याचा पांढरा भाग, साय काढलेले दूध, दही/ग्रीक योगर्ट, चिकन, मासे इत्यादी पदार्थांमध्ये भरपूर प्रमाणात प्रोटीन असते. त्यामुळे महागड्या सप्लिमेंट्सचे सेवन करण्याऐवजी स्वयंपाक घरात उपलब्ध असलेले पदार्थ खावेत.

Knee Pain: खाली बसताना किंवा उठताना गुडघ्यांमधून आवाज येतो? तरुण वयात गुडघ्यांमधील ग्रीस कमी होण्यास कारणीभूत ठरतात ‘या’ सवयी

डाळींमध्ये ‘मेथिओनाईन कमी असते पण लायसीन जास्त असते. तर तांदळामध्ये लायसीन कमी असते तर मेथिओनाईनचे प्रमाण जास्त असते. त्यामुळे भात आणि डाळ एकत्र खाल्ल्यामुळे शरीराला अमिनो ॲसिड्स मिळतात. गव्हाच्या पोळीमध्ये नसलेले अमिनो ॲसिड राजमा आणि छोल्याच्या भाजीमधून भरून काढता येईल. दैनंदिन आहारात डाळी, कडधान्ये, अंडी, दूध, भाजीपाला आणि धान्यांचा समावेश केल्यास प्रोटीनची कमतरता भरून निघेल आणि आरोग्य सुधारण्यास मदत होईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.