Recipe : हलकी गोड, तोंडात टाकताच विरघळणारी…, उत्तराखंडची 1100 वर्षे जुनी ही रेसिपी तुम्ही कधी ट्राय केली आहे का?

Uttarakhand Traditional Recipe : शुक्राचार्यांशी जोडलेली ही डिश आठव्या आणि नवव्या दशकातील असल्याचे सांगितले जाते. उत्तराखंडमध्ये खास प्रसंगी बनवली जाणारी ही डिश तुम्ही एकदा घरी नक्की बनवायला हवी.

• उत्तराखंडची जुनी आणि पारंपारिक डिश तुम्ही चाखायला हवी.
• तुम्ही कधी अरसा हा पदार्थ खाल्ला आहे का?
• याचा इतिहास फार रंजक आहे.

भारतीय जेवण फक्त देशभरच नाही तर जगभर प्रसिद्ध आहे. यातही देशातील प्रत्येक राज्याची आपली अशी काही खास डिश आहे. आज आम्ही तुमच्यासाठी उत्तराखंडची एक खास रेसिपी घेऊन आले आहोत जिला एकदा तरी तुम्ही घरी बनवायला हवं. आम्ही तुम्हाला सांगतो की, ही रेसिपी ११०० वर्षे जुनी असून आठव्या-नवव्या शतकात जेव्हा गुरु शंकाराचार्यांनी बद्रीनाथ, केदारनाथची स्थापना आणि पुनरुज्जीवन केले तेव्हा दक्षित भारतातील ब्राह्मणांनी पूजेसाठी आपल्यासोबत ही मिठाई आणल्याचे सांगितले जाते.

Recipe : चाॅकलेट प्रेमींसाठी खास, घरी बनवा टेस्टी आणि आकर्षक ‘चाॅकलेट टार्ट’, पाहूनच लहान मुले होतील खुश

चवीला हलका गोड लागणाऱ्या या मिठाईचे नाव अरसा असून फार निवडक साहित्यापासून ही रेसिपी तयार केली जाते. उत्तरखंडात कोणता खास प्रसंग असला की या रेसिपीला तयार करण्यात येते. विशेषत: लग्नानंतर जेव्हा मुलगी माहेरुन सासरी जाते तेव्हा तिच्यासोबत काही पदार्थ देण्याची परंपरा आहे ज्यात या पदार्थाचा समावेश केला जातो. चला तर मग या पारंपारिक गोड पदार्थाला घरी कसे बनवता येईल याची रेसिपी जाणून घेऊया.

साहित्य

• २५० ग्रॅम तांदूळ
• १०० ग्रॅम गूळ
• २ कप खोबऱ्याचा भुगा
• ३/४ कप मनुका
• २ ते ३ चमचे बडीशेप
• १ ते २ चमचे तीळ
• १.५ कप पाणी
• तळण्यासाठी तेल

वेट लॉससाठी परफेक्ट! मिक्स डाळींचा वापर करून झटपट बनवा पौष्टिक खिचडी, नोट करून घ्या रेसिपी

कृती

• अरसा तयार करण्यासाठी सर्वप्रथम तांदळांना पाण्यात भिजवून रात्रभर बाजूला ठेवून द्या.
• तांदूळ चांगले भिजले की मग त्यातील अतिरिक्त पाणी चाळणीतून फेकून द्या.
• यानंतर मिक्सरमध्ये तांदळांला वाटून याचे पीठ तयार करा. लक्षात घ्या तांदळात किंचित ओलावा असावा.
• आता गॅसवर एक भांडे ठेवून यात गुळाचे खडे टाका आणि गुळाला चागंले वितळवून घ्या.
• वाटलेल्या तांदळाच्या मिश्रणात वितळवलेले गुळ घाला आणि व्यवस्थित पीठ मळून घ्या .
• पीठ मळताना यात गाळी पडणार नाहीत याची काळजी घ्या.
  आता या मिश्रणात बडीशेप, नारळाचा कीस, मनुका आणि तीळ किंवा खसखस घालून पुन्हा एकदा पीठ चांगले मळून घ्या.
• हाथांना तेल लावा आणि लहान पीठाचे गोळे हातात घेऊन त्यांना हलक्या हाताने दाबत जाडसर पुरीप्रमाणे तयार करा.
• आता कढईत तेल गरम करा आणि मध्यम आचेवर एक एक करुन सर्व तयार अरसे छान तळून घ्या.
• तुमचे खुसखुशीत आणि गोड चवीचे अरसे तयार आहेत.
• तुम्ही यांना अनेक दिवसांपर्यंत साठवून ठेवू शकता.