Lip Care: हिवाळ्यात ओठ कोरडे पडतात? ओठांवरील मऊपणा टिकवून ठेवण्यासाठी पारिजातकाच्या फुलांपासून बनवा नॅचरल लिप बाम

Lip Care: ओठांवरील नैसर्गिक चमक कायम टिकून ठेवण्यासाठी पारिजातकाच्या फुलांपासून बनवलेले लिपबाम ओठांवर लावावे. यामुळे ओठ चमकदार आणि गुलाबी होण्यास मदत होते. चला तर जाणून घेऊया लिपबाम बनवण्याची कृती.

Lip Care: हिवाळा ऋतूला सुरुवात झाल्यानंतर सगळीकडे थंड वारे वाहू लागतात. थंड वातावरणात शरीरसोबतच त्वचा आणि केसांच्या समस्या उद्भवतात. त्यामुळे स्किन केअर रुटीनमध्ये बदल, हेअर केअर इत्यादी अनेक गोष्टी केल्या जातात, पण ओठांची जास्त काळजी घेतली जात नाही. ओठांवरील त्वचा कोरडी आणि निस्तेज झाल्यानंतर ओठ सुकल्यासारखे वाटतात आणि नैसर्गिक सौंदर्य़ कमी होते. ओठांवरील हरवलेली चमक पुन्हा वाढवण्यासाठी बाजारात उपलब्ध असलेले महागडे लिपबाम, लीप केअर प्रॉडक्ट मागवले जातात. फाटलेल्या ओठांमुळे जळजळ आणि वेदना वाढतात, ज्यामुळे काहीवेळा रक्त येण्याची शक्यता असते. त्यामुळे ओठांवरील फाटलेली त्वचा मऊ आणि मुलायम करण्यासाठी महागड्या स्किन केअरचा वापर न करता पारिजातकाच्या फुलांचा वापर करून लिपबाम बनवावे. चला तर जाणून घेऊया कृती.(फोटो सौजन्य – istock)

Hair Care Tips: पांढऱ्या केसांचा कंटाळा आला आहे? मग नारळाच्या तेलात मिक्स करून लावा हा पदार्थ, केस होतील काळेभोर आणि चमकदार

पारिजातकाच्या फुलांचा लिपबाम बनवण्यासाठी लागणारे साहित्य:

पारिजातकाची फुले
तूप
सुती कापड

कृती:

पारिजातकाच्या फुलाचे लिपबाम बनवण्यासाठी सर्वप्रथम, पारिजातकाच्या फुलांचे देठ वेगळे करून घ्या. त्यानंतर फुले पाण्याने स्वच्छ धुवून कोरडी करा. पारिजातकाच्या फुलांच्या पाकळ्या काढून खलबत्यामध्ये बारीक कुटून घ्या. त्यानंतर त्यात नारळाचे तेल घालून बारीक पेस्ट बनवून घ्या. छोट्या पॅनमध्ये पाणी गरम करून त्यात मध्यम आकारातील वाटी ठेवा. पाण्याच्या वाफेने वाटी गरम झाल्यानंतर त्यात तयार केलेली पेस्ट आणि तूप घालून चमच्याने मिक्स करा. ५ ते १० मिनिटं मंद आचेवर उकळी येण्यासाठी ठेवा. तयार केलेले मिश्रण गाळून किंवा सुती कपड्याने गाळून घ्या आणि काचेच्या डबीमध्ये भरून ठेवा.

Hair Growth Serum: घरगुती पदार्थांचा वापर करून ‘या’ पद्धतीने बनवा नॅचरल हेअर सीरम, महिनाभरात केसांची होईल घनदाट वाढ

तयार केलेले लिपबाम नियमित रात्री झोपण्याआधी ओठांवर लावावे. पारिजातकाच्या फुलांमध्ये अँटीऑक्सीडेंट्स असतात. त्यामुळे ओठांवर कोणतेही केमिकल प्रॉडक्ट लावण्याआधी त्वचेला सूट होईल की नाही याची खात्री करून नंतरच लावावे. थंडीच्या दिवसांमध्ये ओठ खूप जास्त फुटल्यासारखे झाल्यास तूप, खोबरेल तेलाचा वापर करावा. यामुळे ओठ अतिशय मऊ आणि गुलाबी होण्यास मदत होते. मऊ, मुलायम आणि नैसर्गिक गुलाबी ठेवण्यासाठी पारिजातकाच्या फुलांपासून बनवलेला लिपबाम लावावा. बऱ्याचदा वारंवार केमिकल प्रॉडक्टचा वापर केल्यामुळे ओठांवरील त्वचा खूप जास्त कोरडी पडून जाते तर काहीवेळा इन्फेक्शन होऊन ओठ काळे पडतात. थंडीच्या दिसवांमध्ये ओठ काळे पडत असतील तर तुपाचा वापर करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.