शेंगदाणे खोबऱ्याची चटणी खाऊन कंटाळा आल्यास सोप्या पद्धतीमध्ये घरी बनवा आंबट गोड अननसाची चटकदार चटणी

लहान मुलांपासून ते अगदी मोठ्यांपर्यंत सगळ्यांचं अननस खायला खूप आवडते. अननसाचे नाव घेतल्यानंतर अनेकांच्या तोंडाला पाणी सुटते. त्यामुळे आज आम्ही तुम्हाला सोप्या पद्धतीमध्ये अननसाची चटणी बनवण्याची सोपी सांगणार आहोत.

जेवणात तोंडी लावण्यासाठी घरी वेगवेगळ्या प्रकारच्या चटण्या बनवल्या जातात. शेंगदाणे चटणी, खोबऱ्याची चटणी, कैरीची चटणी किंवा इतर अनेक वेगवेगळ्या चटण्या जेवणात तोंडी लावण्यासाठी बनवल्या जातात. चटणी तुम्ही चपाती, भात किंवा भाकरीसोबत सुद्धा खाऊ शकता. चटणीचे नाव घेतल्यानंतर अनेकांच्या तोंडाला पाणी सुटते. त्यामुळे आज आम्ही तुम्हाला सोप्या पद्धतीमध्ये अननसाची चटणी बनवण्याची सोपी रेसिपी सांगणार आहोत. या पद्धतीने बनवलेली चटणी चवीला अतिशय सुंदर लागते. तसेच अननसामध्ये असलेले गुणकारी घटक आरोग्यसाठी अतिशय फायदेशीर ठरतात. अननसमध्ये विटामिन सी आणि इतर आवश्यक घटक आढळून येतात. त्यामुळे तुम्ही कोणत्याही वेळी अननसाची चटणी बनवू शकता. चला तर जाणून घेऊया अननस चटणी बनवण्याची सोपी रेसिपी.(फोटो सौजन्य – iStock)

उन्हाळ्याच्या दिवसांमध्ये सकाळच्या नाश्त्यात सोप्या पद्धतीमध्ये बनवा नाचणीचे सत्व, आरोग्यासाठी ठरेल पौष्टिक

साहित्य:

• अननस
• गूळ
• मीठ
• लाल तिखट
• जिऱ्याची पावडर
• काळीमिरी पावडर
• लिंबाचा रस
• आल्याचा रस
• मोहरी
• कढीपत्ता

वर्षभर टिकणारा चाट मसाला आता सोप्या पद्धतीमध्ये घरीच बनवा, फळांना लागेल चटकदार चव

कृती:

• अननसाची चटणी बनवण्यासाठी सर्वप्रथम, कढईमध्ये तेल गरम करून त्यात मोहरी टाकून भाजून घ्या. नंतर कढीपत्ता घाला.
• त्यानंतर त्यात बारीक तुकडे करून घेतलेले अननस टाकून मिक्स करा. चवीनुसार त्यात मीठ टाकून मिक्स करा.
• अननस व्यवस्थित शिजल्यानंतर त्यात काळीमिरी पावडर, लाल तिखट, जिऱ्याची पावडर आणि गूळ घालून व्यवस्थित मिक्स करा.
• अननस व्यवस्थित शिजून मऊ झाल्यानंतर त्यात लिंबाचा रस आणि आल्याचा रस टाकून मिक्स करा.
• तयार आहे सोप्या पद्धतीमध्ये बनवलेली अननसाची चटणी. ही चटणी अधिककाळ व्यवस्थित टिकून राहते.