Skin Care: तरुण वयात चेहऱ्यावरील त्वचा सैल झाली आहे? मग स्वयंपाक घरात उपलब्ध असलेल्या ‘या’ पदार्थांचा वापर करून बनवा फेसपॅक

Skin Care: वाढत्या वयात त्वचा सैल झाल्यास कोणत्याही महागड्या ट्रीटमेंट करण्याऐवजी स्वयंपाक घरात उपलब्ध असलेल्या पदार्थांपासून फेसपॅक बनवावा. यामुळे त्वचेच्या समस्या कमी होण्यासोबतच चेहरा उजळदार दिसेल.

Skin Care: वातावरणात होणारे बदल, कामाचा वाढलेला तणाव, पोषक घटकांची कमतरता, कमी पाण्याचे सेवन इत्यादी अनेक गोष्टींचा परिणाम त्वचेवर झाल्यानंतर चेहरा खूप जास्त निस्तेज दिसू लागतो. याशिवाय वय वाढल्यानंतर किंवा तरुण वयात चुकीच्या स्किनचा केअरचा वापर केल्यामुळे आणि त्वचेची व्यवस्थित काळजी न घेतल्यामुळे चेहऱ्यावर सुरकुत्या येणे, त्वचा सैल पडणे, काळे डाग, पिगमेंटशन, पिंपल्स इत्यादी अनेक समस्या वाढू लागतात. त्वचेच्या समस्या वाढू लागल्यानंतर कायमच दुर्लक्ष केल्यास त्वचा तरुण वयातच सैल पडू शकते.(फोटो सौजन्य – istock)

कोरड्या त्वचेची घ्या एस्ट्रा काळजी, अशाप्रकारे नारळाच्या पाण्यापासून तयार करा Face Mist

त्वचा सैल पडल्यानंतर किंवा चेहऱ्यावर आलेल्या सुरकुत्यांपासून सुटका मिळवण्यासाठी बाजारात उपलब्ध असलेले महागडे स्किन केअर, महागड्या स्किन ट्रीटमेंट सुद्धा करून घेतल्या जातात. पण त्याचा फारसा परिणाम चेहऱ्यावर दिसून येत नाही. हजारो रुपये खर्च करून सुद्धा त्वचा आहे तशीच दिसते. त्यामुळे आज आम्ही तुम्हाला त्वचेवर वाढलेल्या सुरकुत्या आणि सैल त्वचा घट्ट आणि निरोगी करण्यासाठी स्वयंपाक घरात कोणत्या पदार्थांचा वापर करावा, याबद्दल सविस्तर माहिती सांगणार आहोत. घरगुती पदार्थांच्या वापरामुळे त्वचेवरील नैसर्गिक ग्लो वाढतो आणि त्वचा आतून सुंदर होण्यास मदत होते. फेसपॅक लावल्यामुळे त्वचा टाईट राहण्यास मदत होते.

स्किन टाईटनिंगसाठी नॅचरल फेसपॅक:

त्वचेच्या समस्या वाढू लागल्यानंतर कायमच बाजारातील महागड्या प्रॉडक्टचा वापर करू नये. यासाठी होममेड फेसपॅकचा वापर करावा. कॉर्न फ्लोर, कच्चे दूध, मुलतानी माती इतकेच साहित्य लागेल. फेसपॅक बनवण्यासाठी सर्वप्रथम, वाटीमध्ये कॉर्न फ्लोर, मुलतानी माती आणि कच्चे दूध घेऊन एकत्र मिक्स करा. तयार केलेले मिश्रण जास्त पातळ करू नये. घट्टसर पेस्ट बनवल्यानंतर ब्रशच्या मदतीने संपूर्ण चेहऱ्यावर आणि मानेवर फेसपॅक लावून २० मिनिटं तसेच ठेवा. फेसपॅक सुकल्यानंतर हाताने चेहऱ्यावरील फेसपॅक काढून टाका.

Skin Care: पिगमेंटेशन, टॅनिंगमुळे त्वचा काळी दिसते? मग संत्री मोसंबीच्या सालींचा वापर करून घरीच तयार करा Vitamin C Face Pack

फेसपॅक पूर्णपणे सुकल्यानंतर पाण्याने स्वच्छ धुवा. चेहरा पाण्याने धुतल्यानंतर टॉवेलने स्वच्छ पुसून घ्या. कॉर्न फ्लोरमध्ये स्टार्च आणि कार्बोहायड्रेट्स आढळून येतात. ज्यामुळे चेहऱ्यावर वाढलेले काळे डाग कमी होण्यास मदत होते. कच्च्या दुधामध्ये लॅक्टिक एसिड, प्रोटीन आणि विटामिन आढळून येते. मुलतानी मातीच्या वापरामुळे त्वचेवर अतिरिक्त तेल जमा होत नाही आणि नैसर्गिक ग्लो कायम टिकून राहण्यास मदत होते. त्वचा कायमच चमकदार आणि सुंदर ठेवण्यासाठी योग्य स्किन केअर फॉलो करणे आवश्यक आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.