गर्भाशयाच्या मुखाला ‘या’ कारणांमुळे येते सूज! शरीरात दिसणाऱ्या लक्षणांकडे दुर्लक्ष केल्यास वाढेल गंभीर आजारांचा धोका

गर्भाशयाच्या मुखाला सूज आल्यानंतर महिलांच्या शरीरात अनेक वेगवेगळी लक्षणे दिसू लागतात. ही लक्षणे वेळीच ओळखून आरोग्याची काळजी घेणे फार गरजेचे आहे. जाणून घ्या सविस्तर.

गर्भाशयाच्या मुखाला सूज कशामुळे येते?
गर्भाशयाच्या मुखाला सूज आल्यानंतर दिसून येणारी लक्षणे?
नाजूक अवयवांची स्वच्छता राखणे का आवश्यक आहे?

कामाची धावपळ, कौटुंबिक जबाबदाऱ्या, मानसिक तणाव, आहारात निर्माण झालेली पोषक घटकांची कमतरता, शरीरातील हार्मोन्सचे वाढते असंतुलन इत्यादी अनेक गोष्टींचा परिणाम महिलांच्या आरोग्यावर लगेच दिसून येतो. बऱ्याचदा शरीरात होणाऱ्या बदलांकडे महिला लक्ष देत नाहीत. मात्र सुरुवातीच्या दिवसांमध्ये दिसून येणारे हेच सामान्य बदल आरोग्य बिघडण्यास कारणीभूत ठरतात. वयाच्या चाळीसाव्या वर्षानंतर महिलांच्या शरीरात असंख्य बदल होतात. मासिक पाळीत होणाऱ्या बदलांमुळे शरीरसंबंधित अनेक गंभीर समस्या उद्भवतात. महिलांच्या शरीरातील नाजूक अवयवांमध्ये होणाऱ्या बदलांकडे सुरुवातीच्या दिवसांमध्ये अजिबात लक्ष दिले जात नाही. पण कालांतराने अतिशय गंभीर समस्या उद्भवतात.(फोटो सौजन्य – istock)

Heat Stroke: वाढत्या उन्हाळ्यात कोणत्याही क्षणी हिट स्ट्रोकने जाईल जीव, उष्माघातापासून बचाव करण्यासाठी अशी घ्या काळजी

बऱ्याचदा अतिशय छोट्या वाटणाऱ्या समस्या मोठ्या आजारांचे कारण बनतात. डॉक्टरांच्या मते, महिलांमध्ये दिसून येणाऱ्या सामान्य समस्येचे निदान वेळीच होणे आवश्यक आहे. आज आम्ही तुम्हाला गर्भाशयाच्या मुखाला कोणत्या कारणांमुळे सूज येते? सूज आल्यानंतर शरीरात कोणते गंभीर लक्षणे दिसून येतात? याबद्दल सविस्तर माहिती सांगणार आहोत. त्यामुळे तुमच्या शरीरात सुद्धा ही लक्षणे दिसू लागल्यास तातडीने डॉक्टरांच्या सल्ल्याने उपचार करणे आवश्यक आहे.

सर्विक्सला सूज कशामुळे येते?

सर्विक्स हा वजायनाला युटेरसशी जोडणारा महिलांच्या शरीरातील अतिशय महत्वाचा भाग आहे. या भागाला सूज आल्यानंतर शरीरात गंभीर लक्षणे दिसू लागतात. सूज आलेल्या भागाला सर्वाइकल इंफ्लेमेशन असे म्हणतात. याची लक्षणे काहीवेळा अतिशय सौम्य असतात. त्यामुळे सुरुवातीच्या दिवसांमध्ये काहीच वाटत नाही. पण कालांतराने लक्षणे आणखीनच तीव्र होतात आणि आरोग्य बिघडून जाते. क्लॅमिडिया आणि गोनोरिया सारखे वजायनाचे संसर्गजन्य आजार झाल्यानंतर गर्भाशयाच्या मुखाला सूज येण्याची जास्त शक्यता असते.

गर्भाशयाच्या मुखाला सूज आल्यानंतर दिसून येणारी लक्षणे:

• वजायनातून जास्त प्रमाणात डिस्चार्ज होणे
• दुर्गंधी येणे
• लैंगिक संबंधांदरम्यान वेदना होणे
• पेल्विक भागात सतत दुखणे
• लघवी करताना जळजळ होणे
• पीरियड्सच्या मध्ये रक्तस्राव होणे, यांसारखी लक्षणे दिसू लागल्यास तातडीने डॉक्टरांचा सल्ला घेऊन उपचार करावेत.

केसगळती होईल कायमची बंद! जेवणानंतर नियमित खा ‘या’ बियांपासून बनवलेला चमचाभर मुखवास, महिनाभरात होईल केसांची वाढ

वजायनामध्ये चांगले आणि वाईट बॅक्टेरियांचे संतुलन असते. मात्र हे संतुलन बिघडल्यानंतर बॅक्टेरियल वेजिनोसिस होतो. ज्याच्या परिणामामुळे गर्भाशयाच्या मुखाला सूज येते. तसेच योग्य वेळी उपचार न झाल्यास आरोग्यासंबंधित गंभीर समस्या उद्भवू शकतात. कॉन्ट्रासेप्टिव्ह, स्पर्मिसाइड्स, डूशिंग किंवा सुगंधी इंटिमेट प्रोडक्ट्स वापरल्यामुळे सुद्धा नाजूक अवयवांचे आरोग्य बिघडून जाते. याशिवाय काहीवेळा महिलांच्या शरीरात होणाऱ्या हार्मोन्सच्या असंतुलनामुळे नाजूक अवयवांचे आजार होण्याची जास्त शक्यता असते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.