उन्हामुळे काळवंडलेली त्वचा होईल आठवडाभरात गोरीपान! बटाट्याच्या रसात मिक्स करा ‘हा’ पदार्थ, चेहरा राहील कायमच फ्रेश

उन्हामुळे चेहऱ्यावर वाढलेले टॅनिंग घालवण्यासाठी बटाटा आणि दह्याचा फेसपॅक बनवून चेहऱ्यावर लावावा. यामुळे चेहऱ्यावर टॅनिंग कमी होऊन त्वचा उजळदार दिसेल.

राज्यासह संपूर्ण देशभरात सगळीकडे उन्हाचा पारा वाढला आहे. कडक उन्हात कुठेही बाहेर जाऊन आल्यानंतर त्वचा काळवंडल्यासारखी दिसते. चेहऱ्यावर टॅनिंग वाढल्यामुळे त्वचेचा ग्लो निघून जातो आणि त्वचा खूप जास्त थकल्यासारखी वाटते. सूर्याच्या किरणांमध्ये थेट बाहेर पडल्यास त्वचेचे गंभीर नुकसान होते. चेहऱ्यावर वाढलेला टॅनिंग लवकर कमी होत नाही. टॅनिंग घालवण्यासाठी महिला पार्लरला जाऊन महागडे फेशिअल, क्लीनअप करून घेतात. तसेच त्वचा चमकदार दिसावी म्हणून वेगवेगळ्या ट्रीटमेंट सुद्धा केल्या जातात. पण सतत केलेल्या ट्रीटमेंटचा चेहऱ्यावर फारसा परिणाम दिसून येत नाही. सतत वापरले जाणारे केमिकल युक्त सीरम, प्रॉडक्ट आणि इतर क्रीम कालांतराने त्वचेची गुणवत्ता पूर्णपणे खराब करून टाकतात. म्हणूनच आज आम्ही तुम्हाला चेहऱ्यावर वाढलेले टॅनिंग घालवण्यासाठी बटाट्याच्या रसात कोणता पदार्थ मिक्स करून लावावा, याबद्दल सविस्तर माहिती सांगणार आहोत. चला तर जाणून घेऊया.(फोटो सौजन्य – istock)

चेहऱ्यावर आलेल्या सुरकुत्यांमुळे त्वचेवरील ग्लो हरवला आहे? मग गुलाबी पाणी आणि तुरटीचा ‘या’ पद्धतीने करा वापर

चेहऱ्यावर वाढलेले टॅनिंग कमी करण्यासाठी सर्वप्रथम, वाटीमध्ये बटाट्याचा रस घेऊन त्यात चमचाभर दही मिक्स करून घ्या. तयार केलेल्या मिश्रणाची पेस्ट तयार केल्यानंतर ब्रशच्या सहाय्याने संपूर्ण फेसवर लावून काहीवेळ तसेच ठेवा. त्यानंतर त्वचा हलक्या हाताने मसाज करून घ्या. यामुळे चेहऱ्यावर जमा झालेली डेड स्किन नष्ट होण्यास मदत होईल आणि त्वचा उजळदार दिसेल. १० ते १५ मिनिट फेसपॅक चेहऱ्यावर ठेवल्यानंतर त्वचा पाण्याने स्वच्छ करून टाका. हा उपाय आठवडाभर नियमित केल्यास चेहऱ्यावर जमा झालेली घाण, धूळ, माती नष्ट होण्यास मदत होईल.

बटाट्याच्या रसात नॅचरल ब्लीचिंग गुणधर्म आढळून येतात. ज्यामुळे चेहऱ्यावर वाढलेले टॅनिंग आणि पिंपल्सचे काळे डाग कमी होण्यास मदत होते. टॅनिंग घालवण्यासाठी आठवड्यातून तीनदा फेसपॅक चेहऱ्यावर लावावा. याशिवाय दह्याचा वापर केल्यामुळे चेहऱ्यावर आलेल्या सुरकुत्या आणि बारीक रेषा कमी होण्यास मदत होईल. तरुण वयात त्वचेसंबंधित असंख्य समस्या निर्माण होतात. या सर्व समस्यांपासून कायमची सुटका मिळवण्यासाठी केमिकल ट्रीटमेंट किंवा महागडे सीरम वापरण्याऐवजी घरगुती उपाय करावेत. घरगुती उपाय केल्यामुळे त्वचेवर नैसर्गिक ग्लो कायम टिकून राहतो आणि त्वचा सुंदर दिसते.

चेहऱ्यावरील डेड स्किन आठवडाभरात होईल नष्ट! उजळदार त्वचेवर घरीच तयार करा नैसर्गिक स्क्रब, त्वचा होईल स्वच्छ

उन्हाळ्याच्या दिवसांमध्ये शरीरात वाढलेल्या उष्णतेचा परिणाम त्वचेवर सुद्धा दिसू लागतो. त्वचेमध्ये जळजळ, लालसर पणा वाढू लागतो. या सर्व समस्यांपासून आराम मिळवण्यासाठी बटाट्याच्या रसाचा वापर करावा. तसेच चेहऱ्यावर कोणताही फेसपॅक लावल्यानंतर उन्हात किंवा इतर कोणत्याही ठिकाणी बाहेर फिरण्यास जाऊ नये. संवेदनशील त्वचा असलेल्या महिला बटाट्याचा रस आणि दह्याचा फेसपॅक लावण्याआधी पॅच टेस्ट नक्की करून पाहावी.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.