यंदाच्या विकेंडला घरी बनवा तोंडाला पाणी आणणारा मसालेदार Chicken Keema; फार सोपी आहे रेसिपी

विकेंडचा दिवस जवळ येत आहे अशात आज आम्ही तुमच्यासाठी चिकनची एक चविष्ट आणि लज्जतदार अशी रेसिपी घेऊन आलो आहोत जी सर्वांच्याच आवडीची आहे. चिकन किमा हा एक शाही पदार्थ आहे जो फार जुन्या काळापासून बनवला जात आहे.

विकेंडचा दिवस जवळ येत आहे अशात अनेकांच्या घरी या दिवशी नॉनव्हेज बनवण्याचा प्लॅन बनतो. आता आम्ही तुम्हाला सांगतो की, नेहमी तीच तीच चिकनची भाजी खाऊन कंटाळला असाल तर यंदा घरी चिकनचा टेस्टी आणि मसालेदार किमा बनवून पहा. फार जुन्या काळापासून हा पदार्थ बनवला जात आहे. अनेकांना याची चव फार आवडते अशात तुम्ही अजूनही जर याची चव चाखली नसेल तर यंदाच्या विकेंडला घरी चिकन किमाची रेसिपी होऊनच जाऊद्यात.

Father’s Day 2025: वडिलांना खुश करा, घरी बनवा टेस्टी अँड हेल्दी Wholewheat Chocolate Chip Cookies

चिकन कीमा ही एक झणझणीत, मसालेदार आणि अत्यंत स्वादिष्ट डिश आहे जी मुख्यतः बारीक चिरलेलं किंवा कापलेलं चिकन (कीमा) वापरून बनवली जाते. ही रेसिपी नाश्त्याला पराठ्यासोबत, जेवणात भातासोबत किंवा पावासोबत खाल्ली जाते. पार्टीसाठी किंवा खास संधीसाठी बनवायला ही एक परफेक्ट रेसिपी आहे. कमी वेळात जास्त चविष्ट काही हवं असेल तर चिकन कीमा उत्तम पर्याय आहे. चला जाणून घेऊया यासाठी लागणारे साहित्य आणि कृती.

साहित्य

• चिकन कीमा – ५०० ग्रॅम
• कांदे – २ मध्यम, बारीक चिरलेले
• टोमॅटो – २ मध्यम, बारीक चिरलेले
• आले-लसूण पेस्ट – १.५ टेबलस्पून
• हिरवी मिरची – २, चिरलेली
• तेल – ३ टेबलस्पून
• हळद – ½ टीस्पून
• लाल तिखट – १ टीस्पून (चवीनुसार)
• गरम मसाला – ½ टीस्पून
• धने-जिरे पूड – १ टीस्पून
• मीठ – चवीनुसार
• कोथिंबीर – बारीक चिरून, सजावटीसाठी
• लिंबाचा रस – १ टेबलस्पून (ऐच्छिक)

पालकची भाजी खायला आवडत नाही? मग सोप्या पद्धतीमध्ये लहान मुलांच्या डब्यासाठी बनवा पालक चीज कॉर्न टोस्ट

कृती

• चिकन किमा बनवण्यासाठी सर्वप्रथम कढईत तेल गरम करा. त्यात बारीक चिरलेला कांदा घालून सोनेरी रंग येईपर्यंत परतून घ्या.
• आता आले-लसूण पेस्ट आणि हिरवी मिरची घालून सुवास येईपर्यंत परता.
• त्यात टोमॅटो, हळद, लाल तिखट, धने-जिरे पूड आणि मीठ घालून मिक्स करा. टोमॅटो मऊ होईपर्यंत शिजवा.
• मसाला तयार झाला की त्यात चिकन कीमा घाला आणि नीट मिक्स करा. ५-७ मिनिटं मध्यम आचेवर परता.
• नंतर झाकण ठेऊन कीमा १०-१५ मिनिटं शिजवा. मध्ये मध्ये ढवळत रहा.
• शेवटी गरम मसाला आणि बारीक चिरलेली कोथिंबीर घाला.
• तुम्हाला हवं असल्यास तुम्ही यात लिंबाचा रसही घालू शकता
• गरमागरम कीमा पाव, पराठा किंवा भातासोबत सर्व्ह करा.
• तुम्ही यामध्ये बटाटे, मटार किंवा अंडी देखील घालू शकता.
• मसाला अधिक झणझणीत हवा असेल तर तिखट वाढवा किंवा मिरची पेस्ट वापरा.