Sunday Special : घरी बनवा टेस्टी, मसालेदार ‘रावस फ्राय’, काही मिनिटांत तयार होते रेसिपी

Ravas Fry Recipe : रविवार स्पेशल जर घरी मासांहारचा प्लॅन बनत असेल तर ही रेसिपी घरी बनवायलाच हवी. चिकन, मटण नको यंदा घरी बनवा टेस्टी आणि मसालेदार रावस फ्राय.

• मासेप्रेमींसाठी आजची रेसिपी खास ठरणार आहे.
• आज आम्ही शेअर करयोय रावस फ्रायची मजेदार रेसिपी.
• रावस हा माशाचा एक प्रकार आहे.

समुद्रकिनाऱ्याच्या भागात मासे खाण्याची परंपरा खूप जुनी आहे आणि त्यामध्ये रावस मासा विशेष लोकप्रिय मानला जातो. रावसचा मऊसर पोत, हलका गोडसर स्वाद आणि कमी काटे यामुळे हा मासा लहानांपासून मोठ्यांपर्यंत सगळ्यांनाच आवडतो. मसालेदार फिश फ्राय म्हटलं की अनेकांच्या तोंडाला पाणी सुटतं. बाहेरून कुरकुरीत आणि आतून रसाळ असा रावस फिश फ्राय हा दुपारच्या जेवणासाठी किंवा संध्याकाळच्या खास मेनूसाठी उत्तम पर्याय ठरतो.

Recipe : बाजारासारखा कुरकुरीत गुजराती ‘फाफडा’ बनवा घरच्या घरी, अनेक दिवस साठवून ठेवता येईल हा हटके स्नॅक

ही रेसिपी बनवण्यासाठी फार जास्त साहित्य लागत नाही. घरात सहज उपलब्ध असणारे मसाले वापरून तुम्ही अगदी हॉटेलसारखा चविष्ट फिश फ्राय तयार करू शकता. लिंबाचा हलका आंबटपणा, आलं-लसूण पेस्टचा सुगंध आणि तिखट मसाल्यांचा परफेक्ट समतोल यामुळे प्रत्येक घास अधिकच स्वादिष्ट लागतो. कोकम सरबत, कांदा आणि भाकरीसोबत हा फिश फ्राय अप्रतिम लागतो. चला जाणून घेऊया याची रेसिपी.

साहित्य

• ४ ते ५ रावस माशाचे तुकडे
• २ चमचे लाल तिखट
• १ चमचा हळद
• १ चमचा गरम मसाला
• १ मोठा चमचा आलं-लसूण पेस्ट
• १ चमचा लिंबाचा रस
• चवीपुरते मीठ
• २ चमचे तांदळाचे पीठ
• २ चमचे रवा
• तेल तळण्यासाठी

ऊसाचा रस प्यायला अजिबात आवडत नाही? मग कडाक्याच्या उन्हाळ्यात झटपट घरी बनवा थंडगार गुळाचे सरबत, नोट करा रेसिपी

कृती

• सर्वप्रथम रावस माशाचे तुकडे स्वच्छ धुवून घ्या. अतिरिक्त पाणी निथळून मासे एका भांड्यात ठेवा.
• एका बाऊलमध्ये लाल तिखट, हळद, गरम मसाला, आलं-लसूण पेस्ट, लिंबाचा रस आणि मीठ एकत्र मिसळा.
• तयार मसाला माशांच्या तुकड्यांना व्यवस्थित लावा. प्रत्येक तुकड्यावर मसाला चांगला मुरला पाहिजे. हे मासे किमान ३० मिनिटे झाकून ठेवा.
• एका प्लेटमध्ये तांदळाचे पीठ आणि रवा मिसळून घ्या. मुरवलेले मासे या मिश्रणात हलकेच घोळवा.
• कढईमध्ये तेल गरम करा. तेल मध्यम आचेवर गरम झाल्यावर माशाचे तुकडे सावधपणे सोडा.
• दोन्ही बाजूंनी सोनेरी आणि कुरकुरीत होईपर्यंत मासे तळून घ्या.
• तयार रावस फिश फ्राय गरमागरम कांदा, लिंबाच्या फोडी आणि हिरव्या चटणीसोबत सर्व्ह करा.