शाही जेवणाचा थाट! मऊ, मुलायम अन् चवीला मजेदार; घरी बनवून पहा स्वादिष्ट Reshami Kabab

मऊ, रसाळ आणि शाही चवचा अनुभव घ्यायचाय तर रेश्मी कबाब तुमच्यासाठी एक उत्तम पर्याय आहे. पार्टीज किंवा घरी आलेल्या पाहुण्यांना सर्व्ह करण्यासाठी हा एक उत्तम पर्याय आहे. चला याची सोपी रेसिपी जाणून घेऊया

रेश्मी कबाब हे एक स्वादिष्ट व शाही नॉनव्हेज डिश आहे जे प्रामुख्याने चिकनपासून तयार केले जातात. “रेश्मी” म्हणजे मऊ, मुलायम, आणि गुळगुळीत – आणि हेच या कबाबचे वैशिष्ट्य आहे. हे कबाब भारतीय मुगलाई जेवणातील एक महत्त्वाचा भाग आहे, जे प्रोटीनयुक्त, मसालेदार आणि क्रीमी टेक्स्चरने भरलेले असते. रेश्मी कबाब पार्टी, सण-समारंभ किंवा खास डिनर साठी एक उत्तम पर्याय आहे.

Mini Cakes Recipe: कमीत कमी साखरेचा वापर करून झटपट बनवा हनी केक, नोट करून घ्या चवदार पदार्थ

तुम्ही मांसाहार प्रेमी असाल तर रेश्मी कबाबविषयी तुम्ही नक्कीच ऐकले असेल. हे कबाब बहुतेक हॉट्समध्ये उपलब्ध असतात मात्र आज आम्ही तुम्हाला याची एक चवदार रेसिपी सांगत आहोत. आपल्या शाही मेजवानीत तुम्ही या पदार्थाचा समावेश करू शकता. पार्टीजसाठी किंवा घरी आलेल्या पाहुण्यांना काही चवदार सर्व्ह करण्यासाठी हा एक उत्तम पर्याय आहे. चला तर मग अजिबात वेळ न दवडता लगेच नोट करूयात यासाठी लागणारे साहित्य आणि कृती.

साहित्य

• चिकन बोनलेस – 500 ग्रॅम (मध्यम तुकडे)
• दही – ½ कप
• मलई (फ्रेश क्रीम) – 3 टेबलस्पून
• काजू किंवा बदाम पेस्ट – 2 टेबलस्पून
• आले-लसूण पेस्ट – 1 टेबलस्पून
• हिरव्या मिरच्या – 2 (पेस्ट तयार करुन)
• लिंबाचा रस – 1 टेबलस्पून
• मिरे पावडर – ½ टीस्पून
• गरम मसाला – ½ टीस्पून
• बटर किंवा तेल – कबाब भाजण्यासाठी
• मीठ – चवीनुसार
• कोथिंबीर – सजावटीसाठी (ऐच्छिक)

चमचमीत खायची इच्छा होतेय? मग घरी बनवा सर्वांच्या आवडीच्या Tandoori Momo चा बेत; नोट करा रेसिपी

कृती

• रेश्मी कबाब तयार करण्यासाठी सर्वप्रथम चिकनचे तुकडे स्वच्छ धुऊन, एका मोठ्या बाउलमध्ये टाका.
• दही, मलई, काजू पेस्ट, आले-लसूण पेस्ट, हिरवी मिरची पेस्ट, लिंबाचा रस, मिरे पावडर, गरम मसाला आणि मीठ एकत्र करून चिकनमध्ये मिसळा.
• ही मिश्रण व्यवस्थित मिक्स करून कमीत कमी ४ तास (किंवा रात्रीभर) फ्रिजमध्ये मॅरिनेट करा.
• मॅरिनेट झालेले चिकन ओव्हन, ग्रिल किंवा तवा वापरून मध्यम आचेवर भाजा. थोडेसे बटर किंवा तेल घालून भाजल्यास अधिक चव येते.
• प्रत्येक बाजूने सोनेरी रंग येईपर्यंत आणि चिकन पूर्णपणे शिजेपर्यंत भाजा (१०-१५ मिनिटे).
• तयार झाल्यावर गरमागरम रेश्मी कबाबवर थोडी कोथिंबीर घाला आणि गरमा गरम खाण्यासाठी सर्व्ह करा.
• या कबाबला हिरवी चटणी, लिंबाच्या फोडी आणि कांदा रिंग्ससोबत सर्व्ह केल्यास त्याची चव द्विगुणीत होते.
• तवा किंवा ग्रिलवर शिजवताना अधूनमधून ब्रशने बटर लावल्यास कबाब मऊ व रसाळ राहतात.