पार्लरमध्ये जाऊन महागडे फेशिअल करण्यापेक्षा घरीच तयार करा गोल्डन क्रीम, त्वचेवर येईल सोन्यासारखी चमक

त्वचेवरील हरवलेला ग्लो पुन्हा मिळवण्यासाठी महागड्या ट्रीटमेंट करण्याऐवजी घरगुती उपाय करून त्वचा उजळदार करावी. म्हणूनच आज आम्ही तुम्हाला सुंदर त्वचेसाठी गोल्डन क्रीम बनवण्याची सोपी रेसिपी सांगणार आहोत.

उन्हाळ्याच्या दिवसांमध्ये त्वचेचा ग्लो काहीसा कमी होऊन जातो. कारण बाहेरील हानीकारक सूर्याची किरण त्वचेवर थेट पडल्यामुळे चेहरा काळा होऊन त्वचा अतिशय कोरडी होऊन जाते. त्वचा काळी झाल्यानंतर ती सुधारण्यासाठी महिला सतत काहींना काही करत असतात. कधी पार्लरमध्ये जाऊन महागडे फेशिअल, क्लीनअप किंवा वेगवेगळ्या ट्रीटमेंट करून घेतल्या जातात. पण काहीवेळा हे उपाय करूनसुद्धा त्वचेवर हवीतशी चमक किंवा ग्लो येत नाही. उन्हाळ्यात त्वचेची काळजी न घेतल्यामुळे काहीवेळा उन्हात बाहेर जाऊन आल्यानंतर चेहरा अतिशय तेलकट आणि चिकट होऊन जातो. तेलकट त्वचा स्वच्छ न केल्यास चेहऱ्यावर पिंपल्स किंवा मोठे मोठे फोड येण्याची शक्यता असते. त्यामुळे योग्य ते स्किन केअर रुटीन फॉलो करून त्वचेची व्यवस्थित काळजी घ्यावी.(फोटो सौजन्य – iStock)

पायांचे घोटे काळेकुट झाले आहेत? मग ‘हे’ घरगुती उपाय करून पाय करा स्वच्छ, काळे झालेले पाय होतील सुंदर

ग्लोइंग त्वचेसाठी अनेक महिला बाजारात उपलब्ध असलेल्या क्रिम्सचा वापर करतात. मात्र कोणत्याही क्रीम चेहऱ्यावर लावू नये. शरीरात वाढलेल्या तणावामुळे त्वचेची गुणवत्ता खराब होऊन जाते. चेहऱ्यावर काळे डाग, डार्क सर्कल्स किंवा पिग्मेंटेशन वाढण्याची शक्यता असते. त्यामुळे आज आम्ही तुम्हाला पार्लरमध्ये जाऊन महागडे फेशिअल करण्याऐवजी सोप्या पद्धतीमध्ये घरच्या घरी गोल्डन क्रीम बनवण्याची सोपी कृती सांगणार आहोत. या क्रीममुळे तुमच्या त्वचेवर चमकदार ग्लो येईल आणि त्वचा अतिशय सुंदर आणि मऊ होईल.

साहित्य:

• केशर
• कोरफड जेल
• बदामाचे तेल
• विटामिन ई कॅप्सूल
• गुलाब पाणी

कृती:

• गोल्डन क्रीम बनवण्यासाठी सर्वप्रथम, टिशू पेपरमध्ये केशर काड्या घेऊन तव्यावर हलक्याशा गरम करून घ्या.
• त्यानंतर वाटीमध्ये कोरफड जेल घेऊन त्यात केशर काड्या, बदामाचे तेल आणि विटामिन सी कॅप्सूल घालून मिक्स करा.
• नंतर त्यात गुलाब पाणी टाकून पुन्हा एकदा व्यवस्थित मिक्स करा. क्रीमला पिवळसर रंग आल्यानंतर काचेच्या डब्यात क्रीम भरून ठेवा.
• रात्रीच्या वेळी झोपताना नियमित गोल्डन क्रीम चेहऱ्यावर लावून झोपल्यास काही दिवसांमध्ये त्वचेमध्ये बदल दिसून येईल.

चेहऱ्यावर सुरकुत्या दिसू लागल्या आहेत? मग त्वचेची खराब झालेली गुणवत्ता सुधारण्यासाठी करा ‘हे’ घरगुती उपाय

त्वचेसाठी केशर अतिशय गुणकारी आहे. यामध्ये असलेले घटक त्वचेचा रंग उजळतात. याशिवाय चेहऱ्यावर आलेले डाग घालवण्यासाठी केशरचा वापर तुम्ही नियमित करू शकता. त्वचा हायड्रेट ठेवण्याचे काम कोरफड जेल करते. कोरफड जेलमध्ये असलेले घटक त्वचेमधील ओलावा कायम टिकवून ठेवतात. केशराचा वापर केल्यामुळे त्वचेमधील मेलेनिनचे उत्पादन कमी होते आणि रंग बदलण्यास मदत होते. याशिवाय यामध्ये असलेले अँटीऑक्सिडंट्स आणि विटामिन त्वचा चमकदार करण्यासाठी मदत करतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.