पीठ आंबवण्याची गरज नाही, रव्यापासून झटपट घरी बनवा कुरकुरीत मेदू वडा; सकाळच्या नाश्त्यासाठी परफेक्ट पर्याय

Rava Medu Vada Recipe : झटपट पीठ न आंबवता जर कुरकुरीत मेदू वड्याचा आस्वाद घ्यायचा असेल तर रव्याचे मेदू वडे तुमच्यासाठी एक उत्तम पर्याय ठरतील. हे झटपट तयार होतात आणि चवीलाही अप्रतिम लागतात.

सकाळचा नाश्ता म्हटलं की अनेकांच्या मनात इडली, डोसा, मेदू वडा हे पर्याय येऊ लागतात. हे पदार्थ चवीला फार अप्रतीम लागतात आणि अनेकांना सकाळच्या नाश्त्यासाठी ते खायला फार आवडतात. पण घरी जर हे पदार्थ बनवायचे असतील ते आदल्या दिवशीपासून आपल्या पीठ आंबवून ठेवावे लागते जे थोडे वेळखाऊ ठरते. अशात आज आम्ही तुम्हाला मेदू वड्याची एक सोपी आणि झटपट रेसिपी सांगत आहोत ज्यासाठी तुम्हाला पीठ आंबवून ठेवण्याची गरज नाही.

महाराष्ट्राचा पारंपरिक अन् पौष्टिक नाश्ता; झटपट घरी बनवा चविष्ट दडपे पोहे; चव इतकी चटकदार की सर्वच होतील खुश

मेदू वडे पारंपरिकपणे उडदाच्या डाळीपासून केले जातात, पण वेळ कमी असेल किंवा डाळ भिजवायला विसरलात तरी रव्यापासून झटपट मेदू वडे बनवता येतात. हे वडे चवदार तर असतातच, शिवाय त्यांची टेक्स्चर आणि दिसणं पारंपरिक मेदू वड्यांसारखंच असतं. सकाळच्या न्याहारीला, संध्याकाळच्या चहासोबत किंवा पाहुण्यांसाठी स्नॅक म्हणून हे उत्तम पर्याय आहेत. चला जाणून घेऊया यासाठी लागणारे साहित्य आणि कृती.

साहित्य :

• रवा – १ कप
• दही – ½ कप
• पाणी – आवश्यकतेनुसार
• हिरव्या मिरच्या – २ (बारीक चिरलेल्या)
• आले – १ टीस्पून (किसलेले)
• कढीपत्ता – ७-८ पाने (चिरलेले)
• कांदा – १ (बारीक चिरलेला, ऐच्छिक)
• मीठ – चवीनुसार
• बेकिंग सोडा – १ चिमूट
• तेल – तळण्यासाठी

Independence Day 2025 : स्वातंत्र्यदिनाचा दिवस होईल आणखीनच गोड, घरी बनवून तर पाहा तिरंगा कुल्फी

कृती :

• यासाठी सर्वप्रथम एका बाऊलमध्ये रवा, दही आणि थोडं पाणी टाकून घट्टसर पीठ मळून घ्या.
• त्यात मीठ, हिरव्या मिरच्या, आले, कढीपत्ता आणि कांदा घालून मिसळा.
• हे मिश्रण १५-२० मिनिटं झाकून ठेवा, जेणेकरून रवा थोडा फुलून येईल.
• तळण्याआधी त्यात बेकिंग सोडा आणि आवश्यक असल्यास थोडंसं पाणी घालून पीठ हलकं करा.
• कढईत तेल गरम करून हाताला पाणी लावून छोट्या गोळ्यांचा आकार द्या आणि मधोमध बोटाने भोक पाडा.
• हे वडे गरम तेलात सोनेरी रंग येईपर्यंत मध्यम आचेवर तळा.
• तयार वडे चटणी आणि सांबारसोबत सर्व्ह करा.
• वडे तळताना आच जास्त नको, नाहीतर आतून कच्चे राहतील.
• कांदा टाकल्यास वड्यांना छान चव येते, पण उपवासासाठी कांदा न टाकता हे वडे बनवू शकता.

FAQs (संबंधित प्रश्न)

रवा मेदू वड्याचे फायदे काय आहेत?
प्रथिने आणि फायबरचा चांगला स्रोत आहे, ज्यामुळे तो एक आरोग्यदायी नाश्ता आहे.

रवा मेदू वडा बनवताना कोणत्या गोष्टी लक्षात ठेवाव्यात?
– रवा भिजवताना दही आणि पाण्याचे प्रमाण योग्य ठेवा.
– पिठाचा गोळा जास्त घट्ट किंवा पातळ नसावा.
– तळताना तेल चांगले गरम असावे.