रात्री खाल्लेल्या ‘या’ पदार्थांमुळे वाढतो फॅटी लिव्हरचा धोका, इन्सुलिनची पातळी वाढून शरीराचे होईल गंभीर नुकसान

फॅटी लिव्हरसारख्या गंभीर आजारापासून बचाव करण्यासाठी रात्रीच्या वेळी या पदार्थांचे अजिबात सेवन करू नये. रात्री खाल्ले पदार्थ शरीरावर थेट परिणाम करतात. जाणून घ्या फॅटी लिव्हरची लक्षणे.

• फॅटी लिव्हरची गंभीर लक्षणे?
• कोणत्या सवयींमुळे फॅटी लिव्हरची समस्या उद्भवते?
• फॅटी लिव्हरचा त्रास टाळण्यासाठी कोणत्या पदार्थांचे सेवन करावे?

धावपळीची जीवनशैली, कामाचा वाढलेला तणाव, आहारात होणारे बदल, पोषक घटकांचा अभाव, पाण्याची कमतरता, अपुरी झोप इत्यादी अनेक गोष्टींचा परिणाम शरीरावर लगेच दिसून येतो. दीर्घकाळ निरोगी राहण्यासाठी शरीरातील सर्वच लहान मोठे अवयव कायम निरोगी असणे आवश्यक आहे. अन्यथा शरीराच्या कार्यात अडथळे निर्माण होतात. जेवणात खाल्ले पदार्थ कळतनकळत शरीरावर गंभीर परिणाम करतात. त्यामुळे आहारात कायमच जंक फूड, तेलकट किंवा तिखट पदार्थांचे अतिसेवन करू नये. शरीरासाठी लिव्हर अतिशय महत्वाचे आहे. कारण शरीरातील विषारी घटक बाहेर काढून टाकण्यासाठी मदत करते. याशिवाय लिव्हर ५० पेक्षा अधिक कामे करते. त्यामुळे लिव्हर कायमच निरोगी असणे महत्वाचे आहे. लिव्हरच्या कार्यात अडथळे निर्माण झाल्यानंतर शरीरातील घाण बाहेर पडून जाण्याऐवजी शरीरात तशीच साचून राहते.(फोटो सौजन्य – istock)

सांध्यांमधून कायमच कटकट आवाज येतो? ‘या’ तेलाने करा संपूर्ण शरीराला मालिश, ५ मिनिटांमध्ये मिळेल कायमचा आराम

लिव्हरमध्ये साचून राहिलेल्या घाणीचा परिणाम संपूर्ण शरीराच्या कार्यावर होतो. फॅटी लिव्हर, लिव्हर सोरायसिस, लिव्हर कॅन्सर इत्यादी गंभीर आजार होतात. लिव्हरसबंधित गंभीर आजाराची लागण झाल्यानंतर शरीरात विषारी घटक तसेच साचून राहतात, ज्यामुळे इतर आजारांची लागण होते. रात्री जेवणानंतर किंवा जेवणनधी अनेकांना गोड किंवा तिखट पदार्थ खाण्याची सवय असते. हे पदार्थ शरीरासाठी अतिशय घातक ठरतात. म्हणूनच आज आम्ही तुम्हाला रात्रीच्या वेळी कोणत्या पदार्थांचे सेवन अजिबात करू नये, याबद्दल सविस्तर माहिती सांगणार आहोत. या पदार्थांचे नियमित सेवन केल्यास शरीराला अनेक तोटे होतील.

रात्री कोणते पदार्थ खाणे टाळावेत?

रात्रीच्या तळलेल्या पदार्थांचे अजिबात सेवन करू नये. कारण या पदार्थांमध्ये तेलाचे प्रमाण जास्त असते, ज्यामुळे लिव्हरमध्ये अनावश्यक चरबी साचून राहते. समोसे, पुरी, पकोडे किंवा तळलेले भात खाल्ल्यामुळे लिव्हरच्या कार्यात अनेक अडथळे निर्माण होतात. जेवणानंतर सगळ्यांचं गोड पदार्थ खायला खूप आवडतात. गोड पदार्थांचे सेवन केल्याशिवाय अजिबात झोप येत नाही. पण असे न करता रात्री अजिबात गोड पदार्थ खाऊ नये. अतिगोड पदार्थांचे सेवन केल्यामुळे रक्तातील साखरेची पातळी झपाट्याने वाढते आणि मधुमेह होण्याची शक्यता असते.

लिव्हरचे आजार प्रामुख्याने अल्कोहोल किंवा सोडा प्यायल्यामुळे होतात. सतत दारूचे सेवन केल्यामुळे लिव्हर खराब होऊन पोटात पाणी होते. यामुळे पोटाला सूज येणे किंवा पोटात तीव्र वेदना होऊ लागतात. रात्रीच्या वेळी अन्नपदार्थ पचन होण्यासाठी जास्तीचा वेळ लागतो. त्यामुळे जास्त मसालेदार किंवा तळलेले मांसाहारी पदार्थ अजिबात खाऊ नये. यामुळे पचनक्रिया मंदावते. तसेच जेवल्यानंतर लगेच झोपू नये. झोपल्यानंतर खाल्ले अन्नपदार्थ पचन होत नाही, ज्यामुळे ऍसिडिटी वाढते.

Health Care : तुम्हाला सतत अ‍ॅसिडीटी होतेय का ? मग लाईफस्टाईलमधल्या ‘या’ छोट्या चुका आजच टाळा

फॅटी लिव्हरची शरीरात दिसून येणारी लक्षणे:

• पोटाच्या उजव्या बाजूला सौम्य वेदना किंवा जडपणा जाणवणे
• थकवा आणि अशक्तपणा वाटणे
• भूक न लागणे
• अचानक वजन वाढणे किंवा कमी होणे
• त्वचा आणि डोळ्यांचा पिवळापणा

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.