रतन टाटांना फार आवडायचं पारशी जेवण! जेवणात अनेक फायद्यांनी समृद्ध ‘या’ पदार्थाचा होतो सार्वधिक वापर

ज्येष्ठ उद्योगपती आणि समाजसेवक रतन टाटा यांनी या जगाचा निरोप घेतला. आता त्यांच्याशी संबंधित गोष्टी मागे राहिल्या आहेत. ज्यात त्याच्या आवडत्या पदार्थांचाही समावेश आहे. माहितीनुसार, त्यांना पारशी जेवण फार आवडायचे. पारशी डाएटची खास गोष्ट म्हणजे यात एका पदार्थाचा फार वापर केला जातो. हा पदार्थ आरोग्यासाठी फार फायद्याचा ठरतो.

टाटा समूहाला नव्या उंचीवर नेणारे सर्वांचे आवडते रतन नवल टाटा आता आपल्यात राहिले नाही. वयाच्या 86 व्या वर्षी त्यांनी अखेरचा श्वास घेतला. त्यांना पारशी पदार्थ खायला फार आवडायचे. पारशी जेवणात लसणाचा वापर मोठ्या प्रमाणात केला जातो. लसूण जवळजवळ प्रत्येक गोष्टीत वापरले जाते. लसणाने जेवणाची चव आणखीन वाढली जाते.

अन्नामध्ये लसणाची फार महत्त्वाची भूमिका आहे. हे अन्नाची चव द्विगुणित करते. शरीराच्या दृष्टिकोनातूनही ही गोष्ट खूप फायदेशीर आहे. यात दाहक-विरोधी, प्रतिजैविक इत्यादी औषधी गुणधर्म आहेत. त्यामुळे अनेक आजारांपासून बचाव होण्यास मदत होते. या कारणास्तव, ते आयुर्वेद आणि चीनी वैद्यकीय प्रणालींमध्ये समाविष्ट केले आहे.

हेदेखील वाचा – दोन दिवसांपूर्वी तब्बेत ठीक असणाऱ्या रतन टाटांच्या निधनाचे नेमकं कारण काय, या आजाराने होते ग्रस्त

सर्व संक्रमणांपासून करते संरक्षण

2016 मध्ये प्रकाशित झालेल्या संशोधनात असे दिसून आले आहे की, लसूण रोगप्रतिकारक शक्ती मजबूत करण्यासाठी अत्यंत फायद्याचे आहे. सायन्स डायरेक्टवरील हा अभ्यास सांगतो की, वृद्ध लसणाचा अर्क रोगप्रतिकारक शक्तीचे कार्य मजबूत करतो. शरीराचा हा भाग सर्व संक्रमणांपासून संरक्षण देण्याचे काम करतो.

ब्लड प्रेशरच्या आजरासाठी फायदेशीर

हृदयविकाराचा धोका मोठ्या प्रमाणात वाढत आहे. यामुळे जगभरात सर्वाधिक मृत्यू होतात. यामागील मुख्य समस्या उच्च रक्तदाबाची असल्याचे दिसून आले आहे. लसणाच्या सेवनाने नसा शिथिल होऊन रक्तदाब नियंत्रित ठेवण्यास मदत होते. ब्लड प्रेशर नियंत्रणात ठेवण्यास लसूण महत्त्वाची कामगीरी बजावते.

कोलेस्ट्रॉल लव्हेल होते कमी

जर तुम्ही तुमची जीवनशैली निरोगी बनवली आणि लसणाचे सेवन केले तर तुमची कोलेस्ट्रॉलची पातळी कमी होऊ शकते. अनेक संशोधकांचा असा विश्वास आहे की, लसूण वाईट कोलेस्ट्रॉल कित्येक टक्क्यांनी कमी करू शकते. याच्या सेवनाने कोलेस्ट्रॉल लव्हेल कमी करण्यास मदत मिळते.

हेदेखील वाचा – वयाच्या ८६ व्या वर्षी रतन टाटा एवढे फिट कसे होते ? जाणून घ्या त्यांच्या फिटनेसचे रहस्य

मिळेल निरोगी आयुष्य

लसूण खाल्ल्याने तुमचे संभाव्य आयुर्मान वाढू शकते. एका चिनी अभ्यासात असे दिसून आले आहे की, जे लोक आठवड्यातून किमान दोनदा लसूण खातात ते आठवड्यातून एकदा लसूण खाल्लेल्या लोकांपेक्षा जास्त काळ जगतात. लसणातील रोग-संरक्षण गुणधर्म यासाठी जबाबदार असू शकतात.

स्टॅमिना आणि परफॉर्मन्स वाढतो

लसणामुळे मज्जातंतूला आराम मिळतो. त्यामुळे शरीरात ऑक्सिजन आणि रक्ताभिसरण वाढते. तुमच्या शरीरातील स्टॅमिना आणि ॲथलीट कामगिरी वाढवण्यासाठी हे खूप महत्वाचे आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.