Recipe : बोरींग पदार्थ सोडा, घरी बनवा हेल्दी आणि रुचकर चवीचा ‘कोरीयन पॅनकेक’

Korean Pancake Recipe : भरपूर भाज्यांचा वापर करुन तयार केला जाणारा कुरकुरीत कोरीयन पॅनकेक चवील फार छान लागतो. तेच तेच पदार्थ खाऊन कंटाळला असाल तर ही रेसिपी एकदा घरी नक्की ट्राय करुन बघा.

• कोरीयन पॅनकेक हा लोकप्रिय, चविष्ट आणि कुरकुरीत नाश्त्याचा प्रकार आहे.
• यात भरपूर भाज्यांचा वापर केला जातो.
• ही डिश हेल्दी पण चविष्ट पदार्थात मोडली जाते.

कोरियन खाद्यसंस्कृती ही चव, टेक्स्चर आणि साधेपणाचा सुंदर मेळ मानली जाते. त्यामधील एक लोकप्रिय आणि घराघरात बनवला जाणारा पदार्थ म्हणजे कोरियन पॅनकेक, ज्याला “पाजॉन” असेही म्हणतात. हा पॅनकेक बाहेरून कुरकुरीत आणि आतून मऊसर असतो, त्यामुळे प्रत्येक घासात वेगळाच आनंद मिळतो. विशेष म्हणजे, यात हिरव्या कांद्याचा भरपूर वापर केला जातो, ज्यामुळे त्याला खास चव आणि सुगंध मिळतो.

उन्हाळ्यात ॲसिडिटी आणि अपचनापासून आराम मिळवण्यासाठी ५ मिनिटांमध्ये झटपट बनवा थंडगार जलजिरा, नोट करा रेसिपी

हा पदार्थ हलक्या भुकेसाठी, संध्याकाळच्या स्नॅक्ससाठी किंवा पावसाळ्यात गरमागरम खाण्यासाठी अगदी परफेक्ट आहे. कोरियामध्ये पावसाळी हवामानात हा पॅनकेक खाण्याची एक वेगळीच परंपरा आहे. साध्या साहित्यांपासून बनणारा हा पदार्थ तुम्ही घरी सहज तयार करू शकता आणि त्यात तुमच्या आवडीनुसार भाज्या किंवा सीफूडही घालू शकता. चला स्टेप बाय स्टेप रेसिपी जाणून घेऊया.

साहित्य :

• मैदा – 1 कप
• तांदळाचे पीठ – ½ कप
• पाणी – 1 ते 1½ कप (गरजेनुसार)
• अंडी – 1
• हिरवा कांदा (लांब कापलेला) – 1 कप
• गाजर (पातळ काप) – ½ कप
• मीठ – चवीनुसार
• काळी मिरी – ½ टीस्पून
• तेल – शॅलो फ्राय करण्यासाठी

डिपिंग सॉससाठी :

• सोया सॉस – 2 टेबलस्पून
• व्हिनेगर – 1 टेबलस्पून
• लाल मिरची फ्लेक्स – ½ टीस्पून
• तीळ – 1 टीस्पून

उन्हाळ्यात खूप जास्त थकवा येतो? नियमित खा ‘या’ पौष्टिक पदार्थांपासून बनवलेला चविष्ट लाडू, हाडे होतील मजबूत

कृती :

• सर्वप्रथम एका मोठ्या भांड्यात मैदा आणि तांदळाचे पीठ एकत्र करा. त्यात मीठ आणि काळी मिरी घालून मिक्स करा.
• हळूहळू पाणी घालून गाठी न राहतील असे स्मूद बॅटर तयार करा. बॅटर फार पातळ किंवा फार जाड नसावे.त्यात अंडे घालून नीट मिसळा.
• आता हिरवा कांदा आणि गाजर घालून बॅटर एकजीव करा.
• तवा किंवा पॅन गरम करून त्यावर थोडे तेल घाला.
• तयार बॅटर पॅनवर ओतून पातळ पॅनकेकसारखे पसरवा.
• मध्यम आचेवर दोन्ही बाजूंनी सोनेरी आणि कुरकुरीत होईपर्यंत शॅलो फ्राय करा.
• तयार पॅनकेक बाहेर काढून काप करा.
• सर्व साहित्य एकत्र करून चविष्ट सॉस तयार करा.
• अधिक कुरकुरीत टेक्स्चरसाठी थोडे जास्त तेल वापरा.
• तुम्ही यात कोळंबी किंवा चिकन घालून वेगवेगळ्या प्रकारेही बनवू शकता.
• गरमागरम कोरियन पॅनकेक सॉसबरोबर सर्व्ह करा आणि घरच्या घरी एक वेगळी आंतरराष्ट्रीय चव अनुभव करा.