Red Chili Thecha : हिरव्या नाही यावेळी लाल मिरच्यांपासून बनवा झणझणीत ठेचा, रेसिपी नोट करा

Recipe : तुम्हाला माहितीये का? फक्त हिरव्या मिरच्यांपासूनच नाही तर लालचुटक मिरच्यांपासूनही तुम्ही चवदार आणि अस्सल महाराष्ट्रीयन चवीचा ठेचा तयार करु शकता. चला या ठेच्याची रेसिपी जाणून घेऊयात.

(फोटो सौजन्य: Pinterest)

Follow Us:

Follow Us:

• लाल मिरच्यांचा झणझणीत ठेचा एकदा नक्की बनवून खा.
• यासाठी निवडक साहित्यांची गरज लागते.
• आठवडाभर तुम्ही हा ठेचा साठवून ठेवू शकता.

Ganeshotsav 2026 : बाप्पाच्या विसर्जनसाठी घरी तयार करा ‘केसर मलाई मोदक’, ही आहे हलवाई स्टाईल रेसिपी

साहित्य

• ८ ते १० सुक्या लाल मिरच्या
• ८ ते १० लसूण पाकळ्या
• २ चमचे भाजलेले शेंगदाणे
• १ चमचा तेल
• चवीनुसार मीठ
• १ चमचा जिरे
• १ ते २ चमचे पाणी, गरजेनुसार

कृती

• यासाठी सर्वप्रथम सुक्या लाल मिरच्या स्वच्छ करून घ्या. कढई गरम करून त्यात थोडे तेल टाका आणि मिरच्या मंद आचेवर हलक्या भाजून घ्या. मिरच्या जळणार नाहीत याची काळजी घ्या.
• त्याच कढईत लसूण पाकळ्या आणि जिरे घालून काही मिनिटे परतून घ्या. लसणाला हलका सोनेरी रंग आला की गॅस बंद करा.
• भाजलेले शेंगदाणे सोलून घ्या. शेंगदाणे आधीच भाजलेले नसतील तर ते कढईत हलके भाजून घ्या.
• खलबत्त्यात भाजलेल्या लाल मिरच्या, लसूण, जिरे आणि मीठ घाला. हे मिश्रण जाडसर कुटून घ्या. ठेचा अगदी
• बारीक वाटण्यापेक्षा थोडा भरडसर ठेवला तर त्याची पारंपरिक चव चांगली लागते.a
• आता भाजलेले शेंगदाणे खलबत्त्यात घाला आणि सर्व साहित्य एकत्र कुटून घ्या. शेंगदाण्यामुळे ठेच्याला छान खमंगपणा आणि पोत मिळतो.
• ठेचा खूप कोरडा वाटत असल्यास त्यात थोडे पाणी घाला. मात्र पाणी जास्त घालू नका. ठेचा घट्ट आणि भरडसर राहील इतकेच पाणी वापरा.
• तयार लाल मिरचीचा ठेचा एका वाटीत काढा. वरून थोडे कच्चे किंवा गरम केलेले तेल घातल्यास चव आणखी खुलते. गरम भाकरी, पिठलं किंवा वरण-भातासोबत हा ठेचा सर्व्ह करा.

Web Title: Red chilli thecha recipe spicy maharashtrian thecha recipe with red chillies

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com