वाढत्या वयात चेहऱ्यावर आलेल्या सुरकुत्या कमी करण्यासाठी नियमित लावा होममेड फेसपॅक, त्वचा होईल अधिक तरुण

त्वचेला सूट न होणाऱ्या प्रॉडक्टचा वापर त्वचेसाठी केल्यास चेहरा खराब होण्याची जास्त शक्यता असते. वयाच्या तिशीमध्ये अनेक महिला वृद्ध दिसू लागतात. चेहऱ्यावर आलेल्या सुरकुत्या, वांग इत्यादींमुळे त्वचा अतिशय खराब दिसू लागते. याशिवाय त्वचा सैल झाल्यानंतर चेहऱ्यावर वेगवेगळे प्रॉडक्ट लावले जातात. मात्र यामुळे त्वचेमध्ये फारसा बदल दिसून येत नाही. त्यामुळे आज आम्ही तुम्हाला सैल झाली त्वचा पुन्हा तरुण ठेवण्यासाठी घरगुती पदार्थांचा वापर करून फेसपॅक बनवण्याची सोपी कृती सांगणार आहोत. हा फेसपॅक आठवड्यातून दोनदा लावल्यास त्वचा अधिक तरुण राहील.

काकडी फेसपॅक:

उन्हाळ्याच्या दिवसांमध्ये काकडीचे रोज सेवन करावे. काकडीमध्ये भरपूर पाणी असते, ज्यामुळे त्वचा अधिक हायड्रेट आणि तरुण राहते. काकडी फेसपॅक तयार करण्यासाठी सर्वप्रथम, काकडीची पेस्ट बनवून त्यात दही टाकून पेस्ट तयार करा. तयार करून घेतलेली पेस्ट संपूर्ण चेहऱ्यावर आणि मानेवर 15 मिनिटं लावून ठेवा. त्वचा थंड झाल्यानंतर चेहरा पाण्याने स्वच्छ करून घ्या.हा फेसपॅक तुम्ही नियमित सुद्धा वापरू शकता. काकडी फेसपॅकचा वापर त्वचेसाठी अतिशय प्रभावी ठरेल.

पांढऱ्या केसांना मुळापासून काळे करायचे आहे? मग नारळाच्या तेलात ‘ही’ गोष्ट मिसळून मसाज करा; रामबाण उपाय

बेसन फेसपॅक:

बेसनमध्ये असलेले गुणधर्म त्वचेवरील डाग आणि मुरुमांच्या समस्येपासून आराम मिळवून देण्यासाठी मदत करतात. याशिवाय त्वचेवर बेसन लावल्यामुळे त्वचा अधिक उजळदार आणि सुंदर दिसते. यासाठी वाटीमध्ये बेसन घेऊन त्यात दही आणि गुलाब पाणी टाकून पातळ पेस्ट करून घ्या. पेस्ट तयार करून झाल्यानंतर संपूर्ण मिश्रण चेहऱ्यावर लावा. यामुळे त्वचा घट्ट होईल आणि त्वचा अधिककाळ तरुण दिसेल. फेसपॅक 15 मिनिटं ठेवल्यानंतर पाण्याने स्वच्छ धुवून घ्या. यामुळे तुमची त्वचा उजळदार आणि सुंदर दिसेल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या