साधं, पारंपरिक आणि मनाला तृप्त करणारं जेवण... समंथाच्या लग्नाचा मेन्यू आला समोर; ताटात 'या' पदार्थांचा होता समावेश
जेवणाचा मेन्यू आला समोर
समंथाच्या नव्या सुरुवातीसाठी तिचे फॅन्स फार खुश असून नुकताच तिच्या लग्नाचा मेन्यू समोर आला आहे. तुम्हाला जाणून आश्चर्य वाटेल की, जिथे मोठमोठे सेलिब्रिटी आपल्या लग्नात शाही जेवणाचा थाट ठेवतात तिथेच समंथाने आपल्या लग्नाच्या मेन्यूत अगदी साध्या आणि पारंपारिक मेन्यूची निवड केली. लग्नातील कर्नाटक शैलीतील शाकाहारी मेजवानीने सर्वांचे लक्ष वेधले. यात कोणकोणत्या पदार्थांचा समावेश होता ते चला जाणून घेऊया.
जेवणाच्या या ताटात प्रथिनेयुक्त डाळ, पौष्टिक रागी मुड्डे आणि बहुमुखी अक्की रोटी सारखे पदार्थ सामील होते. सेलिब्रिटींच्या लग्नात सामान्यतः अपेक्षित असलेल्या महागड्या, बहु-खंडीय बुफेच्या अगदी उलट, जोडप्याने जाणूनबुजून हा ग्रामीण, साधा आणि पारंपरिक मेन्यू निवडला. कोशिंबीर, भात, मसाला वडा, गाजर-शेंगांची भाजी आणि सोप्पू पाल्या म्हणजेच पालेभाजी या पदार्थांचा यात समावेश दिसून आला. दिखाऊपणा न करता लग्नाच्या पंगतीत निवडलेल्या या सध्या जेवणाच्या मेन्यूने सर्वांचे लक्ष वेधून घेतले.
एका दिवसात किती वेळा बिअरचे सेवन करावे? बिअरची नशा किती तास टिकून राहते? जाणून घ्या सविस्तर माहिती
जेवणाच्या मेन्यूत दडले अनेक पोषक घटक
ही गोष्ट समजून घेणे महत्त्वाचे आहे की हा मेन्यू फक्त पारंपरिक आणि साधा नव्हता तर आरोग्याच्या दृष्टीनेही यात अनेक पोषक तत्वांचा समावेश करण्यात आला होता.
डाळ – प्रथिनांचा उत्कृष्ट स्रोत असलेली डाळ शाकाहारी लोकांच्या आहारासाठी एक उत्तम पर्याय ठरते.
अक्की रोटी – यात फायबर, प्रथिने, खनिजे आणि जीवनसत्त्वे भरपूर प्रमाणात आढळतात.
बीन्स कॅरट पाल्या – बीन्स, गाजर आणि पालेभाज्या यांचे मिश्रण शरीरासाठी खूप फायदेशीर आहे.
सोप्पू पाल्या- ही कर्नाटकातील एक पारंपरिक आणि आरोग्यदायी भाजी आहे, जी पालेभाज्यांपासून तयार केली जाते.
रागी मुड्डे – रागीमध्ये प्रथिने, कॅल्शियम, लोह, मॅग्नेशियम आणि फायबर असते ज्यामुळे ते एक पौष्टिक सुपरफूड मानले जाते.
कोशिंबीर – कोशिंबिरीतील भाज्या आणि दह्यामुळे पचनक्रिया सुधारते आणि बद्धकोष्ठतासारख्या समस्या कमी होतात.
मसाला वडा – डाळी आणि मसाल्यांपासून ऊर्जा मिळते, ज्यामुळे शरीराला ताकद मिळते
.png "Videos"){kind=small}
