Uric Acid: शरीरातील युरिक ॲसिडची पातळी वाढल्यानंतर दिसून येतात ‘ही’ गभींर लक्षणे, सांध्यांमधील वेदना कमी करण्यासाठी घरगुती उपाय

Uric Acid: सांध्यांमध्ये वाढलेली युरिक ॲसिडची पातळी कमी करण्यासाठी आहारात बदल करणे आवश्यक आहे. खाद्यपदार्थ, प्रिझर्व्हेटिव्हस, यीस्ट असलेले पदार्थ, बाजारात मिळणारे डबाबंद शितपेये इत्यादी पदार्थांचे अजिबात सेवन करू नये.

Uric Acid: धावपळीची जीवनशैैली, खाण्यापिण्याच्या चुकीच्या सवयी, पोषक घटकांची कमतरता, अपुरी झोप इत्यादी अनेक गोष्टींचा परिणाम शरीरावर लगेच दिसून येतो. त्यामुळे शरीरात होणाऱ्या बदलांकडे अजिबात दुर्लक्ष करणे धोक्याचे ठरू शकते. वयाच्या ४०- ५० व्या वर्षानंतर शरीरातले  युरिक ॲसिड झपाट्याने वाढू लागते, जे शरीरासाठी निरुपयोगी आणि हळूहळू त्रासदायक ठरते.  युरिक ॲसिड वाढल्यानंतर पायाच्या अंगठ्याजवळ जास्त वेदना होतात. सकाळी उठल्यानंतर  पाय जमिनीवर टेकवने सुद्धा नकोसे वाटते. सांध्यांमध्ये  युरिक ॲसिडची पातळी वाढल्यानंतर सुरवातीच्या दिवसांमध्ये फारशी लक्षणे दिसून येत नाहीत, पण कालांतराने अतिशय तीव्र वेदना होतात. चला तर जाणून घेऊया युरिक ॲसिडची पातळी वाढल्यानंतर दिसून येणारी लक्षणे आणि युरिक ॲसिड कमी करण्यासाठी आहारात कोणत्या पदार्थांचा समावेश करावा. (फोटो सौजन्य – istock)

International Stuttering Awareness Day: ‘नीट बोल’चा दबाव तोतरेपणाची भीती वाढवतो! शाळेत जाणाऱ्या ५ टक्के मुलांमध्ये आढळतो तोतरेपणा

युरिक ॲसिडची पातळी वाढल्यानंतर दिसून येणारी लक्षणे:

•  पायाच्या मोठ्या अंगठ्यात अचानक आणि तीव्र वेदना होणे.
• घोटा, गुडघा, कोपर किंवा मनगटाच्या सांध्यांमध्ये वेदना होणे.
• लघवी करताना जळजळ होणे.
• सतत मळमळणे, उलट्या होण्याची इच्छा होणे.
• थकवा, अशक्तपणा
• लघवीचा रंग गढूळ होणे किंवा लघवीतून रक्त पडणे, इत्यादी लक्षणे दिसू लागल्यास अजिबात दुर्लक्ष न करता वेळीच उपचार करावेत.

शरीरात वाढलेले युरिक ॲसिड कमी करण्यासाठी उपाय:

शरीरात वाढलेले युरिक ॲसिड कमी करण्यासाठी नियमित २ ते ३ लिटर पाणी पिणे फार आवश्यक आहे. पाण्याच्या सेवनामुळे शरीरातील विषारी घटक बाहेर पडून जाण्यास मदत होते. जास्तीच युरिक ॲसिड शरीरातून बाहेर पडून गेल्यास सांध्यांना आलेली सूज कमी होईल. प्रक्रिया केलेले खाद्यपदार्थ, प्रिझर्व्हेटिव्हस, यीस्ट असलेले पदार्थ, बाजारात मिळणारे डबाबंद शितपेये आणि फ्रुक्टोज इत्यादी पदार्थांचा आहारात अजिबात समावेश करू नये. या पदार्थांच्या सेवनामुळे शरीराला हानि पोहचण्याची जास्त शक्यता असते.

Urinary Incontinence: खोकताना, शिंकताना लघवीचे थेंब पडतात? शरीरसंबंधित असू शकतो ‘या’ गंभीर आजारांचा धोका

दैंनदिन आहारात वेगवेगळ्या भाज्यांचा समावेश केला जातो. पण भेंडी, कोबी, वांगं अशा भाज्यांचे अतिसेवन करणे टाळावे. त्याऐवजी आहारात पालेभाज्या, विटामिन सी जास्त प्रमाणात असलेल्या भाज्यांचा आणि फळांचा समावेश आहारात करावा. आंबट फळांचे सेवन केल्यामुळे युरिक ॲसिड कमी होण्यास मदत होते. तसेच दूध, तूप इतर दुग्धजन्य पदार्थ योग्य प्रमाणात खाणे शरीरासाठी फायदेशीर ठरते. आहारात जास्तीतजास्त प्रमाणात फायबर युक्त पदार्थ खाल्ल्यास पचनक्रिया चांगली राहण्यास मदत होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.