पार्टी असो वा संध्याकाळची क्रेव्हिंग; स्टफ्ड चीज गार्लिक ब्रेड तुम्हाला नाराज करणार नाही, नोट करा रेसिपी

Stuffed Cheese Garlic Bread Recipe : झणझणीत आणि चीजने भरलेलं हे गार्लिक ब्रेड एकदा खाल्लं की पुन्हा पुन्हा बनवावंसं वाटेल! याची रेसिपी फार सोपी आहे आणि तुम्ही घरी ती सहज बनवू शकता.

(फोटो सौजन्य: istock)

Follow Us:

Follow Us:

स्टफ्ड चीज गार्लिक ब्रेड म्हणजे लसणाने आणि चीजने भरलेला आणि भाजलेला ब्रेड. हे एक लोकप्रिय स्नॅक्स किंवा साइड डिश आहे. आपण आजवर हा पदार्थ बाहेर अनेकदा खाल्ला असेल मात्र तुम्हाला माहिती आहे का? तुम्ही घरीही अगदी सहज आणि झटपट याला तयार करू शकता. गार्लिकचा सुगंध आणि चीजची मसालेदार चव या पदार्थाला आणखीनच बहारदार बनवते. संध्याकाळच्या क्रेव्हिंगसाठी किंवा घरी पार्टी असल्यास स्टार्टर म्हणून सर्व्ह करण्यासाठी हा एक उत्तम पर्याय आहे.

Shravan 2025: साबुदाण्याचा वापर न करता १० मिनिटांमध्ये बनवा चविष्ट राजगिऱ्याची खीर, चवीसोबतच पचनक्रिया राहील निरोगी

तुम्ही मुलांच्या टिफिनसाठीही हा पदार्थ तयार करू शकता. मैद्यापासून तयार केलेल्या ब्रेडमध्ये तुम्ही चिली, चीजचे मिश्रण घालता आणि मग त्याला बेक करता. याची चव तुम्हाला हा पदार्थ पुन्हा पुन्हा बनवण्यास भाग पाडेल. काहीतरी नवीन चवदार बनवून खायचे असेल तर यंदाच्या विकेंडला ही रेसिपी नक्की ट्राय करा. चला जाणून घेऊया यासाठी लागणारे साहित्य आणि कृती.

साहित्य:

ब्रेड साठी:

• मैदा – 2 कप
• साखर – 1 टेबलस्पून
• सुकं यीस्ट – 1 टेबलस्पून
• कोमट दूध – ½ कप
• कोमट पाणी – ¼ कप
• मीठ – ½ टीस्पून
• ऑलिव तेल – 2 टेबलस्पून

स्टफिंग साठी:

• किसलेलं मोजरेला चीज – 1 कप
• चीज स्लाइस – 2-3 (ऐच्छिक)
• बारीक चिरलेला लसूण – 1 टेबलस्पून
• बारीक चिरलेली कोथिंबीर – 2 टेबलस्पून
• चिल्ली फ्लेक्स – 1 टीस्पून
• मिक्स हर्ब्स (ऑरेगॅनो, थायम, इटालियन सीझनिंग) – 1 टीस्पून
• बटर – 2 टेबलस्पून

कृती:

• गार्लिक ब्रेड बनवण्यासाठी सर्वप्रथम एका बाऊलमध्ये कोमट दूध, साखर आणि यीस्ट घालून 10 मिनिटे झाकून ठेवा. मिश्रण फसफसल्यावर यीस्ट अ‍ॅक्टिव्ह झालं आहे हे समजते.
• मैदा, मीठ, यीस्टचं मिश्रण आणि तेल एकत्र करून थोडं थोडं कोमट पाणी घालून मऊ पीठ मळून घ्या. झाकून 1 तास ठेवा जेणेकरून पीठ फुलेल.
• यानंतर एका बाऊलमध्ये किसलेलं चीज, लसूण, कोथिंबीर, चिल्ली फ्लेक्स, आणि मिक्स हर्ब्स एकत्र करा.
• पीठ फुगल्यानंतर त्याला पुन्हा थोडं मळा. आता त्याची एक जाडसर पोळी लाटून त्यावर चीजचं स्टफिंग पसरवा.
• अर्ध्या भागावरच ठेवा आणि दुसऱ्या अर्ध्या भागाने झाकून द्या. कडा दाबा.
• बटरमध्ये लसूण आणि कोथिंबीर मिक्स करून ब्रेडच्या वरती लावा. त्यावर पुन्हा थोडे हर्ब्स शिंपडा.
• ओव्हन 180°C वर प्रीहीट करा. ब्रेड 20-25 मिनिटं किंवा सोनेरी होईपर्यंत बेक करा.
• ब्रेड थोडं थंड झाल्यावर त्याचे स्लाइस करून गरमागरम चीज गार्लिक ब्रेड सॉस किंवा केचपसोबत सर्व्ह करा.
• ओव्हन नसेल तर हॉट पॅनमध्ये झाकण ठेवून मंद आचेवर शेकता येतो.
• हवे असल्यास तुम्ही त्यामध्ये स्वीट कॉर्न, कांदा, किंवा मिरपूड घालून स्टफिंग बदलू शकता.

FAQs (संबंधित प्रश्न)

गार्लिक ब्रेडवर तुम्ही कोणते चीज वितळते?
परमेसन आणि मोझारेला चीज

ब्रेडसोबत कोणते चीज चांगले आहे?
चेडर चीज

Web Title: Stuffed cheese garlic bread recipe in marathi perfect for party

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com