Raksha Bandhan 2025 : भावाला करा खुश; स्वतःच्या हाताने घरी बनवा रसाळ अन् सर्वांच्या आवडीचा ‘रसगुल्ला’

खास प्रसंगासाठी बनवा ही गोडसर बंगाली मिठाई. लहानांपासून मोठ्यांपर्यंत मऊ आणि गोड रसाळ रसगुल्ला सर्वांच्याच आवडीचा आहे. रक्षाबंधनाचा सण जवळ येत आहे अशात आपल्या भावासाठी तुम्ही हा पदार्थ घरीच तयार करू शकता.

यंदा ९ ऑगस्ट रोजी देशभर रक्षाबंधनाचा सण साजरा केला जाणार आहे. हा सण बहीण भावाच्या नात्याला समर्पित असतो. आता सणाच्या दिवशी नेहमीच घरी चवदार आणि गोड मिष्टान्नाची मेजवानी असते अशात आम्ही तुमच्यासाठी एक खास आणि सर्वांच्या आवडीचा असा पदार्थ घेऊन आलो आहोत जो तुम्ही तुमच्या भावासाठी घरीच तयार करू शकता.

Raksha Bandhan 2025 : नव्या आणि चवदार पदार्थाने वाढवा नात्याचा गोडवा; घरी बनवा गोड, मऊ अशी Mishti Doi

रसगुल्ला हा एक अतिशय लोकप्रिय आणि पारंपरिक बंगाली गोड पदार्थ आहे, जो आता संपूर्ण भारतभर आवडीने खाल्ला जातो. हा स्पंजी, रसभरित मिठाई दूधापासून बनवली जाते. खास करून सण-उत्सवांमध्ये, पार्टीमध्ये किंवा गोड खाण्याची इच्छा झाल्यास रसगुल्ला एक परिपूर्ण पर्याय आहे. नात्यांचा गोडवा वाढवण्यासाठी रसगुल्ला एक चांगला पर्याय आणि त्यातही तुम्ही स्वतःच्या हाताने तयार केलेला पदार्थ म्हणजे भावासाठी खास आनंद. चला तर मग जाणून घेऊया यासाठी लागणारे साहित्य आणि कृती.

साहित्य:

रसगुल्ल्यासाठी:

• दूध – 1 लिटर
• लिंबाचा रस किंवा व्हिनेगर – 2 टेबलस्पून (पाणी घालून पातळ केलेला)
• थंड पाणी – 1 कप
• साखर – 1 ½ कप
• पाणी – 4 कप
• वेलदोडा पूड – ऐच्छिक

महाराष्ट्राचा फेमस अन् पारंपरिक पदार्थ ‘मासवडी’ कधी खाल्ला आहे का? श्रावणात घरी बनवाच हा व्हेज पदार्थ

कृती:

• यासाठी सर्वप्रथम एका जाड बुडाच्या पातेल्यात दूध गरम करा.
• दूध उकळू लागल्यावर त्यात लिंबाचा रस थोडं-थोडं करून घालून ढवळा.
• दूध फाटायला लागल्यावर गॅस बंद करा आणि एका मलमलच्या कापडाने ते गाळा.
• थंड पाण्याने धुऊन उरलेला आंबटपणा काढा.
• सगळं पाणी पिळून काढा आणि 30 मिनिटांसाठी वजन ठेवून पाणी निथळू द्या.
• छेना हाताने 8-10 मिनिटे मळा जोपर्यंत ते मऊ आणि एकसंध होईपर्यंत.
• छोट्या छोट्या गोळ्या तयार करा. त्या गुळगुळीत आणि तडे नसलेल्या असाव्यात.
• एका मोठ्या भांड्यात 4 कप पाणी आणि साखर घेऊन उकळा.
• साखर विरघळल्यावर त्यात वेलदोडा पूड घाला (ऐच्छिक).
• साखरेचा पाक उकळत असताना त्यात एकेका करून गोळ्या घाला.
• झाकण ठेवून मध्यम आचेवर 15-18 मिनिटे शिजवा. गोळे फुलून येतील.
• गरमच ठेवा आणि गॅस बंद करून पूर्णपणे थंड होऊ द्या.
• पनीर खूप सुकवू नका; थोडं ओलसर असेल तर रसगुल्ले मऊ होतात.
• शिजवताना झाकण उघडू नका, नाहीतर रसगुल्ले बसतील.
• रसगुल्ले शिजून थंड झाल्यावरच सर्व्ह करा.
• रसगुल्ला थंड करून फ्रीजमध्ये ठेवा आणि नंतर गोड गारवा अनुभवायला विसरू नका!