डोळ्यांभोवती वाढलेले काळे डाग घालवण्यासाठी ‘या’ पद्धतीने करा बटाट्याचा वापर, त्वचा आतून स्वच्छ आणि तेजस्वी

डोळ्यांखाली वाढलेले काळे डाग घालवण्यासाठी महिला वेगवेगळ्या स्किन ट्रीटमेंट करून घेतात. पण तरीसुद्धा त्वचेवर नैसर्गिक ग्लो येत नाही. म्हणूनच आज आम्ही तुम्हाला डोळ्यांखाली वाढलेले काळे डाग घालवण्यासाठी बटाट्याचा वापर कसा करावा, याबद्दल सविस्तर माहिती सांगणार आहोत. बटाट्यामध्ये असलेल्या थंडाव्यामुळे डोळ्यांमध्ये वाढलेली उष्णता कमी होते आणि डोळे कायमच निरोगी राहतात. बटाटा नॅचरल ब्लिचिंग एजंट म्हणून ओळखला जातो. त्वचेच्या सौंदर्यात भर पाडण्यासाठी वेगवेगळ्या स्किन केअर प्रॉडक्टचा वापर करण्याऐवजी स्वयंपाक घरातील नैसर्गिक पदार्थांचा वापर करावा.

त्वचेचे सौंदर्य खुलवण्यासाठी या पद्धतीने करा बटाट्याचा वापर:

चेहऱ्यावर वाढलेले काळे डाग आणि डोळ्यांखाली आलेली काळी वर्तुळ घालवण्यासाठी तांदळाच्या पिठाचा वापर करावा. तांदळाच्या पिठाचा वापर जेवणातील पदार्थ बनवण्यासाठी केला जातो. फेसपॅक तयार करताना वाटीमध्ये तांदळाचे पीठ घेऊन त्यात चिमूटभर हळद आणि बटाट्याचा रस टाकून व्यवस्थित पेस्ट तयार करा तयार केलेली पेस्ट संपूर्ण चेहऱ्यावर आणि मानेवर लावून काहीवेळ तशीच ठेवा. त्यानंतर हातांना पाणी लावून हलक्या हाताने मसाज करा. यामुळे डेड स्किन कमी होण्यास मदत होईल. चेहऱ्यावर जमा झालेली डेड स्किन त्वचा अतिशय निस्तेज करून टाकते. तांदूळ आणि बटाट्याचा फेसपॅक लावल्यामुळे डार्क स्पॉट, पिगमेंटेशन कमी होईल.

चेहऱ्यावर आलेल्या मुरुमांमुळे त्वचा निस्तेज झाली आहे? मग स्वयंपाक घरातील ‘या’ पदार्थांचा करा वापर, त्वचेवर येईल ग्लो

डोळ्यांभोवती वाढलेले काळे डाग कमी करण्यासाठी बटाट्याचा रस अतिशय प्रभावी ठरेल. वाटीमध्ये कॉफी पावडर घेऊन त्यात बटाट्याचा रस मिक्स करा. तयार केलेला लेप डोळ्यांभोवती लावून काहीवेळ तसाच ठेवा. सकाळी उठल्यानंतर लेप पाण्याने धुवून टाका. हा लेप नियमित लावल्यास डोळ्यांखालील काळी झालेली त्वचा पुन्हा उजळण्यास मदत होईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या