धावपळीच्या जगात काही चवदार आणि झटपट तयार होणारं शोधताय? मग घरी बनवा बेकरी स्टाईल ‘एग टार्ट’

Egg Tart Recipe : एग टार्ट हा एक चविष्ट स्नॅक्सचा पदार्थ आहे जो चवीला फार अप्रतिम लागतो. अंडी, भाज्या आणि मसाल्यांचा वापर करून याला नंतर बेक केले जाते. पार्टी स्नॅक्ससाठीही हा पदार्थ एक उत्तम पर्याय ठरतो.

• एग टार्ट हा एक चवदार पदार्थ आहे ज्यात अंडी, भाजी आणि काही मसाल्यांचा वापर केला जातो.
• हा पदार्थ चवीला फार छान लागतो आणि फार कमी वेळेत बनून तयारही होतो.
• लंचबॉक्ससाठी किंवा संध्याकाळच्या स्नॅकसाठी हा एक उत्तम पर्याय आहे.

आजच्या धावपळीच्या जीवनात झटपट, पौष्टिक आणि चविष्ट नाश्ता किंवा स्नॅक हवा असेल तर एग मफिन्स हा एक उत्तम पर्याय आहे. परदेशात लोकप्रिय असलेली ही रेसिपी आता भारतीय किचनमध्येही आपली जागा पटकावत आहे. एग मफिन्स म्हणजे ओव्हनमध्ये किंवा कढईत शिजवलेले अंडी, ज्यात भाज्या, चीज आणि मसाल्यांचा परफेक्ट मेळ असतो. हे मफिन्स दिसायला कपकेकसारखे आकर्षक असतात, पण चवीला पूर्णपणे मसालेदार आणि हेल्दी असतात.

हिरव्यागार पेरूंपासून झटपट बनवा चमचमीत पेरूची चटणी, लहान मुलांसह मोठेसुद्धा आवडीने खातील पदार्थ

सकाळच्या ब्रेकफास्टसाठी, लंचबॉक्ससाठी किंवा संध्याकाळच्या स्नॅकसाठी एग मफिन्स अगदी योग्य ठरतात. प्रथिनांनी भरपूर असलेले अंडे, त्यात घातलेल्या भाज्या आणि कमी तेलात तयार होणारी ही रेसिपी वजन नियंत्रणात ठेवणाऱ्यांसाठीही फायदेशीर आहे. सर्वात खास गोष्ट म्हणजे, तुम्ही तुमच्या आवडीनुसार भाज्या किंवा मसाले बदलू शकता. मुलांपासून मोठ्यांपर्यंत सगळ्यांनाच आवडणारी ही रेसिपी एकदा करून पाहाच.

 साहित्य:

• अंडी – 4
• कांदा (बारीक चिरलेला) – 1
• शिमला mircui (बारीक चिरलेला) – 1/2 कप
• टोमॅटो (बारीक चिरलेला) – 1/2 कप
• चीज (किसलेले) – 2 टेबलस्पून
• मीठ – चवीनुसार
• काळी मिरी पावडर – 1/2 टीस्पून
• लाल तिखट – 1/2 टीस्पून
• ओरेगॅनो / मिक्स हर्ब्स – 1/2 टीस्पून
• तेल किंवा बटर – मफिन मोल्ड ग्रीस करण्यासाठी

बोरिंग पोहे सोडा, यंदा नाश्त्याला बनवा विदर्भ स्टाईल झणझणीत ‘तर्री पोहे’, सकाळचा नाश्ता होईल रंगतदार
 

कृती:

• सर्वप्रथम एका भांड्यात अंडी फोडून घ्या आणि फेटून घ्या.
• त्यात कांदा, शिमला मिरची, टोमॅटो आणि किसलेले चीज घाला.
• आता मीठ, लाल तिखट, काळी मिरी आणि हर्ब्स घालून मिश्रण नीट मिसळा.
• मफिन ट्रे किंवा छोट्या वाट्या तेल/बटरने ग्रीस करून घ्या.
• तयार अंड्याचे मिश्रण त्या मोल्डमध्ये ओता.
• ओव्हनमध्ये 180°C तापमानावर 15–20 मिनिटे बेक करा. (ओव्हन नसेल तर झाकण लावलेल्या कढईतही शिजवू शकता.)
• मफिन्स फुगून वरून हलके सोनेरी रंगाचे झाले की बाहेर काढा.
• गरमागरम एग मफिन्स टोमॅटो सॉस किंवा हिरव्या चटणीसोबत सर्व्ह करा.