कोणत्याही तिखट मसाल्यांचा वापर न करता घरी बनवा ऋषीची भाजी, नोट करून घ्या पारंपरिक रेसिपी

ऋषिपंचमीच्या दिवशी घरात वेगवेगळ्या पालेभाज्या आणि मक्याच्या कणीसचा वापर करून ऋषीची भाजी बनवली जाते. ही भाजी बनवताना कोणत्याही मसाल्याचा वापर केला जात नाही. जाणून घ्या रेसिपी.

गणपती बाप्पाचे ढोल ताशाच्या गजरात मोठ्या आनंदाने स्वागत झाले आहे. पुढील १० दिवस सगळीकडे एक वेगळेच उत्साह असतो. बाप्पाच्या आगमनानंतर दुसऱ्या दिवशी ऋषिपंचमी साजरा साजरा केली जाते. यादिवशी अनेक महिला आणि मुली उपवास करतात. याशिवाय घरात ऋषींची भाजी बनवली जाते. ऋषीच्या भाजीसोबत वरची भाकरी, लाल तांदुळाचा भात, दही इत्यादी अनेक पदार्थ बनवले जातात. भाद्रपद महिन्यातील ऋषी पंचमीला विशेष महत्व आहे. ही भाजी केवळ चवीसाठीच नाहीतर तिच्या पारंपरिक वैशिष्ट्यासाठी सुद्धा ओळखली जाते. आज आम्ही तुम्हाला कोणत्याही तिखट मसाल्यांचा वापर न करता ऋषीची भाजी बनवण्याची सोपी रेसिपी सांगणार आहोत. ही भाजी बनवताना वेगवेगळ्या रानभाज्या आणि पालेभाज्यांचा वापर केला जातो. चला तर जाणून घेऊया रेसिपी.(फोटो सौजन्य: Pinterest)

Ganesh Chaturthi 2025 : गणपतीच्या नैवेद्याची शान वाढवेल कुरकुरीत कोथिंबीर वडी; नोट करा पारंपरिक रेसिपी

साहित्य:

• जिरं
• तूप
• अळूची पाने
• लाल भोपळा
• भेंडी
• दुधी भोपळा
• चवळीची पाने
• मक्याचे कणीस
• शेवग्याच्या शेंगा
• हिरवी मिरची
• शेंगदाणे

गणपती बाप्पाच्या नैवेद्यासाठी कोकणातील पारंपरिक पद्धतीमध्ये बनवा वाटपाची डाळ, नोट करा रेसिपी

कृती:

• ऋषीची भाजी बनवण्यासाठी सर्वप्रथम, कुकरमध्ये स्वच्छ धुवून घेतलेल्या भाज्या पाण्याने धुवून घ्या आणि त्यानंतर कुकरमध्ये शिजण्यासाठी ठेवून ४ ते ५ शिट्ट्या काढा.
• शेंगदाणे, पडवळ,लाल भोपळा दुधी भोपळा, घोसाळं, मक्याचे कणीस, शेवग्याची शेंग इत्यादी भाज्या शिजण्यासाठी ठेवा.
• मोठ्या टोपात तूप गरम करून त्यात जिरं, हिंग, मिरचीचे वाटण आणि शेंगदाणे घालून व्यवस्थित मिक्स करून घ्या.
• त्यानंतर त्यात वाफवलेली पडवळ, दुधी भोपळा, घोसाळं, भेंडी, अळूची पाने, चवळीची पाने, आंबट चुकाची पाने घालून त्यात थोडस पाणी घालून वाफेवर भाजी शिजवून घ्या. त्यानंतर त्यात चवीनुसार मीठ घाला.
• भाज्या शिजल्यानंतर त्यात मक्याचे कणीस घालून व्यवस्थित मिक्स करून घ्या. तयार आहे सोप्या पद्धतीमध्ये बनवलेली ऋषीची भाजी.
• ही भाजी बनवताना अनेक भागांमध्ये चिंच किंवा इतर आंबट पदार्थांचा वापर केला जात नाही.