ओठांवर जमा झालेली डेड स्किन काढून टाकण्यासाठी साखर मधाचा ‘या’ पद्धतीने करा वापर, ओठ होतील चमकदार

ओठांवर जमा झालेली डेड स्किन नष्ट करण्यासाठी मध आणि साखरेचा लीप मास्क बनवून ओठांवर लावावा. यामुळे ओठांवर जमा झालेली कोरडी त्वचा नष्ट होईल आणि ओठ सुंदर दिसतील.

सर्वच महिलांसह पुरुषसुद्धा त्वचेची खूप जास्त काळजी घेतात. पण ओठांच्या आरोग्याकडे अजिबात लक्ष दिले जात नाही. वारंवार लिप्स्टिक किंवा लिपबाम लावल्यामुळे ओठांवरील त्वचा निस्तेज आणि फाटल्यासारखी दिसते. ओठांवर जमा झालेल्या डेड स्किनमुळे काळेपणा वाढतो. त्यामुळे ओठांच्या आरोग्याकडे लक्ष देणे सुद्धा तितकेच आवश्यक आहे. ओठांचे सौंदर्य कमी झाल्यानंतर ते पुन्हा सुधारण्यासाठी महिला सतत काहींना काही करत राहतात. कधी लिपमास्क लावला जातो तर कधी बाजारात उपलब्ध असलेल्या वेगवेगळ्या लीप केअर प्रॉडक्टचा वापर करून ओठांची काळजी घेतली जाते. पण यामुळे काहीकाळ ओठ अतिशय चमकदार आणि सुंदर दिसतात. पण कालांतराने पुन्हा एकदा ओठ होते तसेच होऊन जातात. म्हणूनच आज आम्ही तुम्हाला ओठांवर जमा झालेली डेड स्किन कमी करण्यासाठी साखर आणि मधाचा वापर कशा पद्धतीने करावा, याबद्दल सविस्तर माहिती सांगणार आहोत. चला तर जाणून घेऊया.(फोटो सौजन्य – istock)

वारंवार पिंपल्स येणे फक्त घाणीचे लक्षण नसून असू शकते ‘या’ आजारांचे संकेत, वेळीच ओळखा आणि जीव वाचवा

शरीरात निर्माण झालेली पाण्याची कमतरता, पोषक घटकांचा अभाव इत्यादी अनेक गोष्टींचा परिणाम ओठांवर लगेच दिसून येतो. त्यामुळे दैनंदिन आहारात भरपूर विटामिन असलेल्या पदार्थांचे सेवन करावे. याशिवाय शरीर हायड्रेट ठेवण्यासाठी पाण्याचे सेवन करणे आवश्यक आहे. पाण्याच्या सेवनामुळे आरोग्य चांगले राहते. उन्हाळ्याच्या दिवसांमध्ये त्वचेसोबतच ओठांवर सुद्धा डेड स्किन जमा होण्यास सुरुवात होते. ओठांवर जमा झालेली डेड स्किन कमी करण्यासाठी साखर आणि मधाचा वापर करावा. हा उपाय आठवडाभर नियमित केल्यास ओठांवरील डेड स्किन नष्ट होईल आणि ओठ गुलाबी सुंदर दिसतील.

ओठांवर जमा झालेली डेड स्किन कमी करण्यासाठी मोठ्या वाटीमध्ये चमचाभर मध आणि साखर घालून एकत्र मिक्स करा. तयार केलेले मिश्रण बोटांनी ओठांवर लावून २ ते ३ मिनिटं हलक्या हाताने मसाज करा. यामुळे डेड स्किन कमी होण्यास मदत होईल आणि ओठ अतिशय चमकदार दिसतील. हा उपाय आठवड्यातून दोनदा किंवा तीनदा केल्यास ओठांवर जमा झालेली डेड स्किन निघून येईल आणि ओठ चमकदार दिसतील. घरगुती उपाय केल्यामुळे ओठांचे नैसर्गिक सौंदर्य कायम टिकून राहील.

सॉफ्ट, चमकदार केसांसाठी पार्लरला जाण्याची गरज नाही, भेंडीचं पाणी देईल प्रभावी परिणाम, तुम्ही एकदा वापरून तर पहा…

साखरेमध्ये नॅचरल एक्सपोलिएटर सारखे गुणकारी घटक असतात.तर मध त्वचेचा काळवंडलेला रंग सुधारण्यास मदत करतो. साखरेचे बारीक बारीक दाणे ओठांवर वाढलेली डेड स्किन नष्ट करतात. ओठ मुळांपासून हायड्रेट आणि मुलायम करण्यासाठी मदत करतात. या दोन्ही पदार्थांचा एकत्र वापर केल्यामुळे ओठांवर जमा झालेली डेड स्किन निघून जाते. पण ओठांवर कोणता स्क्रब लावल्यानंतर जास्त वेळ मसाज करू नये. यामुळे ओठांवरील त्वचेला हानी पोहचू शकते. ओठ हायड्रेट ठेवण्यासाठी भरपूर पाणी प्यावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.