(फोटो सौजन्य: istock)
दिवसभर थकून हारुन घरी आल्यानंतर आपल्याला रात्रीची शांत झोप हवी असते. झोप नीट झाली नाही कर संपूर्ण दिवस नैराश्यात जातो अशात शरीराला चांगली झोप मिळणं फार गरजेचं आहे. चांगल्या झोपेसाठी अनेकजण घरगुती उपाय करु पाहतात पण तुम्हाला माहिती आहे का? तिुमची झोप तुमच्या कपड्यांशी जोडलेली आहे. होय, हे खरं आहे. चुकीच्या कपड्यांमुळे झोपेची गुणवत्ता ढासळते आणि हे आपल्या आरोग्यासाठी धोकादायक ठरते. जगात असेही काही लोक आहेत ज्यांना झोपताना फार कपडे घालून झोपण्याची किंवा हलके कपडे घालून झोपण्याची सवय आहे. ही सवय आपल्या आरोग्यासाठी खरंतर फायद्याची ठरते.
घट्ट टी-शर्ट, लेगिंग्ज किंवा जीन्स असे फिटिंगचे कपडे घालून झोपल्याने शरीरातील रक्ताभिसरणावर परिणाम होतो. अशा कपड्यांमध्ये घाम अडकतो, ज्यामुळे त्वचेवर पुरळ आणि खाज येऊ शकते. महिलांमध्ये, या सवयीमुळे खाजगी भागात बुरशीजन्य संसर्ग देखील होऊ शकतो. म्हणून, झोपताना नेहमी सैल आणि हलके कपडे घाला जेणेकरून पूर्ण विश्रांती मिळेल.
सिंथेटिक फॅब्रिक टाळा
नायलॉन, पॉलिस्टर किंवा सॅटिनसारखे कापड दिसायला सुंदर दिसतात पण रात्री झोपताना घालण्यासाठी ते योग्य नाहीत. हे कापड श्वास घेण्यास अडथळा निर्माण करतं, यामुळे घाम येतो आणि परीणामी त्वचेवर पुरळ उठणे, खाज सुटणे किंवा संसर्ग अशा समस्या उद्भवू लागतात. मऊ, हलके आणि तागाचे कपडे रात्री घालावेत, ते शरीराला थंडपणा आणि आराम देतात.
अंतर्वस्त्रे घालून झोपू नका
बरेच लोक रात्रीच्या वेळीही अंतर्वस्त्रे घालण्याची सवय करतात, जे आरोग्यासाठी हानिकारक आहे. यामुळे हवेचा प्रवाह मर्यादित होतो आणि बॅक्टेरिया आणि बुरशी वाढू शकतात. यामुळे प्रायव्हेट जागी संसर्ग आणि जळजळ होण्याची शक्यता असते. झोपताना हलके आणि सैल कपडे घाला जेणेकरून तुमचे शरीर पूर्णपणे आरामशीर वाटेल.
रात्री जास्त कपडे घालू नका
हिवाळ्याच्या दिवसांत अनेकजण थंडीपासून स्वतःचे संरक्षण करण्यासाठी तीन ते चार कपडे परिधान करतात. परंतू, यामुळे शरीराचे तापमान जास्त वाढचे, ज्यामुळे अस्वस्थता आणि घाम येतो. यामुळे शरीर थकल्यासारखे वाटते आणि झोपेचा त्रास होऊ लागतो. तापमान संतुलन राखण्यासाठी उबदार, तरीही हलके आणि श्वास घेण्यायोग्य कपडे घालावेत.
घाणेरड्या कपड्यांमध्ये झोपणे हानिकारक
आपल्या आळशीपणामुळे बरेच लोक दिवसभराच्या जुन्या कपड्यांमध्ये ज्यात धूळ, घाम आणि बॅक्टेरिया साचलेले असतात अशा कपड्यांमध्ये झोपतात. असे केल्याने त्वचेला हानी पोहचू शकते. यामुळे मुरुमे, खाज सुटणे आणि ऍलर्जीसारख्या समस्या उद्भवू लागतात. झोपण्यापूर्वी नेहमी स्वच्छ कपडे घाला आणि हवे असल्यास, गरम पाण्याने आंघोळ करा. यामुळे तुम्हाला गाढ झोप मिळण्यास मदत होईल.
हिवाळ्यातील ही फळे फुफ्फुसांमध्ये अडकलेली सर्व घाण काढतील बाहेर, भरपूर खा; डॉक्टरांनी दिलाय सल्ला
रात्री झोपताना काय घालाव?
टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.
