डोळ्यांखालील सुरकुत्यांमुळे त्रस्त आहात? ‘या’ सोप्या उपायांनी कमी करा सुरकुत्या; टाळा ‘या’ चुका!

वय वाढताना डोळ्यांखाली बारीक रेषा आणि सुरकुत्या दिसणे सामान्य आहे. मात्र, कमी वयातच हा त्रास जाणवत असेल तर त्यामागे रोजच्या जीवनातील काही सवयी कारणीभूत असू शकतात. त्वचेची योग्य काळजी घेतल्यास या सवयींकडे वेळीच लक्ष देता येते.

• कमी वयात डोळ्यांखाली सुरकुत्या येण्यामागे कोणती कारणे असू शकतात?
• मोबाईल, झोप आणि त्वचेतील हायड्रेशनचा सुरकुत्यांशी काय संबंध?
• रोजच्या कोणत्या सवयी डोळ्यांखालील बारीक रेषा वाढवू शकतात?

वाढत्या वयाबरोबरच डोळ्यांखाली सुरकुत्या येऊ लागणे फार सामान्य गोष्ट आहे. डोळ्यांखाली येणाऱ्या या बारीक रेषा लहान असल्या आपल्याला वृद्धत्वाकडे घेऊन जाण्याचे ते काम करत असतात. वय वाढले तरी साैंदर्य टिकून रहावे अशी इच्छा तर प्रत्येकाची असते. बऱ्याचदा कमी वयातच डोळ्यांखाली सुरकुत्या येऊ लागतात ज्यामुळे अनेकांच्या मनात चिंता वाढते. पण तुम्हाला माहितीये का? रोजच्या जीवनात केल्या जाणाऱ्या काही चुका खरंतर या सुरकुत्या येण्याला जबाबदार ठरत असतात. जसं की, त्वचेतील हायड्रेशनकडे लक्ष न देणे आणि डोळे लहान करुन बोलणे इ. आज या लेखात आपण असे कोणते घटक आहेत जे सुरकुत्या वाढवण्यास प्रभावी ठरतात आणि या सुरकुत्या कमी करण्यासाठी कोणते उपाय प्रभावी ठरु शकतात ते आपण सविस्तर जाणून घेऊन जाणार आहोत.

नशीब नाही, ट्रेनमध्ये ‘या’ फॉर्मुल्याने मिळते विंडो सीट! रेल्वेचा हा नियम बहुतेकांना ठाऊकच नाही

कमी वयात सुरकुत्या येण्याचे कारण?

त्वचा अत्यंत पातळ असणे
डोळ्यांखालील त्वचा ही फार नाजूक आणि पातळ असते. हेच कारण आहे की, हा भाग फार लवकर कोरडा होऊ लागतो. अशावेळी तीव्र सूर्यप्रकाश आणि वातावरणातील बदल अशा अनेक घटकांचा यावर वाईट परिणाम होत असतो आणि यामुळेच डोळ्यांखाली सुरकुत्या येण्यास सुरुवात होते.

डोळे लहान करुन बोलण्याची सवय
काही लोकांना आपले डोळे लहान करुन बोलण्याची सवय असते. याशिवाय सूर्यप्रकाशातही आपल्याला संपूर्ण डोळे उघडे करता येत नाहीत ज्यामुळे डोळे लहान करुन पहावे लागतात. याशिवाय वारंवार पापण्या उघड-बंद करणे, ज्यामुळे डोळ्यांच्या कडा बारीक होऊ लागतात आणि इतर अनेक प्रकारचे चेहऱ्यावरील हावभाव यामुळेही डोळ्यांखालील सुरकुत्या वाढतात.

त्वचेत डिहायड्रेशन वाढणे
डोळ्यांच्या आसपासची त्वचा पातळ आणि नाजूक असल्यामुळे या जागी हायड्रेशनचे प्रमाण फार कमी असते. अशात ही पाण्याची कमतरता दूर न झाल्यास डोळ्यांखाली सुरकुत्या लवकर येऊ लागतात. आपल्याला हे ध्यानात ठेवावे लागेल की, सुरकुत्या किंवा फाईन लाईन्स या कोरड्या त्वचेवर लवकर येतात.

झोप पूर्ण न होणे
जर सतत तुमची झोप पूर्ण होत नसेल तर त्वचेला रिपेअर करण्यासाठी फारचा वेळ मिळत नाही. यासोबतच झोपेच्या कमतरतेमुळे येणारा थकवा डोळ्यांखाली येणाऱ्या सुरकुत्यांना जबाबदार ठरत असतो.

स्क्रिनचा अतिवापर
जर तुम्ही दररोज स्क्रिनसमोर बसून काम करत असाल तर यामुळेही सुरकुत्या येऊ शकतात हे लक्षात घ्या. लॅपटाॅप किंवा मोबाईलचा अतिवापर आणि यातून उत्सर्जित होणारी ब्यू लाईट यामुळे ऑक्सिडेटिव्ह ताण वाढतो ज्यामुळे डोळ्यांखाली सुरकुत्या येऊ लागतात.

‘या’ फळांचे सेवन केल्यास वाढू शकतो Diabetes चा धोका, जाणून घ्या फळे खाण्याची योग्य वेळ आणि पद्धत

या सवयींमुळेही येऊ शकतात डोळ्यांखाली सुरकुत्या

• वारंवार डोळे चोळणे
• धुम्रपानाचे सेवन
• मद्यापानाचे सेवन
• झोपण्याच्या अशा सवयी ज्यामुळे चेहऱ्यावर दाब पडतो आणि तो सैल पडतो.