औषधापेक्षाही गुणकारी ठरतोय व्यायाम, 37% कॅन्सर मृत्यू 28% पुन्हा कॅन्सर होण्याचा धोका कमी; रिसर्चमध्ये खुलासा

औषधापेक्षा व्यायाम अधिक प्रभावी 

व्यायाम करणे अधिक फायदेशीर ठरू शकते

या अभ्यासाचे अहवाल अमेरिकेतील शिकागो येथे झालेल्या अमेरिकन सोसायटी ऑफ क्लिनिकल ऑन्कोलॉजी (ASCO) च्या वार्षिक बैठकीत सादर करण्यात आले आणि ते न्यू इंग्लंड जर्नल ऑफ मेडिसिनमध्ये प्रकाशित झाले आहेत. असे पहिल्यांदाच दिसून आले आहे. वैद्यकीय संशोधनातून स्पष्टपणे सांगण्यात आले आहे की व्यायाम अनेक औषधांपेक्षा अधिक प्रभावी ठरू शकतो.

कॅन्सर होण्याआधी शरीर देत असतो ‘हे’ संकेत, याकडे दुर्लक्ष म्हणजे मृत्यूला खुले आमंत्रण! वेळीच सावध व्हा

अभ्यास काय म्हणतो?

या संशोधनात २००९ ते २०२३ दरम्यान ८८९ कोलन कर्करोगाच्या रुग्णांचा समावेश होता, त्यापैकी ९०% स्टेज ३ रुग्ण होते. त्यांना दोन गटांमध्ये विभागण्यात आले होते – पहिल्या गटाला (४४५ रुग्णांना) व्यायाम कार्यक्रमात समाविष्ट करण्यात आले होते. दुसऱ्या गटाला (४४४ रुग्णांना) फक्त निरोगी जीवनशैलीचे पुस्तक देण्यात आले. ५ वर्षांनंतर, व्यायाम करणाऱ्या रुग्णांमध्ये कर्करोगाची पुनरावृत्ती किंवा नवीन कर्करोगाचा विकास होण्याचा धोका २८% ने कमी झाल्याचे आढळून आले. ८ वर्षांनंतर, त्यांचा मृत्युदर ३७% ने कमी झाला.

ASCO च्या मुख्य वैद्यकीय अधिकाऱ्यांचे विधान

काय आहे तज्ज्ञांचे मत

डॉ. ज्युली ग्रॅलो, ज्या या अभ्यासाचा भाग नव्हत्या परंतु ASCO च्या मुख्य वैद्यकीय अधिकारी आहेत, त्यांनी या संशोधनाचे वर्णन “सर्वोच्च पातळीवरील पुरावा” असे केले. त्या म्हणाल्या की आम्ही या सत्राला ‘चांगले औषध’ असे नाव दिले आहे परंतु, मी त्याला औषधापेक्षा चांगले आहे असे म्हणेन. कारण त्याचे कोणत्याही औषधासारखे दुष्परिणाम नाहीत. त्या म्हणाल्या की आता कर्करोगाच्या उपचारादरम्यान आणि नंतर औषधाइतकेच शारीरिक हालचालींना महत्त्व देण्याची वेळ आली आहे. या अभ्यासातून अनेक कर्करोग असणाऱ्या रुग्णांना अधिक काळ जगण्याची उमेद मिळू शकते हे मात्र नक्की. 

40 टक्के होईल कॅन्सरचा धोका कमी, करा 5 कामं आणि रहा बिनधास्त!

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

संबंधित बातम्या