पाहुण्यांना घरी बोलावून करा खुष, पंजाबी छोले पॉकेट रेसिपीने जिंका मन

Punjabi Chole Pocket Recipe: घरी आलेल्या पाहुण्यांना नक्की काय द्यायचं हा प्रश्न पडतो. तेच तेच पदार्थ खायला देऊन आणि मागवून कंटाळा आलेला असतो. मग अशावेळी वेगळं काय करायचं हा अगदी खूपच मोठा प्रश्न असतो. यासाठी एक सोपी आणि टेस्टी रेसिपी आम्ही तुम्हाला या लेखाद्वारे सांगत आहोत

घरामध्ये पाहुणे आल्यानंतर बटाटावडा, समोसा, ढोकळा हे अगदी ठरलेले नेहमीचे पदार्थ आपण मागवतो अथवा घरी कांदेपोहे, उपमा वा चहा-कॉफी करतो. मात्र काही वेळा पाहुणे आल्यानंतर नक्की काय करायचं आणि त्यांना वेगळं काय खायला द्यायचं असा प्रश्न तुम्हाला निर्माण होणं साहजिक आहे. कधी कधी आपल्या घरात आलेला पाहुणे इतके खास असतात की त्यांना काहीतरी चांगलं खाऊपिऊ घालणं असं मनाला वाटत असतं. 

देशी पण तरीही काहीतरी वेगळं असं खायला बनवयाचं असेल तर तुम्ही हा लेख नक्की वाचायला हवा. छोले पुरी हा असा पदार्थ आहे की, सर्वांनाच आवडतो. मग यातील छोलेचा वापर करून तुम्ही चविष्ट असा पंजाबी छोले पॉकेट नावाचा खास पदार्थ बनवू शकता. यासाठी टाटा संपन्नचे इन हाऊस कलिनरी शेफ दीपक गोरे यांनी सोपी रेसिपी दिली आहे तुम्ही ती वापरून पाहुण्यांना नक्कीच खुष करू शकता. वाचा सोपी रेसिपी (फोटो सौजन्य – iStock) 

साहित्य:

• टाटा संपन्न काबुली चना (छोले) – 1 कप
• पाणी – 2 कप
• चवीनुसार मीठ
• तेल आवश्यकतेनुसार
• कांदा – 4 मध्यम आकाराचे
• कढीपत्ता 7 – 8 पाने 
• हिरवी मिरची – 2 चिरलेल्या
• लसूण – 3 चमचे चिरून
• टोमॅटो – 2 मध्यम आकाराचे
• ठेचलेली काळी मिरी – 1/2 चमचे 
• दही – 4 चमचे 
• टाटा संपन्न छोले मसाला – 4 चमचे
• टाटा संपन्न चाट मसाला – 1 चमचा 
• चिरलेली ताजी कोथिंबीर
• पिटा ब्रेड – 1
• अमूल बटर आवडीप्रमाणे  

हेदेखील वाचा – Shravan Recipe: श्रावणात बनवा रताळ्याचे चविष्ट कटलेट, जाणून घ्या रेसिपी

कसे बनवाल पंजाबी छोले पॉकेट

• 1 कप काबुली चणे रात्रभर भिजत ठेवा
• भिजवलेले चणे 2 कप पाणी आणि 1/2 टीस्पून मीठ घालून मऊ होईपर्यंत शिजवा, गाळून घ्या आणि शिजवलेले चणे वेगळे ठेवा
• कढईत अडीच (2 आणि 1/2) टीस्पून तेल गरम करा, त्यात 4 मध्यम आकाराचे कांदे घाला आणि हलका सोनेरी रंग येईपर्यंत परतून घ्या
• कढीपत्ता 7-8 पाने, 2 चिरलेली हिरवी मिरची आणि 3 चमचे चिरलेला लसूण घालून चांगले परतावे
• 1 मध्यम आकाराचा चिरलेला टोमॅटो घाला आणि मऊ होईपर्यंत शिजवा
• चवीनुसार मीठ, ½ टीस्पून ठेचलेली काळी मिरी, 4 चमचे दही, 4 चमचे टाटा संपन्नछोले मसाला आणि 1 टीस्पून चाट मसाला, चांगले परतून घ्या
• शिजलेले छोले घालून चांगले मिसळा. ते थंड करा
• 1 मध्यम आकाराचा चिरलेला कांदा आणि 1/2 चिरलेला टोमॅटो आणि 2 चिमटी चिरलेली ताजी कोथिंबीर घाला, चांगले मिसळा
• पॅन गरम करा आणि थोडे बटर ब्रश करा आणि पिटा ब्रेड पॅनवर थोडा वेळ भाजून घ्या
• पिटा ब्रेडचे 2 भाग करा आणि एक पॉकेट बनवा. या पॉकेटमध्ये तयार झालेले चणे घाला आणि गरम सर्व्ह करा

हेदेखील वाचा – डिनरसाठी अवघ्या काही मिनिटांतच बनवा ‘गार्लिक मशरूम राइस’! नोट करा रेसिपी

शेफची टीप:

ताज्या चिरलेल्या कोथिंबिरीने सजवा आणि मगच सर्व्ह करा. दिसायला अधिक आकर्षक दिसते आणि चवीलाही चांगले लागते. तुम्हाला हवं असल्यास यासह सॉसदेखील खाऊ शकता.