सिगारेट न पिता काळे झालेले ओठ सुधारण्यासाठी ‘हे’ घरगुती उपाय नक्की करा ट्राय, ओठ होतील गुलाबी

मध साखरेचा स्क्रब:

साखरेमध्ये असलेले गुणधर्म ओठांच्या आरोग्यासाठी प्रभावी ठरतात. ओठांवर वाढलेला काळेपणा कमी करण्यासाठी तुम्ही साखरेचा स्क्रब ओठांवर लावू शकता. यासाठी टोपात पाणी घेऊन त्यात साखर टाकून व्यवस्थित मिक्स करा. साखर पूर्णपणे विरघळल्यानंतर त्यात मध घालून मिक्स करून घ्या. साखरेचा पाक तयार झाल्यानंतर गॅस बंद करून थंड करा. तयार केलेले मिश्रण ओठांवर लावून हलक्या हाताने मसाज करा. यामुळे ओठांवर जमा झालेली डेड स्किन निघून जाईल आणि तुमचे ओठ चमकदार, गुलाबी होतील. हा उपाय आठवड्यातून दोनदा केल्यास ओठांवर वाढलेला काळेपणा कमी होईल.

बीटचा रस:

आरोग्यासाठी बीटचा रस अतिशय प्रभावी आहे. बीटमध्ये असलेले गुणधर्म ओठ सुंदर आणि चमकदार करण्यासाठी मदत करतात. यामुळे ओठांना नैसर्गिक रंग येतो. बीटमध्ये असलेले बीटॅनिन नावाचं रंगद्रव्य ओठांवर पिगमेंटेशन कमी करून ओठ सुंदर आणि गुलाबी करण्यास मदत करते. यासाठी बीटचा ताजा रस ओठांवर रात्री झोपण्याआधी लावून ठेवा. सकाळी उठल्यानंतर पाण्याने धुवून टाका. हा उपाय आठवडाभर नियमित केल्यास ओठ चमकदार होतील.

लिंबू मधाचे मिश्रण:

त्वचेसंबंधित समस्यांपासून आराम मिळवण्यासाठी लिंबाचा वापर केला जातो. लिंबाच्या वापरामुळे ओठांवर वाढलेला काळेपणा कमी होण्यास मदत होते. यामधील नैसर्गिक ब्लीचिंग गुणधर्म काळे डाग कमी करतात. यासाठी वाटीमध्ये लिंबाचा रस घेऊन त्यात मध मिक्स करून ओठांवर लावून घ्या. यामुळे ओठांची चमक वाढेल.

‘या’ पद्धतीने जेवण बनवणे पडले दीपिका कक्कडला महागात, बेतले जीवावर; लिव्हर कॅन्सरची लक्षणे माहीत करून घ्या

गुलाबाच्या पाकळ्यांची पेस्ट:

गुलाबाच्या पाकळ्या ओठांवर नैसर्गिक सौंदर्य कायम टिकवून ठेवतात. यामुळे काळे झालेले ओठ पुन्हा उजळण्यास मदत होते. यासाठी गुलाबाच्या पाकळ्या दुधामध्ये २ तास भिजत ठेवा. त्यानंतर त्यात जाडसर पेस्ट बनवून ओठांवर लावून घ्या आणि २० मिनिटानंतर ओठ पाण्याने स्वच्छ धुवून घ्या. यामुळे ओठांवर वाढलेला काळेपणा, कोरडेपणा दूर होण्यास मदत होईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या