आळस नव्हे, आरोग्याचा मंत्र! स्मरणशक्तीपासून एकाग्रतेपर्यंत… वामकुक्षीचे वैज्ञानिक फायदे जाणून घ्या

वामकुक्षी म्हणजे दुपारच्या वेळेत घेतली जाणारी डुलकी जी केवळ आळस नसून आरोग्यासाठी फायदेशीर मानली जाते. योग्य वेळेत आणि मर्यादित कालावधीसाठी घेतलेली वामकुक्षी मानसिक आणि शारीरिक ताजेतवानेपणा देण्यास मदत करते.

• वामकुक्षी घेतल्याने एकाग्रता, स्मरणशक्ती आणि मूड सुधारण्यास मदत होते.
• २० ते ४५ मिनिटांची दुपारची डुलकी शरीरातील थकवा कमी करून ऊर्जा वाढवते.
• जास्त वेळ झोपल्यास आरोग्यावर विपरीत परिणाम होऊ शकतो, त्यामुळे मर्यादित वामकुक्षी घेणे आवश्यक आहे.

झोपेसाठी वापरला जाणारा वामकुक्षी हा शब्द जुन्या काळात वापरला जात होता. वामकुक्षी (वाम’ म्हणजे ‘डावी’ आणि ‘कुक्षी’ म्हणजे ‘कुशी’. बहुतेक लोकांना वाटते, की आळस आला का डुलकी येते. पण हा एक गैरसमज आहे. खरे सत्य तर याच्या अगदी उलट आहे. तुम्हाला जाणून आश्चर्य वाटेल पण वामकुक्षी घेतल्याने आरोग्याला अनेक फायदे मिळतात. दुपारी जेवल्यानंतर डाव्या अंगावर आडवे होणे किंवा झोपणे म्हणजे ‘वामकुक्षी’) घेतल्याने प्रत्यक्षात मानसिक सावधानता, शारीरिक हालचाली आणि मूड यांना चालना मिळू शकते. आज आपण या लेखात वामकुक्षी घेण्याचे आरोग्याला कोणते फायदे होतात ते जाणून घेणार आहोत.

विना LPG घरी कोणकोणते पदार्थ बनवले जाऊ शकतात? न शिजवता तयार होणारे हे आहेत हेल्दी अन् टेस्टी ऑप्शन्स

जेवण हे कारण नाही

सर्वांत जास्त सस्तन प्राणी दिवसभरातून थोड्या काळासाठी झोपण्याला पसंती देतात. याचप्रमाणे मनुष्यही रात्री ६-८ तास झोपण्यास प्राधान्य देतात. परंतु दुपारी १ ते ३ आणि रात्री २ ते ४ ही वेळ तर हमखास झोप लागण्याची आहे. यामुळे आता तरी तुमच्या लक्षात आले असेल की, दुपारी येणाऱ्या वामकुक्षीचे कारण दुपारचे जेवण नाही.

उत्तम औषध

यामुळे तुम्ही ४५ मिनिटे व्यवस्थित वामकुक्षी घेऊ शकता. हे एकाग्रता, स्मृती वाढण्यासाठी आणि लक्ष केंद्रित करण्यासाठी उत्तम औषध आहे. खरे तर, तुम्ही दिवसभरात छोटाशी डुलकी घेत असाल तर चांगलेच आहे.

World Oral Health Day : दात निरोगी तर जीवन आनंदी! मौखिक आरोग्य म्हणजे काय? जाणून घ्या

अतिरेक टाळा

यामुळे तुमची आळस आणि थकव्यापासून सुटका होण्यास मदत मिळते, याउलट, जास्त काळ वामकुक्षी घेतल्याने हृदय व रक्तवाहिन्यांच्या संबंधातील रोगांचा धोका वाढण्याची शक्यता आहे. तसेच जर कोणालाही जास्त काळ झोपण्याची इच्छा होत असेल तर त्याबाबत तज्ज्ञांची मदत घेणे आवश्यक आहे.

आदर्श वेळ

तुमच्यासाठी डुलकी घेण्याची २० मिनिटे ते २ तास ही आदर्श वेळ तयार करण्यात आलेली आहे. झोपेच्या दरम्यान आपला मेंदू पाच टप्प्याच्या आवर्तनामध्ये विद्युत क्रिया करत असते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.