गणपती बाप्पाच्या नैवेद्यासाठी कोकणातील पारंपरिक पद्धतीमध्ये बनवा वाटपाची डाळ, नोट करा रेसिपी

कोकणात सणावाराच्या दिवसांमध्ये अनेक पारंपरिक पदार्थ बनवले जातात. म्हणूनच आज आम्ही तुम्हाला नैवेद्यासाठी वाटपाची डाळ बनवण्याची सोपी रेसिपी सांगणार आहोत. हा पदार्थ चवीला अतिशय सुंदर लागतो.

गणपती बाप्पाच्या नैवेद्यासाठी कोकणातील पारंपरिक पद्धतीमध्ये बनवा वाटपाची डाळ

Follow Us:

Follow Us:

भारतीय जेवणाच्या ताटामध्ये कायमच भात, डाळ, भाजी, चपाती हे प्रमुख पदार्थ कायमच असतात. या पदार्थांशिवाय जेवणाचे ताटात अपूर्ण दिसते. जेवणातील डाळ बनवतना अनेक वेगवेगळ्या डाळींचा वापर केला जातो. कधी तुरीची डाळ वापरली जाते तर कधी मुगाच्या डाळीचे वरण बनवले जाते. डाळ बदलल्यानंतर डाळीची चव सुद्धा बदलते. कोकणात सणावाराच्या दिवसांमध्ये पारंपरिक पद्धतीने वाटपाची डाळ बनवली जाते. वाटपाची डाळीची चव अतिशय सुंदर लागते. खोबऱ्याचं वाटण टाकून बनवलेली डाळ जर जेवणाच्या ताटात असेल तर चार घास जास्त जातात. म्हणूनच आज आम्ही तुम्हाला पारंपरिक पद्धतीमध्ये वाटपाची डाळ बनवण्याची सोपी रेसिपी सांगणार आहोत. गरमागरम वाफाळत्या भातासोबत वाटपाची डाळ अतिशय सुंदर लागते. चला तर जाणून घेऊया कोकणातील पारंपरिक पद्धतीने वाटपाची डाळ बनवण्याची सोपी रेसिपी.(फोटो सौजन्य: Pinterest)

Ganesh Chaturthi 2025 : हटक्या पदार्थाने करा बाप्पाला खुश; यंदा प्रसादासाठी बनवा सुगंधित आणि गोड चवीने भरलेले ‘पान मोदक’

साहित्य:

• तूरडाळ
• हिरवी मिरची
• जिरं
• ओल्या खोबऱ्याचं वाटण
• हळद
• मीठ
• तेल
• मोहरी
• लसूण
• कढीपत्त्याची पाने
• हिंग
• टोमॅटो

कृती:

• वाटपाची डाळ बनवण्यासाठी सर्वप्रथम, कुकरच्या भांड्यात डाळ घेऊन स्वच्छ धुवून घ्या. त्यानंतर त्यात टोमॅटो आणि हिरव्या मिरचीचे तुकडे टाकून कुकरच्या चार किंवा पाच शिट्ट्या काढा.
• कढईमध्ये तेल गरम करण्यासाठी ठेवा. गरम तेलात मोहरी, हिंग आणि जिरं टाकून भाजा. नंतर त्यात बारीक चिरून घेतलेली लसूण आणि कढीपत्त्याची पाने घालून फोडणी भाजून घ्या.
• तयार केलेल्या फोडणीमध्ये हळद टाकून वरून खोबऱ्याचे वाटण टाकून व्यवस्थित भाजा. वाटपाला तेल सुटल्यानंतर त्यात शिजवून घेतलेली डाळ आणि आवश्यकतेनुसार पाणी घालून व्यवस्थित मिक्स करा.
• सगळ्यात शेवटी चवीनुसार मीठ घालून व्यवस्थित डाळीला उकळी काढून घ्या.
• तयार आहे सोप्या पद्धतीमध्ये बनवलेली वाटपाची डाळ.कोकणातील नैवेद्यासाठी यापद्धतीने डाळ बनवली जाते.

Web Title: How to make kokani style vatpachi dal at home simple food recipe traditional konkani recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com