चविष्ट सारण अन् कुरकुरीत ब्रेड… यंदाच्या पावसाळ्यात ‘ब्रेड पकोडा’ बनवून खाल्ला की नाही? सोपी रेसिपी नोट करा

Bread Pakora Recipe : पावसाच्या थंड वातावरणात कुरकुरीत आणि गरमा गरम पदार्थ खायला फार छान लागतात आणि कुटूंबाला खुशही करतात. अजूनही घरी बनवलं नसेल तर आजच रेसिपी फॉलो करून घरी बनवा चविष्ट ब्रेड पकोडा!

पावसाळ्यात किंवा थंड हवामानात गरमागरम पकोडे खाण्याची मजाच काही और असते. अशा वेळी ब्रेड पकोडा हा एक अतिशय सोपा, झटपट आणि चविष्ट पर्याय आहे. बाहेरून कुरकुरीत आणि आतमध्ये चविष्ट सारण भरून तयार केलेला ब्रेड पकोडा अनेकांच्या आवडीचा आहे. चहा बरोबर खाण्यासाठी हा एक उत्तम नाश्ता आहे.

सकाळचा नाश्ता जरा हेल्दी होऊन जाऊद्यात; घरी बनवा पौष्टिक पण चवदार असा कुरकुरीत रागी डोसा

सकाळी अथवा संध्याकाळच्या नाश्त्यासाठी तुम्ही हा पदार्थ बनवून याचा आस्वाद घेऊ शकता. बाजारातही हा चविष्ट विकत मिळतो पण पावसाळ्यात बाहेरचे अन्नपदार्थ आपल्या आरोग्यासाठी धोका निर्माण करू शकतात अशात घरीच तुम्ही सोप्या पद्धतीचे हा चविष्ट नाश्ता बनवून सर्वांना खुश करू शकता. याची चव अप्रतिम लागते आणि पावसाळ्यात तर याला खाण्याची मजा आणखीनच द्विगुणित होते. चला जाणून घेऊया यासाठी लागणारे साहित्य आणि कृती.

साहित्य

पकोड्यासाठी:

• ब्रेड स्लाइस – 6 (पांढरे किंवा ब्राउन ब्रेड)
• बटाटे – 3 मध्यम (उकडून कुस्करलेले)
• हिरव्या मिरच्या – 2 (बारीक चिरून)
• आले – 1/2 टीस्पून (किसलेले किंवा पेस्ट)
• हळद – 1/4 टीस्पून
• लाल तिखट – 1/2 टीस्पून
• जिरे – 1/2 टीस्पून
• आमचूर पावडर / लिंबू रस – 1 टीस्पून
• कोथिंबीर – 2 टेबलस्पून (बारीक चिरलेली)
• मीठ – चवीनुसार
• तेल – शेकण्यासाठी

पीठासाठी:

• बेसन – 1 कप
• हळद – 1/4 टीस्पून
• तिखट – 1/2 टीस्पून
• हिंग – चिमूटभर
• बेकिंग सोडा – 1 चिमूट (ऐच्छिक, कुरकुरीत होण्यासाठी)
• मीठ – चवीनुसार
• पाणी – आवश्यकतेनुसार

श्रावणातील उपवासाच्या दिवशी घरी बनवा कुरकुरीत रताळ्याचे काप, घरातील सगळ्यांचं आवडेल पदार्थ

कृती:

• ब्रेड पकोडा तयार करण्यासाठी सर्वप्रथम एका पॅनमध्ये थोडं तेल गरम करा.
• त्यात जिरे, मिरच्या, आले घालून परता. नंतर त्यात हळद, तिखट, कुस्करलेले बटाटे, मीठ, आमचूर पावडर (किंवा लिंबू रस) आणि कोथिंबीर घालून सर्व एकत्र करा. 2-3 मिनिटे परतून गॅस बंद करा.
• ब्रेड स्लाइसला त्रिकोण आकारात कापून घ्या. एका स्लाइसवर बटाट्याचं सारण लावा आणि त्यावर दुसरी स्लाइस ठेवून हलक्या हाताने दाबा.
• एका भांड्यात बेसन, हळद, तिखट, हिंग, मीठ, थोडंसं बेकिंग सोडा आणि पाणी घालून मध्यमसर घट्ट पीठ बनवा. गाठी नकोत.
• कढईत तेल गरम करा. तयार ब्रेड स्लाइस बेसनाच्या पिठात बुडवून गरम तेलात तळा. दोन्ही बाजूंनी सोनेरी रंग येईपर्यंत कुरकुरीत तळून घ्या.
• गरमागरम ब्रेड पकोडे हिरवी चटणी, चिंच-गुळाची चटणी किंवा टोमॅटो सॉससोबत सर्व्ह करा.
• ब्रेड थोडा जुना असेल तर पकोडे कुरकुरीत होतात.
• तुम्ही ब्रेडमध्ये चीज, स्वीट कॉर्न किंवा पनीर भरून यात एक वेगळी स्टफिंग देखील भरू शकता.
• शक्यतो हा ब्रेड पकोडा गरमा गरमच खावा, गरम याची चव छान लागते.