स्ट्रीट फूड लव्हर्ससाठी खास! घरी बनवा टेस्टी ‘पनीर स्लाइडर’, होम पार्टीसाठी परफेक्ट पर्याय

Paneer Sliders Recipe : पनीर स्लाइडर्स एक फेमस आणि लोकप्रिय भारतीय फ्यूजन डिश आहे. लादीपावात मसालेदार पनीरची स्टफींग, चटण्या आणि चीज घालून तयार केलेली ही डिश चवीला अप्रतिम लागते आणि दिसायलाही आकर्षक दिसते.

• पनीर स्लायडर्स एक टेस्टी फ्यूजन डिश आहे.
• ही डिश संध्याकाळच्या नाश्त्यासाठी किंवा पार्टी स्नॅक्ससाठी एक उत्तम पर्याय ठरते.
• पनीर स्लायडर्स फार सोपी डिश असून तुम्ही घरीच तयार करुन याचा आस्वाद घेऊ शकता.

पनीर स्लायडर्स ही एक अशी आधुनिक आणि फ्युजन रेसिपी आहे जी पारंपरिक भारतीय चवीला वेस्टर्न स्टाईलमध्ये सादर करते. लहान आकाराचे हे बर्गर दिसायला आकर्षक आणि खायला अतिशय स्वादिष्ट असतात. विशेषतः पार्टी, किटी, वाढदिवस किंवा संध्याकाळच्या स्नॅक्ससाठी हे उत्तम पर्याय ठरतात. पनीर हा प्रोटीनचा चांगला स्रोत असल्यामुळे ही डिश चवदार तर आहेच, पण पौष्टिक देखील आहे. त्यातच घरच्या घरी सहज उपलब्ध असणाऱ्या साहित्यांपासून हे स्लायडर्स तयार करता येतात, त्यामुळे बाहेरच्या फास्टफूडवर अवलंबून राहण्याची गरज नाही.

Recipe : अक्षयतृतीयानिमित्त घरी बनवा रसाळ, चविष्ट आणि गोड चवीची ‘गुलाब रसमलाई’

लहान मुलांपासून मोठ्यांपर्यंत सर्वांना आवडेल अशी ही डिश आहे. विशेष म्हणजे, तुम्ही तुमच्या आवडीनुसार त्यात बदलही करू शकता, जसं की चीज वाढवणं, स्पायसी फ्लेवर देणं किंवा हेल्दी बनवण्यासाठी होल व्हीट बन वापरणं. चला तर मग, घरीच चविष्ट आणि आकर्षक पनीर स्लायडर्स कसे बनवायचे याची रेसिपी जाणून घेऊया.

साहित्य : 

• लादीपाव: ६-८
• पनीर: २०० ग्रॅम (लहान तुकडे किंवा किसलेले)
• कांदा: १ मध्यम (बारीक चिरलेला)
• ढोबळी मिरची :१ मध्यम (बारीक चिरलेली)
• बटर: २-३ टेबलस्पून
• तेल: १ टेबलस्पून
• शेजवान सॉस किंवा पिझ्झा पास्ता सॉस: २ टेबलस्पून
• मेयोनेझ : १ टेबलस्पून (ऑप्शनल)
• चीज स्लाईस किंवा किसलेले मोझरेला चीज: आवश्यकतेनुसार
• मसाले: लाल तिखट – १/२ टीस्पून
• ओरेगॅनो : १ टीस्पून
• चिली फ्लेक्स : १/२ टीस्पून, मीठ – चवीनुसार
• हिरवी चटणी: २ टेबलस्पून

हवामानातील बदलांमुळे वारंवार आजारी पडता? रोगप्रतिकारशक्ती वाढवण्यासाठी आहारात करा टोमॅटो रसमचा समावेश

 कृती :

• सर्वप्रथम पॅनमध्ये तेल आणि बटर गरम करा. त्यात चिरलेला कांदा आणि ढोबळी मिरची २-३ मिनिटे परतून घ्या (थोडी क्रंची ठेवा).
• आता त्यात पनीरचे तुकडे, शेजवान सॉस, लाल तिखट, ओरेगॅनो, चिली फ्लेक्स आणि चवीनुसार मीठ घाला. सर्व
• नीट मिक्स करा आणि २-३ मिनिटे शिजवा. गॅस बंद करा.
• लादी पाव (Sliders) मधोमध कापून घ्या. खालच्या भागावर हिरवी चटणी आणि वरच्या भागावर मेयोनेझ लावा.
• पावाच्या खालच्या भागावर तयार पनीर स्टफिंग ठेवा. त्यावर चीज स्लाईस किंवा किसलेले चीज टाका आणि वरून दुसरा पाव ठेवा.
• एका पॅनमध्ये बटर गरम करा. स्लाइडर्स पॅनमध्ये ठेवून मंद आचेवर झाकण ठेवून चीज वितळेपर्यंत (सुमारे २-३ मिनिटे) टोस्ट करा.
• गरम आणि चीजी पनीर स्लाइडर्स टोमॅटो केचपसोबत सर्व्ह करा.