विटा-सिमेंट नाही! स्वित्झर्लंडमध्ये 3D तंत्रज्ञानाने बनवण्यात जगातील सर्वात उंच टॉवर; फार अद्भुत आहे याची रचना
जगभरात फिरण्यासाठीची अनेक ठिकाणे आहेत. जेव्हा जेव्हा परदेशी पर्यटनाचा विषय निघतो सर्वांच्या मनात स्वित्झर्लंडचे नाव पाहिले येते. स्वित्झर्लंड पर्यटनाचे एक फेमस ठिकाण आहे. दरवर्षी हजारो पर्यटक या ठिकाणाचा भेट द्यायला जात असतात. अनेक बॉलिवूड चित्रपटांचे चित्रीकरण देखील या ठिकाणी झाले आहे. अशात लहानांचे काय तर मोठ्यांसाठीही हे ठिकाण म्हणजे एक स्वर्गच आहे! इथले फोटोज आणि व्हिडिओज नेहमीच इंटरनेटवर ट्रेंड करत असतात.
त्यातच आता स्वित्झर्लंडमध्ये अभियांत्रिकीचा एक अद्भुत चमत्कार पाहायला मिळाला आहे. वास्तविक स्वित्झर्लंडच्या मुलेग्न्स गावात जगातील सर्वात उंच 3D प्रिंटेड टॉवर टोर अल्वा बांधण्यात आला आहे. तो पर्यटकांसाठी आकर्षणाचे केंद्र बनला आहे. तुम्हाला हे जाणून आश्चर्य वाटेल की या गावाची एकूण लोकसंख्या 12 लोक आहे. या टॉवरची अनोखी रचना त्याला आणखीनच खास बनवते, हे एका केकप्रमाणे दिसते. या टॉवरची खासियत काय आहे ते आज आपण या लेखात जाणून घेणार आहोत.
हा टॉवर पाहण्यास खूप सुंदर आहे
आम्ही तुम्हाला सांगतो की घनदाट पर्वत आणि हिरवळीच्या मध्ये बांधलेला हा पांढरा टॉवर केवळ दिसायलाच सुंदर नाही तर तो बांधण्याची पद्धतही अद्भुत आहे. सुमारे 30 मीटर उंच असलेल्या या टॉवरमध्ये, सर्पिल पायऱ्या चढून तुम्हाला वास्तुकला आणि डिझाइन जवळून पाहण्याची संधी मिळेल. जर तुम्हाला स्वित्झर्लंडच्या प्रसिद्ध पर्यटन स्थळांव्यतिरिक्त काहीतरी नवीन एक्सप्लोर करायचे असेल तर तुमच्या प्रवास यादीत टोर अल्वाचा समावेश नक्कीच करा.
टोर अल्वाची खासियत
टोर अल्वाची एकूण उंची अंदाजे ३० मीटर (सुमारे ९८ फूट) आहे. हा जगातील सर्वात उंच थ्रीडी प्रिंटेड टॉवर आहे. टॉवरला एक सर्पिल जिना आहे जो वरच्या बाजूला असलेल्या घुमटाकार थिएटरकडे जातो . या थिएटरमध्ये ३२ ते ४५ लोक बसू शकतात. हा टॉवर पूर्णपणे भार सहन करणारी ३D प्रिंटेड रचना आहे, म्हणजेच तो कोणत्याही सपोर्ट बीम किंवा ग्रिडशिवाय त्याचे सर्व भार स्वतःवर उचलतो. हे उचलता येते आणि कुठेही हलवता येते. उंचावर बसून इथून पर्वतांचे सुंदर दृश्य पाहता येते.
हा टॉवर कसा बांधला गेला?
ते बांधण्यासाठी, ETH झुरिचच्या अभियंते आणि वास्तुविशारदांनी विशेष तंत्रज्ञानाचा वापर केला. सुमारे २५०० थरांमध्ये रोबोटिक ३डी प्रिंटिंग वापरून हा टॉवर बांधण्यात आला आहे. या तंत्रज्ञानात स्टीलच्या रिंग्ज आणि उभ्या रॉडचा देखील वापर करण्यात आला आहे.
२३ मे पासून मार्गदर्शित टूर सुरू झाले
माहितीनुसार, हा टॉवर प्रिंट करण्यासाठी आणि असेंबल करण्यासाठी सुमारे ९०० तास लागले. याचाच अर्थ याचे संपूर्ण काम ५ महिन्यांत पूर्ण झाले. पर्यटक या टॉवरला भेट देऊ शकतात. २३ मे पासून इथे मार्गदर्शित टूर देखील सुरु केली जाईल. जुलै पासून नाट्यप्रदर्शन देखील सुरू होईल असे सांगण्यात येत आहे. आम्ही तुम्हाला सांगतो की, हे ठिकाण झुरिचपासून सुमारे ८० किलोमीटर अंतरावर आहे.
.png "Videos"){kind=small}
