Poor Circulation Symptoms: पायांवरचे केस अचानक गळतायत? शरीरात दिसून येणाऱ्या ‘या’ लक्षणांकडे अजिबात करू नका दुर्लक्ष

Poor Circulation Symptoms: पायांमधील नसा आणि शरीरातील ऊतींचे नुकसान झाल्यानंतर संपूर्ण शरीराला हानी पोहचते. त्यामुळे रक्तभिसरणात निर्माण झालेले अडथळे शरीरासाठी अतिशय धोकादायक आहेत.

Poor Circulation Symptoms: जीवनशैलीत सतत होणाऱ्या बदलांमुळे शरीरात अनेक बदल दिसून येतात. बऱ्याचदा हात पाय थंड पडणे, केस गळणे इत्यादी लक्षणे दिसू लागल्यानंतर सुरुवातीच्या टप्प्यात दुर्लक्ष केले जाते. शरीरातील रक्तप्रवाह योग्य पद्धतीने होत नसल्यामुळे रक्तभिसरणात अनेक अडथळे निर्माण होतात. शरीरातील प्रत्येक अव्यवयाला रक्त मिळणे फार आवश्यक आहे. रक्तपुरवठ्यात अडथळे निर्माण झाल्यानंतर त्वचेवर त्याचे परिणाम दिसू लागतात. त्वचा फिकट पडणे, त्वचेच्या रंगात बदल दिसणे, नखांचा रंग बदलणे इत्यादी अनेक लक्षणे दिसू लागतात. याशिवाय पायांवरील केस गळू लागतात. त्यामुळे रक्तभिसरणात निर्माण झालेल्या अडथळ्यांकडे दुर्लक्ष न करता वेळीच डॉक्टरांचा सल्ला घेऊन उपचार करणे आवश्यक आहे.(फोटो सौजन्य – istock)

High Cholesterol: नसांमध्ये साचून राहिलेले खराब कोलेस्ट्रॉल होईल मुळांपासून नष्ट! दररोज सकाळी चावून खा ‘हे’ १ रुपयांचे पान

पायांवरील केस गळणे धोक्याची घंटा?

सर्वच महिलांना पायावरील केस नको असतात. पण पायांवरील केस विनाकारण गळत असतील, तर दुर्लक्ष करणे धोक्याचे ठरू शकते. पायांमध्ये रक्ताचा पुरवठा कमी झाल्यानंतर पायांच्या नसा काळ्या निळ्या पडतात. पायांना रक्तपुरवठा न झाल्यामुळे केसांना आवश्यक पोषण देणे आवश्यक आहे. केसांची मूळ कमकुवत होऊन केस खूप जास्त गळतात. प्रामुख्याने पुरुषांमध्ये ही लक्षणे अधिक स्पष्टपणे दिसून येतात. पुरुषांनी मोजे घातल्यानंतर हळूहळू केस कमी होऊन जातात, ज्याला सॉक लाइन असे म्हणतात.

पायांना व्यवस्थित रक्तपुरवठा न झाल्यास गंभीर समस्या उद्भवू शकतात. पायांमधील नसा आणि शरीरातील ऊतींचे नुकसान होऊन संपूर्ण शरीराला धोका निर्माण होण्याची शक्यता असते. रक्तपुरवठा कमी झाल्यानंतर केवळ पायांवरील केस गळत नाहीतर ऑक्सिजन आणि पोषक घटकांचा पुरवठा सुद्धा कमी होऊन जातो. व्यवस्थित ऑक्सिजन न मिळाल्यामुळे शरीरातील ऊती खराब होऊन मृत होतात, ज्याच्या परिणामामुळे पाय कापण्याची वेळ सुद्धा येऊ शकते.

Health Care: कोणताही त्रास होत नसताना सुद्धा ब्लड शुगर आणि कोलेस्टेरॉल तपासणे का आहे महत्त्वाचे? जाणून घ्या यामागील कारणे

पायांवर झालेल्या जखमा दोन आठवड्यांपेक्षा जास्त दिवस बऱ्या होत नसतील तर रक्तपुरवठा कमी झाल्याचे लक्षण असू शकते. या जखमा काहीवेळा गुडघ्याच्या आजूबाजूला सुद्धा होतात. जखमांमुळे वेदना, खाज आणि सूज येण्याची जास्त शक्यता असते. त्यामुळे वारंवार होणाऱ्या जखमांकडे अजिबात दुर्लक्ष न करता वेळीच योग्य उपचार करणे फार आवश्यक आहे. शरीराची काळजी घेताना वजन नियंत्रणात ठेवणे, नियमित व्यायाम, पायांना पुरेशी विश्रांती देणे आवश्यक आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.