Summer Tips: कडकडत्या उन्हात रोज ‘हे’ जादुई हिरवंगार पेय प्यायल्यात तर Digestion होईल गाडीच्या सुसाट वेगाने, त्वचाही उजळेल

उन्हाळ्यात स्वतःला तंदुरुस्त ठेवायचे असेल, तर या जादुई पेयाचा तुमच्या दैनंदिन दिनचर्येत नक्कीच समावेश करा. काय आहेत या पेयाचे गुणधर्म आणि हे ड्रिंक कसे तयार करायचे आपण या लेखातून जाणून घेऊया

• उन्हाळ्यात शरीराला थंडावा देण्यासाठी जादुई पेय

• उन्हाळ्यात कोणते ड्रिंक्स पिणं ठरू शकतं आरोग्याला फायदेशीर 

• शरीराल थंडावा कसा मिळेल?

आजकाल अनियमित दिनचर्या आणि चुकीच्या खाण्याच्या सवयी अनेक आरोग्य समस्यांचे कारण बनल्या आहेत. अजून मे महिना सुरूही झाला नाही पण अनेक ठिकाणी उन्हाचा पारा 40 अंशाच्या पलीकडे गेल्याचे दिसून येत आहे. नुसतं बसलं तरीही शरीरावर घामाच्या धारा वाहत आहेत. या उन्हाळ्याचा बऱ्याच जणांना त्रास होतो आहे. 

वाढत्या उष्णतेने आरोग्याला आणखी धोका निर्माण केला आहे, परंतु निसर्गाने आपल्याला काही साधे आणि प्रभावी घटक दिले आहेत जे कोणत्याही दुष्परिणामांशिवाय आरोग्य सुधारू शकतात. आयुर्वेद अशाच एका सोप्या, आरोग्यदायी पेयाचे सेवन करण्याची शिफारस करतो. आयुर्वेदाचार्य माधव भागवत यांनी असंच एक जादुई हिरवंगार पेय पिण्याचा सल्ला दिला आहे आणि हे कोणतं पेय आहे आणि कसा त्याचा वापर करायचा याबाबत आपण अधिक माहिती घेऊया 

एक जादुई उन्हाळी पेय

आम्ही कोमट पाण्यात पुदिना, लिंबू आणि मध यांच्या मिश्रणाबद्दल बोलत आहोत. हे पाणी आपल्या शरीरासाठी उन्हाळ्यात उत्तम ठरतं. याचे नक्की फायदे काय आहेत हे आधी आपण सोप्या शब्दात जाणून घेऊया. 

• सकाळी रिकाम्या पोटी याचे सेवन केल्याने पचनसंस्था मजबूत होते. पुदिना हा नेहमीच पोटातील गॅस कमी करण्यास उपयुक्त पाला आहे. याशिवाय शरीराला थंडावा देण्यासह पुदिना मदत करतो. 
• यामुळे चेहऱ्यावर नैसर्गिक चमक येते. मधामध्ये असणारे अँटीसेप्टिक आणि अँटीएलर्जिक गुण त्वचेसाठी उत्तम ठरतात. मधाचा नियमित वापर केल्याने शरीरातील विषारी पदार्थ बाहेर येऊन त्वचा अधिक उजळ्यास मदत मिळते 
• हे पेय रोजचा थकवा दूर करते
• हे चयापचय क्रिया वाढवते आणि वजन नियंत्रणातही मदत करते. यामध्ये असणारे लिंबू आणि मधाचे मिश्रण उपाशीपोटी पिण्यामुळे वजन कमी करण्यास आणि वजन वाढ न होण्यास मदत करते. 

राष्ट्रीय आरोग्य अभियानाने (NHM) देखील आपल्या आरोग्यविषयक टिप्समध्ये या नैसर्गिक पेयाचा समावेश केला आहे. हे पिण्यापूर्वी कोणी डॉक्टरांचा सल्ला घ्यावा? असा प्रश्न नेहमी विचारला जातो तर मधुमेह किंवा आम्लपित्ताच्या रुग्णांनी हे सुरू करण्यापूर्वी निश्चितपणे डॉक्टरांचा सल्ला घ्यावा.

Summer Drinks: उन्हाळ्यात आंब्यापासून बनवा ‘हे’ 4 ड्रिंक्स; शरीरात अजिबात जाणवणार नाही डिहायड्रेशनची समस्या

आरोग्यदायी पेय पिण्याचे फायदे

• पचनसंस्था मजबूत करते: पुदिना पोटाला आराम देतो, ज्यामुळे पोट फुगणे आणि गॅस कमी होतो. लिंबू आणि कोमट पाण्यामुळे बद्धकोष्ठता आणि अपचनापासून आराम मिळतो
• त्वचा उजळते: व्हिटॅमिन सी आणि अँटीऑक्सिडंट्सने समृद्ध असलेले हे पेय त्वचा स्वच्छ आणि चमकदार बनवते
• रोगप्रतिकारशक्ती वाढवते: लिंबामुळे रोगप्रतिकारशक्ती वाढते, तर मधामध्ये जीवाणूनाशक गुणधर्म असतात. तसेच, सर्दी आणि घसादुखी टाळण्यासही मदत होते
• ऊर्जा आणि अंतर्गत शुद्धीकरण: गरम पाण्यामुळे शरीरातील विषारी घटक बाहेर टाकले जातात आणि मधामुळे त्वरित ऊर्जा मिळते.

हे आरोग्यदायी पेय कसे बनवायचे?

• एका ग्लास कोमट पाण्यात अर्धा लिंबू पिळा
• पुदिन्याची ७-१० ताजी पाने हलक्या हाताने ठेचून घ्या
• १-२ चमचे मध घाला, चांगले ढवळा आणि सकाळी रिकाम्या पोटी हळूहळू प्या

हे पेय तुमची सकाळ ताजीतवानी करेल आणि हळूहळू तुम्हाला एक आरोग्यदायी जीवनशैली मिळविण्यात मदत करेल. नियमित सेवनाने पोट हलके राहील, चेहऱ्यावर तेज येईल आणि शरीराला ऊर्जा मिळेल.

Summer Drink: कडक उन्हाळ्यात शरीराला थंडावा देण्यासाठी घरी बनवा काकडी-कलिंगड स्मुदी, पचनक्रिया राहील निरोगी