उन्हाळामुळे काळवंडलेली त्वचा पुन्हा एकदा होईल चमकदार! त्वचेवर लावा Coconut Face Pack, टॅनिंग होईल गायब

उन्हाळ्यात चेहऱ्यावर वाढलेले टॅनिंग आणि त्वचेच्या इतर सर्व समस्यांपासून आराम मिळवण्यासाठी खोबऱ्याच्या दुधाचा वापर करून तयार केलेला फेसपॅक लावावा. चला तर जाणून घेऊया फेसपॅक बनवण्याची कृती.

उन्हाळा ऋतूला सुरुवात झाल्यानंतर त्वचा खूप जास्त टॅन झाल्यासारखे वाटते. चेहऱ्यावर वाढलेले काळे डाग, डेड स्किनचे थर, पिंपल्स आणि ऍक्ने त्वचेचे गंभीर नुकसान करतात. कडक उन्हात कुठेही बाहेर फिरून आल्यानंतर चेहरा निस्तेज होऊन जातो. त्वचेची गुणवत्ता खराब झाल्यानंतर ती सुधारण्यासाठी महिला सतत काहींना काही उपाय करत असतात. फेसपॅक, फेसमास्क, स्क्रब तर कधी बाजारात उपलब्ध असलेल्या महागड्या स्किन कोरियन ट्रीटमेंट आणि महागड्या प्रॉडक्टचा वापर करतात. हजारो रुपये खर्च केल्यानंतर सुद्धा चेहऱ्यावरील ग्लो जास्त वेळ टिकून राहत नाही. त्यामुळे उन्हाळ्यात त्वचेची खराब झालेली गुणवत्ता सुधारण्यासाठी घरगुती पदार्थांचा वापर करावा. घरगुती उपाय केल्यामुळे त्वचेच्या समस्या कमी होतात आणि चेहऱ्यावरील ग्लो कायम टिकून राहतो. चला तर जाणून घेऊया कोकोनट फेस पॅक बनवण्याची सोपी रेसिपी.(फोटो सौजन्य – istock)

रात्री झोपण्याआधी चेहऱ्यावर लावा नॅचरल नाईट सीरम, पिग्मेंटेशन-सुरकुत्या १५ दिवसांमध्ये होतील कायमच्या गायब

फेसपॅक बनवण्यासाठी लागणारे साहित्य:

• ओल्या खोबऱ्याचे दूध
• मध
• बेसन
• हळद
• लिंबाचा रस

ओल्या खोबऱ्याचा वापर करून फेसपॅक बनवण्यासाठी सर्वप्रथम, मोठ्या वाटीमध्ये नारळाचे दूध घेऊन त्यात बेसन, चिमूटभर हळद, मध आणि लिंबाचा रस एकत्र मिक्स करून घ्या. तयार केलेले मिश्रण व्यवस्थित मिक्स झाल्यानंतर संपूर्ण चेहऱ्यावर आणि मानेवर लावून काहीवेळ तसेच ठेवा. त्यानंतर पाण्याच्या ओल्या हातांनी चेहऱ्यावर मसाज करून घ्या. मसाज केल्यामुळे रक्तभिसरण सुधारण्यासोबतच चेहऱ्यावर जमा झालेली डेड स्किन नष्ट होण्यास मदत होईल. त्यानंतर फेसपॅक १० ते १५ मिनिटांनी पाण्याने स्वच्छ धुवून घ्या. यामुळे त्वचेच्या समस्या कमी होण्यासोबतच चेहऱ्यावर चमकदार ग्लो येईल आणि त्वचा अतिशय सुंदर दिसेल.

अचानक मोठ्या प्रमाणावर केस गळती वाढली आहे? आरोग्यासंबंधित असू शकतात ‘या’ गंभीर आजाराचे संकेत

आठवडाभरात चेहऱ्यावर चमकदार ग्लो हवा असेल तर खोबऱ्याच्या दुधापासून तयार केलेला फेसपॅक चेहऱ्यावर लावावा. यामुळे त्वचेवरील ग्लो वाढण्यास मदत होईल. पार्लरसारखा चमकदार ग्लो चेहऱ्यावर वाढवण्यासाठी खोबऱ्याच्या दुधाचा वापर करावा. यामुळे तुमच्या चेहऱ्यावर वाढलेले ओपन पोर्स भरण्यास मदत होईल. तरुण वयात चेहऱ्यावर आलेल्या सुरकुत्या कमी करण्यासाठी आणि बारीक रेषा नष्ट करण्यासाठी खोबऱ्याचा फेसपॅक अतिशय फायदेशीर ठरेल. नारळाचे दूध आणि मध त्वचेचा काळवंडलेला रंग सुधारण्यास मदत करेल. नारळामध्ये फॅटी अ‍ॅसिड्स, व्हिटॅमिन्स आणि अँटी-ऑक्सिडंट्स इत्यादी अनेक घटक आढळून येतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.