तेलकट झालेला चेहरा स्वच्छ करण्यासाठी फेसवॉश किंवा साबणाचा वापर न करता तुरटीचा करा वापर, त्वचेला होतील अनेक फायदे

उन्हामुळे तेलकट किंवा चिकट झालेली त्वचा स्वच्छ करण्यासाठी साबणाचा वापर न करता तुरटीचा वापर करावा. तुरटीच्या वापरामुळे त्वचा आतून स्वच्छ होते. त्वचेसंबंधित समस्यांपासून आराम मिळवण्यासाठी कोणत्याही स्किन केअर प्रॉडक्टचा वापर करण्याऐवजी तुरटीचा वापर करावा. यामुळे त्वचा अतिशय सुंदर आणि चमकदार दिसते. तुरटी चेहऱ्यावर लावल्यामुळे कोणतेही गंभीर परिणाम चेहऱ्यावर दिसून येत नाहीत. म्हणूनच आज आम्ही तुम्हाला तुरटीचा वापर कसा करावा? तुरटी वापरल्यामुळे त्वचेला नेमके काय फायदे होतात? याबद्दल सविस्तर माहिती सांगणार आहोत. यामध्ये असलेले नॅचरल अ‍ॅंटी-सेप्टिक गुणधर्म त्वचेच्या वेगवेगळ्या समस्यांपासून आराम मिळवून देतात.

तुरटी त्वचेला लावण्याचे फायदे:

तुरटीमध्ये असलेले गुणधर्म त्वचा आतून स्वच्छ करण्यासाठी मदत करतात. यामुळे तुमचा चेहरा अतिशय क्लीन आणि स्वच्छ दिसेल. पिंपल्स, फोड, स्किन इन्फेक्शन किंवा त्वचेच्या अनेक समस्यांपासून कायमचा आराम मिळवून देण्यासाठी तुरटी मदत करेल. त्वचेवर वाढलेले अतिरिक्त तेल कमी करण्यासाठी तुरटीचा फेसपॅक चेहऱ्यावर लावावा. त्वचेच्या ओपन पोर्समध्ये साचून राहिलेली घाण स्वच्छ करण्यासाठी तुरटीचा वापर करावा.

तुरटी वापरण्याची योग्य पद्धत:

तुरटीचा फेसपॅक बनवून चेहऱ्यावर लावला जातो. तसेच तुरटीचा वापर करून तुम्ही चेहरा स्वच्छ धुवू शकता. रात्री झोपताना किंवा सकाळी उठल्यानंतर तुरटी चेहऱ्यावर फिरवल्यास त्वचा अधिक स्वच्छ होईल. तुरटी फिरवल्यानंतर त्वचेवर कोणताही साबण किंवा फेशवॉश लावू नये. तुरटी फिरवून त्वचा पाण्याने स्वच्छ धुतल्यानंतर कॉटनच्या कपड्याने त्वचा पुसून घ्या.

खरंच Sunscreen लावल्याने शरीरातील Vitamin D कमी होते? ‘हे’ आहे सत्य

तुरटी कितीवेळा चेहऱ्यावर लावावी?

चेहरा स्वच्छ धुवण्यासाठी तुरटीचा वापर करावा. तुरटीचा वापर करून चेहरा तुम्ही एकदा किंवा दोनदाच धुवू शकता. जास्त वेळ तुरटी चेहऱ्यावर लावल्यास त्वचा अतिशय कोरडी आणि निस्तेक पडू शकते. दोन वेळेपेक्षा जास्त वेळ तुरटी त्वचेवर लावू नये. यामुळे चेहऱ्याला हानी पोहचण्याची शक्यता असते. तुरटी लावल्यानंतर त्वचा पाण्याने स्वच्छ धुवून घ्यावी.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या