चेहऱ्यावरील डेड स्किन आठवडाभरात होईल नष्ट! उजळदार त्वचेवर घरीच तयार करा नैसर्गिक स्क्रब, त्वचा होईल स्वच्छ
उन्हाळ्याच्या दिवसांमध्ये सूर्याच्या किरणांमुळे चेहऱ्यावर टॅनिंग वाढते. उन्हात जास्त वेळ बाहेर फिरून आल्यानंतर त्वचा खूप जास्त काळवंडल्यासारखी आणि निस्तेज वाटते. याशिवाय सतत येणारी घामामुळे त्वचा खूप जास्त तेलकट आणि चिकट होऊन जातो. घाम, धूळ, तेलकटपणा आणि सूर्यप्रकाशामुळे चेहऱ्यावरील ग्लो कमी झाल्यानंतर महिला सतत काहींना काही करतात. कधी बाजारात उपलब्ध असलेल्या महागड्या स्किन केअर प्रॉडक्टचा वापर केला जातो तर कधी टॅनिंग घालवण्यासाठी ट्रीटमेंट केल्या जातात. पण याचा फारकाळ चेहऱ्यावर फरक दिसून येत नाही. त्यामुळे बदलत्या ऋतूनुसार त्वचेची काळजी घेणे फार आवश्यक आहे. काहीवेळा शरीरात वाढलेल्या उष्णतेमुळे चेहऱ्यावर मोठे मोठे पिंपल्स आणि ऍक्ने येण्यास सुरुवात होते. हेच पिंपल्स काही दिवसांनंतर कमी होतात, पण त्याचे डाग मात्र तसेच राहतात.(फोटो सौजन्य – istock)
चेहऱ्यावर आलेले डाग, पिंपल्स आणि डेड स्किन नष्ट करण्यासाठी महिला पार्लरमध्ये जाऊन फेस क्लीनअप किंवा फेस स्क्रबिंग करून घेतात. यामुळे काहीकाळ त्वचा अतिशय सुंदर आणि चमकदार दिसते. पण कालातंराने पुन्हा एकदा चेहऱ्यावर डेड स्किन दिसते आणि त्वचा काळवंडल्यासारखी होते. म्हणूनच आज आम्ही तुम्हाला चेहऱ्यावर जमा झालेली डेड स्किन नष्ट करण्यासाठी घरच्या घरी नैसर्गिक स्क्रब बनवण्याची कृती सांगणार आहोत. हा स्क्रब आठवड्यातून एकदा चेहऱ्यावर लावल्यास डेड स्किन कमी होईल आणि त्वचेवर नैसर्गिक ग्लो टिकून राहील.
स्क्रब बनवण्यासाठी सर्वप्रथम, वाटीमध्ये चमचाभर मध आणि साखर एकत्र मिक्स करून घ्या. तयार केलेला स्क्रब चेहऱ्यावर लावून हलक्या हाताने मसाज करा. यामुळे डेड स्किन नष्ट होईल आणि त्वचेवर नैसर्गिक ग्लो येईल. चेहऱ्यावर हलक्या हाताने मसाज केल्यास त्वचेमधील रक्तभिसरण सुधारण्यास मदत होईल आणि त्वचेच्या पेशी सुधारतील. कोरडी त्वचा असलेल्या महिलांसाठी साखर आणि मधाचा फेस स्क्रब अतिशय फायदेशीर ठरेल. संवेदनशील त्वचा असलेल्या महिलांनी साखर आणि मधाच्या फेस स्क्रबचा वापर करू नये.
कॉफी आणि दुधाचा फेस स्क्रब. कॉफीच्या वापरामुळे त्वचेवर जमा झालेली डेड स्किन नष्ट होण्यास मदत होईल. यासाठी वाटीमध्ये कॉफी आणि दूध एकत्र मिक्स करून घ्या. तयार केलेली पेस्ट संपूर्ण चेहऱ्यावर लावून त्वचेवर लावून हलक्या हाताने मसाज करा. यामुळे चेहऱ्यावर जमा झालेली डेड स्किन नष्ट होईल आणि त्वचा स्वच्छ होण्यास मदत होईल. कॉफीमध्ये असलेले गुणकारी घटक चेहऱ्यावर जमा झालेला टॅन कमी करतात तर दूध त्वचा मऊ करण्यास मदत करते. फेस स्क्रब लावून काहीवेळ ठेवल्यानंतर त्वचा पाण्याने स्वच्छ करून घ्या.
फेस स्क्रब करताना त्वचेची योग्य काळजी घेणे फार आवश्यक आहे. अन्यथा चेहऱ्यावर रॅश किंवा लालसरपणा वाढू शकतो. फेस स्क्रब नियमित न करता आठवड्यातून दोनदा किंवा तीनदाच करावा. जास्त वेळ फेस स्क्रब केल्यास त्वचेच्या समस्या आणखीनच वाढू शकतात. स्क्रब करून झाल्यानंतर त्वचा कोरडी पडण्याची जास्त शक्यता असते. त्यामुळे स्क्रब करून त्वचा स्वच्छ केल्यानंतर मॉइश्चरायझर लावावे. यामुळे चेहरा हायड्रेट राहण्यास मदत होईल आणि त्वचेच्या समस्या कमी होऊन त्वचा उजळदार दिसेल.
