Summer Special : उन्हाळ्यात वाढतो डिहायड्रेशनचा त्रास; घरी बनवा थंडगार अन् चटपटीत चवीचा ‘पुदिना सरबत’

Pudina Sharbat Recipe : पोटाच्या समस्येवर पुदिन्याचे सेवन खूप फायद्याचे ठरते. उन्हाळ्याची उष्णता वाढत असताना तुम्ही घरी थंडगार पुदिन्याचा सरबत बनवून पिऊ शकता. चला याची रेसिपी जाणून घेऊया.

• पुदिन्याचा सरबत उन्हाळ्यात रिफ्रेशिंग ठरतो.
• उन्हाळ्यात डिहायड्रेशनची समस्या वाढते.
• अशात वेगवेगळ्या पेयांचे सेवन या दिवसांत फायद्याचे ठरते.

पुदिन्याचा सरबत हा उन्हाळ्यात शरीराला थंडावा देणारा, ताजेतवाना करणारा आणि आरोग्यासाठी फायदेशीर पेय आहे. गरम हवामानात शरीरातील उष्णता वाढते, घामामुळे पाणी कमी होते आणि थकवा जाणवतो. अशा वेळी पुदिन्याच्या पानांपासून बनवलेला सरबत शरीराला थंडावा देतो आणि ताजेतवानेपणा देतो. पुदिन्यात नैसर्गिक थंड गुणधर्म असतात, जे पचन सुधारण्यास मदत करतात तसेच तोंडाला ताजेतवाने सुगंध देतात.

गोड पदार्थ खाणे कायमचे जाल विसरून! उपवासाच्या दिवशी झटपट बनवा स्वादिष्ट साबुदाणा फ्रुट कस्टर्ड

पारंपरिक पद्धतीने तयार केलेला पुदिन्याचा सरबत हा केवळ चविष्टच नाही तर आरोग्यदायी देखील आहे. यात वापरले जाणारे लिंबू, साखर आणि काळं मीठ यामुळे शरीराला आवश्यक खनिजे मिळतात. बाजारातील ड्रिंक्सपेक्षा हे पेय अधिक नैसर्गिक आणि सुरक्षित ठरतो. तुम्ही घरच्या घरी अगदी सोप्या पद्धतीने पुदिन्याचा सरबत तयार करू शकता आणि कुटुंबासोबत त्याचा आनंद घेऊ शकता. चला तर मग यासाठीची सोपी रेसिपी नोट करुन घेऊयात.

साहित्य:

• 1 कप ताजी पुदिन्याची पाने
• 2 चमचे साखर (चवीनुसार)
• 1 लिंबाचा रस
• 1/2 चमचा काळं मीठ
• 1/2 चमचा भाजलेले जिरे पावडर
• 2 ग्लास थंड पाणी
• बर्फाचे तुकडे

नेहमीच विकतचे आईस्क्रीम आणून खाण्यापेक्षा घरीच बनवा गारेगार मटका कुल्फी,कडाक्याच्या उन्हाळ्यात शरीराला मिळेल थंडावा

कृती:

• सर्वप्रथम पुदिन्याची पाने स्वच्छ पाण्याने धुऊन घ्या.
• मिक्सरमध्ये पुदिन्याची पाने, साखर आणि थोडंसं पाणी घालून बारीक वाटून घ्या.
• तयार पेस्ट गाळणीने गाळून रस वेगळा काढा.
• या रसात लिंबाचा रस, काळं मीठ आणि जिरे पावडर घाला.
• आता त्यात थंड पाणी घालून चांगले मिसळा.
• ग्लासमध्ये बर्फाचे तुकडे टाका आणि त्यात तयार शरबत ओता.
• वरून थोडी पुदिन्याची पाने सजावटीसाठी घालून थंडगार सर्व्ह करा.
• साखरेऐवजी तुम्ही मध वापरू शकता.
• अधिक थंडावा हवा असेल तर थोडं गुलाबजल घालू शकता.
• पुदिन्याचा स्वाद वाढवण्यासाठी थोडं आलेही घालू शकता.
• हा पुदिन्याचा सरबत उन्हाळ्यातील उकाड्यात तुम्हाला नक्कीच ताजेतवाने आणि ऊर्जा देणारा ठरेल.