फोटो सौजन्य: iStock
सध्याच्या बदलत्या लाइफस्टाइल आणि वाढत्या कामाच्या ताणामुळे अनेक जणांची झोप पूर्ण होत नाही. अपूर्ण झोपेसह ते पुन्हा कामावर जाण्यास सज्ज होतात. परंतु थोड्या वेळानंतर त्यांना झोप येऊ लागते. तेव्हा ते कॉफी पिऊ लागतात. ठरविक वेळा कॉफी प्याल्याने आपले शरीर ताजेतवाने होते. परंतु कॉफीचे जास्त सेवन आरोग्यासाठी धोकादायक ठरू शकते.
जर तुम्ही रोज 3-4 कप कॉफी पित असाल तर ती आरोग्यासाठी फायदेशीर ठरू शकते पण यापेक्षा जास्त कॉफी हानिकारक असू शकते. वास्तविक, कॉफीमध्ये कॅफिन असते ज्याचे जास्त सेवन आरोग्यासाठी धोकादायक ठरू शकते.
हे देखील वाचा: सर्दी-खोकल्याच्या ‘या’ औषधामुळे महिला होत आहेत गरोदर, टिक टॉकवर समोर आला पुरावा!
कॅफिनचे योग्य प्रमाण शरीराला ऊर्जा देण्यास आणि झोप दूर करण्यास मदत करते. त्याचे जास्त प्रमाण केवळ मेंदूसाठीच नाही तर शरीराच्या इतर अनेक भागांसाठी हानिकारक आहे. जास्त प्रमाणात कॉफी पिणाऱ्यांच्या शरीरात अनेक प्रकारची लक्षणे दिसू लागतात. जाणून घ्या जास्त कॉफी पिण्याचे काय तोटे आहेत.
कॅफीनचे जास्त प्रमाण भूक कमी करते. त्यामुळे वजन कमी होऊ लागते. कॉफीमुळे नीट झोपही होत नाही. शरीरातून जास्त प्रमाणात लघवी बाहेर पडू लागते आणि त्यामुळे शरीरात पाण्याची कमतरता सुरू होते.
कॉफीत असणाऱ्या कॅफीनमुळे शरीरातील एनर्जी तर वाढते, ज्यामुळे ब्लड प्रेशरवर परिणाम होतो. परिणामी हाय ब्लड प्रेशरची समस्या उद्भवू शकते. हृदय देखील यामुळे प्रभावित होऊ शकते म्हणूनच जास्त कॉफी पिणे टाळले पाहिजे.
कॅफीन ॲडेनोसिनचा प्रभाव कमी करून शरीराला थकवते. त्यामुळे मेंदूवर परिणाम होऊ लागतो, ज्यामुळे चिंता आणि अस्वस्थता यासारख्या समस्या उद्भवू लागतात. अमेरिकन सायकॅट्रिक असोसिएशनने शिफारस केली आहे की जर एखाद्याला अशा समस्या असतील तर त्यांनी कॅफिनचे सेवन कमी करावे.
कॉफीमध्ये आढळणाऱ्या कॅफिनचा थेट मेंदूच्या नर्व्हस सिस्टमवर परिणाम होतो. त्यामुळे शरीराला आराम वाटतो. पण जेव्हा त्याचे कॉफीचे प्रमाण आवश्यकतेपेक्षा जास्त होते तेव्हा त्याचा मेंदूवर विपरीत परिणाम होऊ लागतो. आहारतज्ञांच्या मते, एका दिवसात 300-400 मिलीग्रामपेक्षा जास्त कॅफिनचे सेवन करू नये. याचा अर्थ, एक किंवा दोन कप कॉफी आपल्यासाठी पुरेशी आहे.
