महाराष्ट्राचा पारंपरिक अन् पौष्टिक नाश्ता; झटपट घरी बनवा चविष्ट दडपे पोहे; चव इतकी चटकदार की सर्वच होतील खुश

Dadpe Pohe Recipe : झटपट, पौष्टिक आणि पारंपरिक असा सकाळचा नाश्ता... तुम्ही कधी खाल्ले आहेत का दडपे पोहे? चवीला चटकेदार असणारे हे पोहे स्नॅक्ससाठी किंवा सकाळच्या नाश्त्यासाठी एक उत्तम पर्याय आहेत.

(फोटो सौजन्य: youtube)

Follow Us:

Follow Us:

दडपे पोहे हा महाराष्ट्रातील एक लोकप्रिय आणि पारंपारिक नाश्त्याचा प्रकार आहे. साधे पोहे तर तुम्ही अनेकदा खाल्ले असतील पण चटाकेदार दडपे पोहे तुम्ही कधी खाल्ले आहेत का? जाड पोह्यांपासून या पदार्थाला तयार केले जाते आणि चविला ते फारच कमाल लागते. अनेक घरांमध्ये दडपे पोहे सकाळच्या नाश्त्यासाठी तयार केले जातात. तुम्हाला जर पोहे खाऊन कंटाळा आला असेल तर तुम्ही घरी या अनोख्या आणि चवदार पोह्यांचा आस्वाद घेऊ शकता.

Independence Day 2025 : स्वातंत्र्यदिनाचा दिवस होईल आणखीनच गोड, घरी बनवून तर पाहा तिरंगा कुल्फी

दडपे पोह्यांची खासियत म्हणजे यांना शिजवले जात नाही तर पोह्यांना भिजवून त्यात कांदा, मिरची, मसाले आणि फोडणी टाकून मिक्स करुन यांना तयार केले जाते. यात मसाल्यांचा, लिंबाचा आणि खोबऱ्याचा सुंदर मिलाफ असल्यामुळे त्याची चव वेगळीच लागते. हे पोहे फार झटपट तयार होतात ज्यामुळे सकाळच्या कामाच्या घाईत हा एक परफेक्ट पर्याय ठरतो. चला जाणून घेऊया यासाठी लागणारे साहित्य आणि कृती.

साहित्य:

• जाड पोहे – २ कप
• कांदा – १ मध्यम (बारीक चिरून)
• हिरवी मिरची – २ (बारीक चिरून)
• ताजं किसलेलं खोबरं – ½ कप
• कोथिंबीर – २ टेबलस्पून (बारीक चिरून)
• लिंबाचा रस – १ टेबलस्पून
• मीठ – चवीनुसार
• साखर – ½ टीस्पून (ऐच्छिक)
• पाणी – ½ कप (पोहे मऊ करण्यासाठी)
• तेल – २ टेबलस्पून
• मोहरी – ½ टीस्पून
• जिरे – ½ टीस्पून
• हिंग – चिमूटभर
• हळद – ¼ टीस्पून
• कढीपत्ता – ७-८ पाने

कृती:

• दडपे पोहे बनवण्यासाठी सर्वप्रथम जाड पोहे चाळणीत घ्या आणि स्वच्छ धुवा
• यानंतर त्यावर थोडंसं पाणी शिंपडून ५-७ मिनिटं मऊ होऊ द्या.
• एका कढईत तेल गरम करा. मोहरी टाकून तडतडू द्या.
• त्यात जिरे, हिंग, हळद आणि कढीपत्ता घाला.
• आता बारीक चिरलेला कांदा व हिरवी मिरची टाकून २-३ मिनिटं परतून घ्या.
• पोहे त्यात घालून चांगले परतून घ्या.
• नंतर त्यात मीठ, साखर, किसलेलं खोबरं व कोथिंबीर मिसळा.
• शेवटी लिंबाचा रस घालून चांगले एकत्र करा आणि गॅस बंद करा.
• गरमा गरम पोहे एका प्लेटमध्ये काढा आणि खाण्यासाठी सर्व्ह करा.

FAQs (संबंधित प्रश्न)

दडपे पोहे पौष्टिक आहेत का?
हो, दडपे पोहे पौष्टिक आहेत, कारण त्यात भाज्या आणि ओल्या नारळाचा वापर केला जातो.

Web Title: Traditional and nutritious breakfast of maharashtra make delicious dadpe poha at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com